Jehofa ke ene fela yo o dirang gore peo ya boammaaruri e tlhoge e bo e gole mo pelong ya motho. (1Bk 3:6-9) Ka jalo, fa re batla go atlega mo bodireding re tshwanetse go ikaega ka Jehofa gore a re thuse a bo a thuse le batho ba re ithutang le bone.

Kopa Jehofa gore a thuse motho yo o ithutang le ene gore a itshokele mathata le gore a a fenye. (Baf 1:9, 10) O se ka wa ya kwa le kwa fa o rapela. Rapelela gore moya o o boitshepo o kaele tsela e o akanyang ka yone le e o dirang dilo ka yone fa o ntse o thusa motho yo o ithutang le ene. (Luk 11:13) Thusa batho ba o ithutang Baebele le bone gore ba ka rapela jang mme o ba rotloetse gore ba dire jalo. Bitsa batho ba o ithutang le bone ka maina fa o rapela le bone le fa o ba rapelela.

LEBANG BIDIO YA, ITUMELELE TIRO YA GO DIRA BATHO BARUTWA—AMOGELA THUSO YA GA JEHOFA—THAPELO, LO BO LO ARABA DIPOTSO TSE DI LATELANG:

• Lesego o ne a kopana le bothata bofe fa a ntse a ithuta le Mmasentle?

• Bakorintha wa ntlha 3:6 e ile ya thusa jang Lesego?

• Bothata jo Lesego a neng a lebane le jone bo ile jwa felela jang?