BOTSHELO JWA BOKERESETE
Go Tokafatsa Bokgoni Jwa Rona mo Bodireding—Go Ruta ka Dibidio
GORENG GO LE BOTLHOKWA:
Dibidio di kgona go ama dipelo tsa batho ka gonne di gapa temosi ya go bona le ya go utlwa. Di a gogela e bile ga di lebalesege motlhofo. Jehofa o re tlhometse sekao se se molemo sa go ruta ka ditshwantsho.—Dit 10:9-16; Tsh 1:1.
Bidio ya A Modimo O na Le Leina? le ya Mokwadi wa Baebele ke Mang? le ya Re ka Itse Jang Gore Baebele e Boammaaruri? di tlaleletsa thuto 2 le thuto 3 ya boroutšhara jwa Dikgang Tse di Molemo. Bidio ya Ke Eng fa o Tshwanetse go Ithuta Baebele? le ya Thuto ya Baebele e Tshwarwa Jang? le ya Go Dirwang Kwa Holong ya Bogosi? di kgothaletsa batho go ithuta Baebele le go tla dipokanong. Dibidio tse dingwe tsa rona di ka dirisiwa fa re tshwere dithuto tsa Baebele.—km 5/13 3.
SE O KA SE DIRANG:
-
Itseele bidio e o tla e bontshang mong wa ntlo
-
Baakanyetsa potso kgotsa di le pedi tse di tla arabiwang mo bidiong eo
-
Lebang bidio mmogo
-
Sekasekang dintlha tsa yone tsa konokono
LEKA GO DIRA SENO:
-
Ya kwa morago ga nngwe ya dipampitshana tsa rona o bo o bontsha mongwe khouto e e isang kwa bidiong ya Ke Eng fa o Tshwanetse go Ithuta Baebele?
-
Bontsha mongwe bidio ya Re ka Itse Jang Gore Baebele e Boammaaruri? o bo o mo naya boroutšhara jwa Dikgang Tse di Molemo o buelela thuto 3
