August 5-11

MATLOTLO A A MO LEFOKONG LA MODIMO

1. “Bolelela Kokomana e e Latelang” ka Maatla a Modimo

(10 mets.)

Dafide o ile a bona kafa Jehofa a neng a mo sireletsa ka gone fa a ne a santse a le mosha (Ps 71:5; w99 9/1 18 ¶17)

Dafide o ne a bona kafa Jehofa a neng a mo tshegetsa ka gone fa a ne a setse a tsofetse (Ps 71:9; g04 10/8 17 ¶3)

Dafide o ne a kgothatsa basha ka go ba tlotlela ka maitemogelo a gagwe (Ps 71:17, 18; w14 1/15 23 ¶4-5)

IPOTSE: ‘Ka nako ya Kobamelo ya Lelapa, nka rata go botsolotsa mokaulengwe kgotsa kgaitsadi ofe yo o nang le dingwaga di le dintsi a direla Jehofa?’

2. Go Ribolola Matlotlo mo Dikwalong

(10 mets.)

Ps 72:8—Se Jehofa a ileng a se solofetsa Aborahame mo go Genesise 15:18 se ile sa diragadiwa jang fa Kgosi Solomone a busa? it-1-E 768)

Kwala karabo ya gago fano
Mo mmalong wa Baebele wa beke eno, ke dintlha dife tse o ka ratang go tlotla ka tsone?

Kwala karabo ya gago fano

3. Mmalo wa Baebele

(4 mets.) Ps 71:1-24 (th thuto 5)

TLHAGAFALELA BODIREDI

4. Fa o Kopana le Motho Lekgetlo la Ntlha

(3 mets.) GO RERA KA NTLO LE NTLO. Fa mong wa ntlo a simolola go ngangisana le wena, emisa motlotlo ka tsela e e molemo. (lmd thuto 4 ntlha 5)

5. Fa o Dira Maeto a go Boela

(4 mets.) GO RERA O SE MO BODIREDING. Tsweletsa motlotlo le mongwe wa losika yo o okaokang go ithuta Baebele. (lmd thuto 8 ntlha 4)

6. Tlhalosa Se o Se Dumelang

(5 mets.) Puo. ijwfq 49—Setlhogo: Goreng Basupi ba ga Jehofa ba Ile ba Fetola Dilo Dingwe Tse ba Neng ba di Dumela? (th thuto 17)

BOTSHELO JWA BOKERESETE

7. Dikakantsho Tsa Kobamelo ya Lelapa

(15 mets.) Motlotlo.

Kobamelo ya Lelapa ke nako e e botlhokwa e bana ba tshwanetseng go rutiwa le go kaelwa “ka tsela e Jehofa” a e batlang. (Bae 6:4) Go ithuta ga se kgetsi e potlana, mme e ka nna sengwe se se itumedisang, segolobogolo fa bana ba na le keletso ya go ithuta Baebele. (Joh 6:27; 1Pe 2:2) Sekaseka lebokoso la setlhogo se se reng, “ Dikakantsho Tsa go Tshwara Kobamelo ya Lelapa.” Lebokoso leno le diretswe go thusa batsadi gore ba nne le Kobamelo ya Lelapa e e rutang e bile itumedisa ba lelapa, go tswa foo, botsa bareetsi dipotso tse di latelang:

O ka rata go lekeletsa dikakantsho dife?

Kwala karabo ya gago fano
A go na le se sengwe gape se se ka lo solegelang molemo?

Kwala karabo ya gago fano

DIKAKANTSHO TSA GO TSHWARA KOBAMELO YA LELAPA

BAEBELE:

Reetsang mmalo wa Baebele o o rekotilweng wa beke le beke kgotsa lo o balele kwa godimo, lo tla lo refosana. Mongwe le mongwe a ka tlhopha gore o batla go bala karolo ya ga mang mo mmalong wa Baebele
Itireleng dipotso go tswa mo mmalong wa Baebele o o tla diriwang. Letla mongwe le mongwe mo lelapeng gore a itlhophele potso e le nngwe a bo a dira dipatlisiso ka yone. Go tswa foo, lo tla tlotla ka se lo se ithutileng mo kobamelong ya lelapa e e tla latelang mme e tshwanetse go nna pele ga mmalo oo o ka sekasekiwa kwa dipokanong
Botsa potso kgotsa bua ka seemo sengwe, lo bo lo batla melaometheo mengwe e e tswang mo bukeng ya Bakeresete ba Kaelwa ke Baebele, e lo ka e dirisang mo seemong seo
Diragatsa karolo ya pego nngwe e e mo Baebeleng
Dira dikarata tse dinnye o bo o kwala ditemana tsa Baebele beke le beke. O ka kwala ditemana tse di tlhagelelang mo karolong ya dintlha tse di oketsegileng A, mo boroutšhareng jwa Rata Batho Ba o Ba Rerelang o bo o leka go di tshwara ka tlhogo. Boeletsa dikarata tsa dibeke tse di fetileng
Ithuteng karolo nngwe go tswa mo bukeng ya Itumelele go Tshelela Ruri!
Tlhopha bangwe mo lelapeng ba ba tla tlotlang ka setlhogo sengwe mo motseletseleng wa ditlhogo tsa “Dikarabo Tsa Dipotso Tsa Baebele” kgotsa “Ditemana Tsa Baebele di a Tlhalosiwa,” mo karolong ya DITHUTO TSA BAEBELE mo jw.org

