GORENG GO LE BOTLHOKWA: Go rera o dirisa founo ke tsela nngwe ya botlhokwa ya gore o “neye bosupi ka botlalo jwa dikgang tse di molemo.” (Dit 20:24) * Go re thusa go rerela batho fa re sa kgone go ya kwa go bone.

SE O KA SE DIRANG:

• Baakanyetsa. Tlhopha setlhogo se se tshwanelang. Go tswa foo, kwala dintlha tse o ka ratang go tlotla ka tsone. Gape o ka itirela molaetsa o mokhutshwane o o tlhalosang lebaka la go bo o ne o founile gore fa founo e tsena mo voice-mail kgotsa go se na ope yo o arabang, o bo o kgona go bua molaetsa oo. Go ka nna molemo gore o nne fa tafoleng o tshwere dintlha tse o di kwadileng le dilo dingwe tse o tla di tlhokang, jaaka sedirisiwa sa ileketeroniki se o tla se dirisang go bula JW Library^® kgotsa jw.org^®

• Ritibala. Tlotla ka tsela e o tlwaetseng go bua ka yone. Nyenya mme o itshikinye mmele jaaka e kete motho yoo o a go bona. O se ka wa tla o didimala lobaka lo loleele. Go molemo gore o bereke le ba bangwe. Fa motho yo o buang le ene a botsa potso, e boeletse, gore motho yo o berekang le ene a kgone go go thusa go bona karabo

• Dira loeto lwa go boela. Fa motho yoo a kgatlhega, o ka botsa potso e lo tla tlotlang ka yone gape. Gape o ka romela kgatiso ka e-mail, ka molaetsa kgotsa o ka isa kgatiso eo kwa a nnang teng. O ka mo romelela dibidio kgotsa ditlhogo dingwe ka e-mail kgotsa ka molaetsa. Fa go kgonega, bolelela motho yoo ka dilo dingwe tse di mo website ya rona