Ngwaga le ngwaga, batho ba ga Jehofa ba itumelela go gopola loso lwa ga Jesu mmogo. Re dirisa ditshono tse di kgethegileng beke pele le morago ga Segopotso go galaletsa le go leboga Jehofa ka ntlha ya mpho ya thekololo. (Bae 1:3, 7) Ka sekai, re dira ka natla go laletsa batho go tla Segopotsong. Ba bangwe ba kgona go nna babulatsela ba ba thusang ka kgwedi ya March kgotsa ya April mme ba dira diura di le 30 kgotsa 50. A o ka rata go oketsa nako e o e dirisang mo bodireding ka nako ya Segopotso? Ke eng se se ka go thusang gore o fitlhelele mokgele oo?

Re kgona go fitlhelela dilo di le dintsi fa re ipaakanya go sa le gale. (Dia 21:5) Re tshwanetse go ipaakanya gone jaanong ka gonne nako ya Segopotso e a atamela. Akanya ka se o tla se dirang gore o nne le seabe mo bodireding ka nako ya Segopotso le se o tla se dirang gore o fitlhelele mokgele oo. Go tswa foo, kopa Jehofa gore a segofatse maiteko a gago.​—1Jo 5:14, 15.

O ka dirisa ditsela dife gore o nne le nako e e oketsegileng mo bodireding ka nako ya Segopotso?