Tsela nngwe e re ka obamelang Jehofa ka yone ke fa re ithaopa go thusa go aga dikago tse di dirisediwang go obamela Jehofa. (Ek 36:1) Fa o batla go thusa mo diporojekeng tsa go aga tse di gaufi le lefelo le o nnang kwa go lone tlatsa foromo ya, Design/Construction Volunteer Application (DC-50). Kgotsa fa o batla go thusa mo diporojekeng tsa go aga tse di kgakala tse di ka tswang di tsaya dibeke di le mmalwa kgotsa dikgwedi o ka tlatsa foromo ya, Application for Volunteer Program (A-19) Ga o tlhoke go bo o itse tiro ya go aga gore o ithaope.—Neh 2:1, 4, 5.

LEBANG BIDIO YA, BONTSHA TUMELO KA GO DIRISA DITSHONO TSE DI BULEGILENG TSA GO DIRELA JEHOFA—THUSA MO DIPOROJEKENG TSA KAGO, LO BO LO ARABA DIPOTSO TSE DI LATELANG:

• Sara o ne a tlhobaela ka eng mme o thusitswe ke eng?