O tlhoka tumelo gore o fuduge mo o nnang gone mme o ye kwa lefelong le lengwe gore o kgone go dira mo go oketsegileng mo bodireding. (Bah 11:8-10) Bua le bagolwane ba phuthego ya lona fa o batla go fudugela kwa go nang le tlhokego ya baboledi gone. Ke dilo dife tse o ka di dirang tse di ka go thusang go bona gore a o ka kgona go fitlhelela mokgele wa gago? Bala dikgatiso tse di buang ka go direla kwa go nang le tlhokego ya baboledi gone. Tlotla le bakaulengwe kgotsa bokgaitsadi ba ba kgonneng go fudugela kwa phuthegong e nngwe. (Dia 15:22) Rapela Jehofa mme o mo kope gore a go kaele. (Jak 1:5) Dira dipatlisiso ka lefelo le o batlang go ya kwa go lone mme fa go kgonega etela lefelo leo nakonyana pele o dira tshwetso ya go fuduga.

LEBANG BIDIO YA BONTSHA TUMELO KA GO DIRISA DITSHONO TSE DI BULEGILENG TSA GO DIRELA JEHOFA—FUDUGELA KWA GO TLHOKEGANG BABOLEDI GONE, LO BO LO ARABA DIPOTSO TSE DI LATELANG:

• Kago o ne a tlhoka go dira diphetogo dife mme ke eng se se ileng sa mo thusa?