“Jehofa o itumelela batho ba gagwe.” (Ps 149:4) Le fa gone re dira diphoso, Jehofa o bona dilo tse dintle tse re kgonang go di dira. Mme ka dinako tse dingwe, go ka nna thata gore re bone dilo tse di molemo tse re di dirang. Re ka itsaya re se batho ba sepe ka ntlha ya tsela e batho ba bangwe ba re tshwarang ka yone. Kgotsa fa re tlhoma mogopolo mo diphosong tse re di dirileng mo nakong e e fetileng re ka belaela gore Jehofa o a re rata. Ke eng se se ka re thusang fa re ikutlwa jalo?

Gopola gore Jehofa o bona dilo tse batho ba sa kgoneng go di bone. (1Sa 16:7) Seo se raya gore o kgona go bona dilo tse re sa kgoneng go di bona mo go rona. Mme Baebele e re thusa go tlhaloganya tsela e Jehofa a re lebang ka yone. Re ka kgona go tlhaloganya seo fa re bala ditemana le dipego tse di bontshang kafa Jehofa a ratang batlhanka ba gagwe ka gone.

LEBANG BIDIO YA ITLHATSWE PELO GORE JEHOFA O A GO RATA, LO BO LO ARABA DIPOTSO TSE DI LATELANG:

• Sekai sa motho yo o sianang le sa rre wa gagwe se re ruta eng ka tsela e Jehofa a re lebang ka yone?

  Your answer

• Fa motho yo dirileng boleo a tsere kgato ya go ya kwa bagolwaneng gore ba mo thuse go baakanya botsala jwa gagwe le Jehofa, a ka tlhomamisega jang mo pelong gore Jehofa o a mo rata?—1Jo 3:19, 20

  Your answer

• Mokaulengwe yono o ile a solegelwa molemo jang ke go bala le go tlhatlhanya ka pego ya ga Dafide le Jehoshafate?

  Your answer