JW BROADCASTING
Tsenya App ya JW Broadcasting mo Amazon Fire TV
Pele o leba JW Broadcasting mo Amazon Fire TV, o tlhoka go tsenya Fire TV le app ya JW Broadcasting. Latela dikgato tse di latelang:
Tsenya Amazon Fire TV
Fa o reka Amazon Fire TV, e tshwanetse go tswa ka ditaelo tse di go bontshang gore o e tsenye jang mo Internet. Fa o feditse go e tsenya, latela ditaelo tse di mo sekirining. O ka nna wa kopiwa gore fa o ikwadisa mo Amazon Fire TV, o dirise leina le password tse o di tlhophileng fa o ne o bula akhaonto ya Amazon.
Ela tlhoko: O tla tlhoka gore o bo o tsene mo Internet gore o kgone go dira jalo.
Go bona tshedimosetso e e oketsegileng, leba bidio ya Amazon Fire TV e e bontshang dilo tse o tshwanetseng go di dira.
Tsenya JW Broadcasting mo Amazon Fire TV
Tsena mo Amazon Fire TV o bo o tsenya JW Broadcasting o latela dikgato tse di latelang:
Tobetsa remote jaaka go bontshitswe fano mme go tla tlhaga karolo ya Search.
Tobetsa remote jaaka go bontshitswe mo setshwantshong seno.
Karolo ya Search e tla go thusa go batla difilimi, mananeo a thelebishene, badiragatsi, bakaedi ba difilimi, metshameko le mananeo a o a batlang. Batla JW Broadcasting mo karolong ya Enter Apps & Games. Thaepa mafoko a a reng jw broadcasting.
Fa JW Broadcasting e tlhaga, tobetsa remote kwa tlase mo sedikong go tshwaya JW Broadcasting o bo o tobetsa fa gare mo sedikong. Tobetsa remote kwa tlase mo sedikong go fitlha o tshwaya app eno o bo o tobetsa Select. Tlhopha karolo e e reng Get go tsenya app eno mo Amazon Fire TV. Fa e setse e tsene, karolo e e reng Get e tla fetoga e bo e nna Open.
Fa o batla go leba JW Broadcasting, tlhopha Open kgotsa ya kwa sekirining sa Home mo Amazon Fire TV mme o tla fitlhela JW Broadcasting mo tlase ga karolo e e reng Apps. Leba mo karolong e e reng Your Apps Library.
