JW Library ke app ya mahala e e go thusang gore o kgone go itseela Baebele, dikgatiso tse dingwe, dibidio le dikgatiso tse di rekotilweng o dirisa tablet, founo ya selula kgotsa khomputara.

TSELA YA GO NNA LE YONE: Tsena mo Internet o bo o itseela JW Library mo app store. App eno e kgona go tsena mo didirisiweng tse di farologaneng. Fa o ntse o le mo Internet, bula app o bo o tlhopha dikgatiso tse o batlang go di itseela. Fa o se na data kgotsa Wi-fi kwa lapeng, o ka nna wa ya kwa lefelong lengwe le le nang le Wi-fi, jaaka kwa Holong ya Bogosi, kwa laeboraring kgotsa kwa resetšhurenteng. Fa o sena go tsenya dikgatiso mo sedirisiweng sa gago, ga o tlhoke Internet go bala dikgatiso tseo. E re ka JW Library e nna e tlhabololwa, o tlhoka go nna o tsena mo Internet gore o bone ditlhabololo tseo.

GORENG O E TLHOKA? JW Library e dira gore go nne motlhofo go ithuta o le nosi le gore o tsamaisane sentle le se se diregang kwa dipokanong. Gape e thusa mo tirong ya go rera, bogolo jang fa o rera o se mo bodireding.