MATLOTLO A A MO LEFOKONG LA MODIMO | DIPESALEMA 34-37
Ikanye Jehofa Mme o Dire Molemo
“O se ka wa tswela ba ba dirang tshiamololo pelo”
-
O se ka wa letla katlego ya nakwana e baikepi ba nang le yone e go itaya tsebe mo go direleng Jehofa. Tlhoma mogopolo mo masegong a ga Jehofa le mo mekgeleng ya semoya
“Ikanye Jehofa mme o dire molemo”
-
Ikanye gore Jehofa o tla go tshegetsa mo mathateng le mo ditlhobaelong dipe fela. O tla go thusa gore o nne o ikanyega
-
Nna o tshwaregile ka tiro ya go rera dikgang tse di molemo tsa Bogosi Jwa Modimo
“Itumelele Jehofa thata”
-
Iphe nako ya go bala Lefoko la Modimo le go tlhatlhanya ka lone ka boikaelelo jwa go itse Jehofa botoka
“Pitikela tsela ya gago mo go Jehofa”
-
Ikanye gore Jehofa o tla go thusa ka mathata ape fela
-
Tswelela ka go itshwara sentle fa o ganediwa, o bogisiwa kgotsa o latofadiwa
“Didimala fa pele ga ga Jehofa mme o mo lete ka tlhologelelo”
-
Tila ditiro tsa go nna mafega tse di ka go amogang boitumelo le tshireletsego ya semoya
“Ba ba pelonolo ba tla rua lefatshe”
-
Lwela go nna pelonolo mme o letele Jehofa ka boikobo gore a fedise tshiamololo e o lebaneng le yone
-
Ema badumedimmogo nokeng mme o gomotse ba ba ngomogileng dipelo ka tsholofetso ya Modimo ya lefatshe le lesha, le re tlogang re nna mo go lone
Puso ya Bomesia e tla tlisa masego a a seng kana ka sepe
