Go kgalemela go akaretsa go kaela motho le go mo ruta mme gape go akaretsa go mo thusa go dira dilo sentle le go mo otlhaya. Jehofa o a re kgalemela ka gonne o batla gore re mo obamele ka tsela e a e amogelang. (Bar 12:1; Bah 12:10, 11) Ka dinako tse dingwe, go botlhoko go kgalemelwa mme gone go tla re thusa go dira dilo sentle e bile Jehofa o tla re segofatsa. (Dia 10:7) Motho yo o kgalemelang le yo o kgalemelwang ba tshwanetse go gopola eng?

Yo o kgalemelang. Bagolwane, batsadi le ba bangwe ba leka go kgalema ka lorato fela jaaka Jehofa. (Jer 46:28) Le fa motho a kgalemelelwa selo se se masisi o tshwanetse go kgalemelwa ka tsela e e tshwanetseng e bile o tshwanetse go kgalemelwa ka lorato.—Tit 1:13.

Yo o kgalemelwang. Fa re kgalemelwa ga re a tshwanela go ngala, go na le moo, re tshwanetse go dira ka natla go dirisa kgakololo e re e neilweng. (Dia 3:11, 12) Rotlhe re tlhoka go kgalemelwa ka gonne re dira diphoso. Jehofa o re kgalemela ka ditsela tse di farologaneng. Ka sekai, re ka nna ra bala sengwe mo Baebeleng kgotsa ra utlwa sengwe kwa dipokanong re bo re lemoga gore re tshwanetse go dira diphetogo. Ka dinako tse dingwe, re ka nna ra tlhoka go kgalemelwa ke komiti ya boatlhodi. Fa re reetsa fa re kgalemelwa re tla itumelela botshelo e bile re tla tshelela ruri.—Dia 10:17.

LEBANG BIDIO YA ‘BA JEHOFA A BA RATANG O A BA OTLHAYA,’ LO BO LO ARABA DIPOTSO TSE DI LATELANG:

• Botshelo jwa ga Canon bo ne bo ntse jang fa a ntse a gola mme bo ne jwa fetoga jang?

• Jehofa o ne a mo kgalemela jang ka tsela e e lorato?

• Re ithuta eng mo go se se diragaletseng Canon?