Lefoko la Modimo le ka re thusa go dira diphetogo mo matshelong a rona. (Bah 4:12) Mme gone fa re batla gore Baebele e re kaele le go re gakolola, re tshwanetse go itlhatswa pelo gore ke “lefoko la Modimo.” (1Bt 2:13) Re ka nonotsha jang tumelo ya rona mo Baebeleng?

Bala Baebele letsatsi le letsatsi. Fa o ntse o e bala, batla bosupi jo bo bontshang gore Jehofa ke mokwadi wa yone. Ka sekai, sekaseka tshedimosetso e e mo bukeng ya Diane go bona kafa e go solegelang molemo ka gone gompieno.​—Dia 13:20; 14:30.

Simolola porojeke ya go ithuta. Sekaseka tshedimosetso e e bontshang gore Baebele e tlhotlheleditswe ke Modimo. Mo bukeng ya Kaedi ya go Dira Dipatlisiso ya Basupi ba ga Jehofa, ya kwa setlhogong se se reng “Baebele” o bo o batla setlhogwana se se reng, “E Tlhotlheleditswe ke Modimo.” Gape o ka sekaseka tshedimosetso e e mo karolong ya Dintlha Tse di Oketsegileng A3 mo Baebeleng ya Thanolo ya Lefatshe le Lesha go inonotsha tumelo gore molaetsa o o mo Baebeleng ga o a fetolwa.

LEBANG BIDIO YA KE ENG FA RE DUMELA GORE . . . BAEBELE KE LEFOKO LA MODIMO?, LO BO LO ARABA DIPOTSO TSE DI LATELANG:

• Tshedimosetso e e fitlhetsweng mo loboteng lwa tempele kwa Karnak kwa Egepeto e bontsha jang gore molaetsa wa Baebele o boammaaruri?

  textarea-1

• Re itse jang gore molaetsa o o mo Baebeleng ga o a fetoga?

  textarea-2

• Ke eng se se go tlhatswang pelo gore Baebele ke Lefoko la Modimo?​—Bala Isaia 40:8

  textarea-3