BOTSHELO JWA BOKERESETE
“Mong wa Gagwe ke Motho yo o Itsegeng mo Dikgorong”
Mosadi yo o nang le bokgoni o dira gore monna wa gagwe a tlotlege. Ka motlha wa ga Kgosi Lemuele, monna yo o neng a na le mosadi yo o nang le bokgoni o ne a ‘itsege mo dikgorong.’ (Dia 31:23) Gompieno banna ba ba tlotlegang ba direla e le bagolwane le batlhanka ba bodiredi mo phuthegong. Fa e le gore ke banna ba ba nyetseng, tsela e basadi ba bone ba itshwarang le go ba ema nokeng ka yone e botlhokwa, gore ba kgone go direla sentle mo phuthegong. (1Ti 3:4, 11) Basadi ba ba nang le bokgoni ba anaanelwa ke banna ba bone le phuthego.
Mosadi yo o nang le bokgoni o thusa monna wa gagwe go direla mo phuthegong ka go . . .
-
mo kgothatsa ka mafoko.—Dia 31:26
-
mo tlogela a diragatsa maikarabelo a gagwe mo phuthegong.—1Bath 2:7, 8
-
sa batle go tshela botshelo jo bo manobonobo.—1Ti 6:8
-
sa itshunye nko mo mererong e e sa mo ameng mo phuthegong.—1Ti 2:11, 12; 1Pe 4:15