Re batla go itumedisa Jehofa ka sengwe le sengwe se re se dirang. (Dia 27:11) Gore re dire seno, re tlhoka go dira ditshwetso tse di bontshang gore re akanya jaaka Jehofa le fa gone go se na melao e re bolelelang gore re dire eng. Ke eng se se ka re thusang go dira seno?

Bala Baebele letsatsi le letsatsi. Nako le nako fa re bala Baebele, go tshwana jaaka e kete re fetsa nako le Jehofa. Re kgona go ithuta ka tsela e Jehofa a akanyang ka yone ka go lebelela gore o ne a dirisana jang le batho ba gagwe le go tlhatlhoba dikai tsa batho ba a neng a ba leba ba siame le ba ba neng ba le bosula. Fa re tlhoka go dira ditshwetso, moya o o boitshepo o tla re thusa go gopola dithuto le melaometheo tse re di ithutileng mo Lefokong la Modimo.—Joh 14:26.

Dira dipatlisiso. Fa o tlhoka go dira tshwetso ipotse gore, ‘Ke temana kgotsa pego efe ya Baebele e tla nthusang go tlhaloganya gore Jehofa o ikutlwa jang ka kgang eno?’ Rapela Jehofa gore a go thuse, o bo o dirisa dithulusu tsa dipatlisiso tse di leng gone mo puong ya gago gore di go thuse go bona le go dirisa melaometheo e e ka go thusang mo boemong jo o lebaneng le jone.​—Ps 25:4.

LEBANG BIDIO YA RE TSHWANETSE GO ‘TABOGA KA BOITSHOKO’—JA DIJO TSE DI NANG LE DIKOTLA, LO BO LO ARABA DIPOTSO TSE DI LATELANG:

• Kgaitsadi yo mosha mo bidiong eno, o ne a lebana le dikgwetlho dife?

  textarea-1

• Re ka dirisa jang dithulusu tsa go dira dipatlisiso go lebana le dikgwetlho tse di tshwanang?

  textarea-2

• Fa re ithuta re le nosi re bo re ipha nako ya go dira dipatlisiso gore re kgone go dira ditshwetso tse di molemo, seno se tla re solegela molemo jang?​—Bah 5:13, 14

  textarea-3