9:1-7

Akanya fela gore fa Jesu a ne a le mo kgalalelong o ne a ikutlwa jang fa a utlwa Rraagwe yo o kwa legodimong a itsise baaposetoloi ba bangwe gore o mo amogetse. Ga go pelaelo gore seno se ile sa nonotsha Jesu gore a kgone go itshokela botlhoko jo a neng a tlile go bo utlwa. Ponatshegelo eno e ile ya kgatlha Petere, Jakobe, le Johane fela thata. E ile ya dira gore ba tlhomamisege gore eleruri Jesu ke Mesia e bile ba ne ba dira se se siameng ka go mo reetsa. Morago ga dingwaga di ka nna 32, Petere o ne a sa ntse a gopola tiragalo eo le kafa e ileng ya nonotsha tumelo ya gagwe ka gone mo ‘lefokong la boporofeti.’—2Pe 1:16-19.

Le fa gone re sa bona ponatshegelo eno e e kgatlhang, re bona go diragadiwa ga yone. Gone jaanong Jesu o busa e le Kgosi e e maatla. Go ise go ye kae, o tla “digela phenyo ya gagwe,” a dira gore go nne le lefatshe le lesha le go tla nnang basiami fela mo go lone.—Tsh 6:2.

Tumelo ya gago e ile ya nonofa jang fa o bona boporofeti jwa Baebele bo ntse bo diragadiwa?