DIPOKANO:

Baakanyetsang karolo nngwe ya dipokano
Baakanyetsang se lo tla se arabelang kwa dipokanong lo bo lo ikatisa. Elang tlhoko gore dikarabo ga di fete metsotswana e le 30
Ikatise go opela dipina tsa Bogosi
Tlotlang ka gore lo tla kgothatsa jang mongwe pele dipokano di simolola le morago ga tsone lo bo lo ikatisa
Fa mongwe mo lapeng a na le kabelo kgotsa puo mo dipokanong tsa mo gare ga beke, a ka ikatisa fa pele ga botlhe mo lelapeng

BODIREDI:

Baakanyetsang se lo tla se buang fa lo ya go rera ka ntlo le ntlo
Baakanyetsang se lo tla se buang fa lo dira maeto a go boela
Ikatiseng gore lo tla simolola motlotlo jang fa lo rera lo se mo bodireding
Tlotlang ka mekgele e lo tla ipeelang yone ka paka ya Segopotso, fa dikolo di tswetse kgotsa fa lo sa ye tirong

DILO TSE LELAPA LE DI TLHOKANG:

Ikatiseng gore lo tla dira jang fa lo lebana le maemo a a ka dirang gore lo tseye letlhakore mo dipolotiking, fa bana ba kgerisiwa, mo dikgannyeng tsa go ratana, go keteka malatsi a boikhutso kgotsa mo maemong a mangwe
Fa lo ikatisa, batsadi ba ka itira bana go bontsha bana gore ba ne ba ka dira jang fa ba ne ba lebane le seemo sa bone, gape bana le bone ba ka itira batsadi go bontsha gore ba ne ba ka dira jang fa ba ne ba le mo seemong seo. Go tswa foo, bana ba ka dira dipatlisiso ka kgang eo ba bo ba tlotla le batsadi ka dintlha tse ba di boneng

DIKAKANTSHO TSE DI OKETSEGILENG:

Lebang thulaganyo ya JW Broadcasting^® lo bo lo tlotla ka yone
Balang setlhogo sengwe kgotsa lebelelang bidio nngwe mo jw.org, lo bo lo tlotla ka yone
Batla sengwe se lo ka tlotlang ka sone mo ditlhogong tsa “Basha” kgotsa “Bana” mo karolong ya DITHUTO TSA BAEBELE mo jw.org
Tlotlang ka dintlha tse lo di tsereng fa lo ne lo le kwa kopanong
Lebang popo ya ga Jehofa kgotsa dirang dipatlisiso ka yone, lo bo lo tlotla ka gore e lo ruta eng ka Jehofa
Ka dinako dingwe, laletsa mongwe go nna gone kwa kobamelong ya lelapa lo bo lo mmotsolotsa
Ipeeleng mekgele lo bo lo tlotla ka gore lo tla e fitlhelela jang
Dirang porojeke nngwe mmogo, gongwe lo ka aga araka ya ga Noa kgotsa lwa ithuta ka dimmapa kgotsa ditšhate tse di mo Baebeleng ya Thanolo ya Lefatshe le Lesha le tse di mo dikgatisong tse dingwe

Tshameka BIDIO ya Nnang lo Tokafatsa Kobamelo ya Lelapa. Go tswa foo, botsa bareetsi potso e e latelang:

Rre wa lelapa a ka dira eng gore mosadi wa gagwe a itumelele kobamelo ya lelapa le fa bana ba seyo?

Kwala karabo ya gago fano

8. Thuto ya Baebele ya Phuthego

(30 mets.) bt kgao. 13 ser. 17-24

Dintlha Tse di Konelang (3 mets.) | Pina 123 le Thapelo

BUKANA YA BOTSHELO LE BODIREDI

Thulaganyo ya Botshelo le Bodiredi ya August 5-11, 2024

Setswana

Thulaganyo ya Botshelo le Bodiredi ya August 5-11, 2024

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 July ts. 10-16

Basupi ba ga Jehofa

August 5-11

DIPESALEMA 70-72

Pina 59 le Thapelo | Matseno (1 mots.)

MATLOTLO A A MO LEFOKONG LA MODIMO