WEBSITE YA JW.ORG
Go Batla Tshedimosetso ka Puo e Nngwe
Fa o ithuta puo e nngwe kgotsa o batla go bontsha motho yo o buang puo e sele tshedimosetso mo jw.org, dirisa ditsela tse di latelang go bona tshedimosetso ka puo e o e batlang.
Tlhagisa Website ka Puo e Sele
Tobetsa Tlhopha Puo go bona dipuo tsotlhe tse di leng teng mo jw.org.
Go tlhagelela letshwao mo molemeng wa puo nngwe le nngwe le le jaaka:
Website kgotsa karolo nngwe ya yone e setse e ranoletswe mo puong eno. Tobetsa leina la puo e o e batlang gore website e tlhage ka yone.
Website ga e ise e ranolelwe mo puong eo mme go na le dikgatiso tse di ka itseelwang ka puo eno. Tobetsa leina la puo eno go bona lenaane la dikgatiso tse di leng teng.
Ke puo ya diatla.
Fa e le gore karolo e e mo jw.org e setse e ranotswe ka puo ya diatla e o e tlhophileng, e tla nna puo ya site ya gago.
Fa e le gore jw.org ga ise e ranolelwe mo puong ya diatla e o e tlhophileng, o tla bona lenaane la dikgatiso tse di teng ka puo eo.
E re ka go na le dipuo di le dintsi mo lenaaneng leo, dirisa ditsela tse di latelang go bona puo e o e batlang ka bonako:
Tlhopha puo e o e batlang: mo lenaaneng la dipuo go tla tlhagelela dipuo tsa bofelo tse nnè tse o kileng wa di tlhopha.
Kwala leina la puo e o e batlang: Kwala ditlhaka dingwe tsa leina la puo eo ka puo ya gago kgotsa ka puo eo. Ka sekai, fa e le gore o tsene mo Internet ka Setswana mme o batla go tsena ka Seesemane o ka kwala “English” kgotsa “Seesemane.” Fa o ntse o kwala ditlhaka tseo, go tla tlhaga fela dipuo tse di nang le ditlhaka tseo.
Tlhagisa Tsebe ka Puo e Sele
Tsela ya Ntlha: Dirisa tsela eno mo ditsebeng tse di nang le lenaane la dipuo la Bala ka.
Ya kwa setlhogong se o batlang go se bala kgotsa go se bontsha mongwe. Go tswa foo o bo o ya kwa lenaaneng la dipuo la Bala ka go bona puo e o e batlang. (Fa e le gore puo e o e batlang ga e yo mo lenaaneng la dipuo la Bala ka, seno se raya gore setlhogo seo ga se ise se nne teng ka puo eo.)
Kakantsho: Mo lenaaneng la dipuo la Bala ka, di-headset tse di ka fa molemeng wa leina la puo di bontsha gore setlhogo seo se rekotilwe ka puo eo.
Fa o tlhagisa setlhogo ka puo e nngwe o dirisa lenaane la Bala ka, puo ya setlhogo seo ke yone fela e fetogang.
Tsela ya bobedi: Fa e le gore setlhogo se o se balang ga se na lenaane la dipuo la Bala ka, dirisa Tlhopha Puo go bala ka puo e o e batlang. Fa e le gore setlhogo se o se balang se teng ka puo e o e tlhophileng, se tla tlhagelela. Fa se seo ka puo eo, o tla isiwa kwa tsebeng ya TSHIMOLOGO ka puo e o e tlhophileng.
Batla Kgatiso ka Puo e Sele
Tsena mo DIKGATISO > DILWANA TSE DI BONTSHIWANG. Tlhopha puo mo lenaaneng la dipuo o bo o tobetsa Senka.
Dirisa dikarolo tse di latelang go bona puo e o e batlang ka bonako:
Tlhopha puo e o e batlang: mo lenaaneng la dipuo go tla tlhagelela dipuo tsa bofelo tse nnè tse o kileng wa di tlhopha.
Kwala leina la puo e o e batlang: Kwala ditlhaka dingwe tsa leina la puo eo, o ka kwala ka puo ya gago kgotsa ka puo eo. Ka sekai, fa e le gore o tsene mo Internet ka Setswana mme o batla go tsena ka Seesemane o ka kwala “English” kgotsa “Seesemane.” Fa o ntse o kwala ditlhaka tseo, go tla tlhaga fela dipuo tse di nang le ditlhaka tseo.
Fa go na le dikgatiso di le dintsi ka puo e o e tlhophileng, tsebe ya DILWANA TSE DI BONTSHIWANG e tla tlhagisa di le mmalwa fela. Fa o batla dikgatiso tse dingwe, ya kwa tsebeng ya dikgatiso (ka sekai, DIBUKA & DIBUKANA kgotsa DIMAKASINE).
Fa dikgatiso tseo di seo ka puo e o e tlhophileng, o tla bona di-link tse di go bontshang gore ke dikgatiso dife tse di leng teng.
