Batsadi ba Bakeresete ba eletsa go bona bana ba bone ba nna batlhanka ba ga Jehofa ba ba ikanyegang. Batsadi ba ka thusa bana ba bone ka go ba ruta Lefoko la Modimo ba sa ntse ba le bannye. (Dut 6:7; Dia 22:6) A seno se raya gore batsadi ba tlhoka go tsaya matsapa? Ee! Ka gonne matsapa a ba a tsayang a tla solegela bana ba bone molemo.—3Jo 4.

Batsadi ba ka ithuta dilo di le dintsi mo go Josefa le Marea. Ba ne ba “tlwaetse go ya kwa Jerusalema ngwaga le ngwaga ba ela moletlo wa tlolaganyo” le fa go ne go ba tlhoka madi a mantsi. (Luk 2:41) Go bonala Josefa le Marea ba ne ba dira gore go direla Jehofa e nne selo se se tlang pele mo lelapeng la bone. Ka tsela e e tshwanang, batsadi ba ka thusa bana ba bone go direla Jehofa ka go dirisa tshono nngwe le nngwe go ba ruta Lefoko la Modimo le go ba tlhomela sekao.—Pes 127:3-5.

LEBA BIDIO YA GA BA A KA BA GANA GORE JEHOFA A BA DIRISE O BO O ARABA DIPOTSO TSE DI LATELANG:

• Jon le Sharon Schiller ba ne ba dira jang gore go direla Jehofa go tle pele mo lelapeng la bone?

• Ke eng fa batsadi ba tshwanetse go ruta, go kaela le go kgalemela ngwana mongwe le mongwe ka tsela e e farologaneng?

• Batsadi ba ka thusa bana ba bone jang go lebana le diteko?

• Ke dilo dife tse o di dirisitseng mo phuthegong ya Modimo go thusa bana ba gago gore e nne ditsala tsa ga Jehofa?