1:3; 2:1, 12; 3:1

Molao wa ga Moshe o ne o laela Baiseraele gore ba ntshe ditshupelo kgotsa ditlhabelo. Ditshupelo tseo di ne di itumedisa Jehofa e bile di emela setlhabelo sa ga Jesu sa thekololo kgotsa masego a a nnang teng ka ntlha ya setlhabelo seo.—Bah 8:3-5; 9:9; 10:5-10.

• Diphologolo tse di neng di ntshiwa setlhabelo di ne di tshwanetse go nna tse di itekanetseng mme seno se tshwana le setlhabelo sa ga Jesu ka gonne o ile a ntsha setlhabelo ka mmele wa gagwe o o itekanetseng.—1Pe 1:18, 19

• Fela jaaka ditshupelo tse di fisiwang di ne di ntshediwa Modimo di feletse, Jesu le ene o ile a ntshetsa Jehofa mmele wa gagwe o feletse

• Batho ba ba neng ba ntsha setlhabelo sa kabalano ba ne ba na le kagiso le Modimo mme seno se tshwana le se batlodiwa ba se dirang, ka gonne fa ba ja senkgwe le beine ka Sejo sa Morena sa Maitseboa le bone ba nna le kagiso le Modimo