JW LIBRARY
Go Itseela Dikgatiso Le go Di Rulaganya—Android
Go na le dibuka, diboroutšhara, dipampitshana le dibidio tse dintsi tse o ka di balang le go di lebelela mo JW Library o sa tsena mo Internet.
Latela ditaelo tseno gore o itseele le go rulaganya dikgatiso:
Itseele Kgatiso
O ka itseela dikgatiso di le dintsi gore o di bale le gore o kgone go ithuta o sa tsena mo Internet.
Bula lenaane la diteng go tswa ka fa molemeng, o bo o tobetsa Publications go bona dikgatiso tse di leng teng.
Tobetsa konopo ya dipuo go bona dikgatiso ka dipuo tse di farologaneng. Tlhopha puo e o e batlang. Dipuo tse o di dirisang thata di tlhagelela kwa godimo mo lenaaneng la dipuo. Gape o ka batla puo ka go kwala leina la yone.
Go na le ditsela tse di farologaneng tsa go batla dikgatiso mo JW Library.
Karolo ya By Type e bontsha dikgatiso tsa puo e o e tlhophileng di rulagantswe go ya ka Dibuka, Dipampitshana kgotsa Dibidio. Fa o tobetsa mofuta mongwe wa dikgatiso o tla direlwa dilo motlhofo go bona kgatiso e o e batlang, ka sekai Watchtower e rulagantswe ka dingwaga, dibidio le tsone di na le tsela e di rulagantsweng ka yone. Tobetsa All Types go boela kwa lenaaneng la dikgatiso.
Karolo ya What’s New e bontsha dikgatiso tse disha tsa puo e o e tlhophileng.
O tla bona leru gaufi le dikgatiso tse o iseng o di itseele. Fa o batla go itseela kgatiso, e tobetse. Lerunyana leo le a nyelela fa o sena go itseela kgatiso. Tobetsa kgatiso eo gape gore o kgone go e bala.
Karolo ya Downloaded e bontsha dikgatiso tse o di itseetseng ka dipuo tse di farologaneng. O ka rulaganya dikgatiso tseno go ya ka tse di dirisiwang thata, tse di dirisiwang sewelo kgotsa tse ditona o dirisa dikonopo tsa Frequently Used, Rarely Used le Largest Size.
Sutlha Kgatiso
O ka ntsha kgatiso mo sedirisiweng sa gago fa o sa tlhole o e tlhoka kgotsa fa e le gore sedirisiwa sa gago se tletse.
Bula lenaane la diteng o bo o tobetsa Publications, go tswa foo o bo o tobetsa mofuta wa kgatiso (ka sekai, Books) go bona lenaane la dikgatiso. Mo kgatisong e o batlang go e sutlha, tobetsa konopo e e fa thoko ga yone, o bo o tobetsa Delete.
Fa sedirisiwa sa gago se tletse o ka ntsha dikgatiso tse o di dirisang sewelo kgotsa tse di dirang gore sedirisiwa sa gago se tlale. Bula lenaane la diteng o bo o tobetsa Publications. Tsena mo karolong ya Downloaded o bo o di rulaganya go ya ka Rarely Used kgotsa Largest Size. Sutlha dikgatiso tse o sa tlholeng o di tlhoka.
Tlhabolola Kgatiso
Go ka direga gore nako le nako kgatiso e o itseetseng e tlhabololwe.
O tla bona gore kgatiso e tlhabolotswe fa e na le setshwantsho sa sediko. Fa o tobetsa kgatiso eo, o tla bona molaetsa wa gore kgatiso eo e tlhabolotswe. Tobetsa Download go itseela kgatiso e e tlhabolotsweng, kgotsa tobetsa Later gore o bale kgatiso e o setseng o na le yone.
Fa o batla go bona gore a dikgatiso tse o nang le tsone di tlhabolotswe, bula lenaane la diteng o bo o tobetsa Publications. Fa e le gore di gone, go tla tlhaga karolo ya Pending Updates. E tobetse go bona dikgatiso tsotlhe tse di tlhabolotsweng. Tobetsa kgatiso e o batlang go e tlhabolola, kgotsa tobetsa konopo ya Update All go itseela dikgatiso tsotlhe tse di tlhabolotsweng.
Dintlha tseno di tsentswe ka February 2015 fa go ne go gololwa JW Library 1.4, e e dirang mo didirisiweng tsa Android 2.3 kgotsa e e tlileng morago ga yone. Fa o sa bone dintlha tseno, tsweetswee latela ditaelo tse di tlhagelelang mo setlhogong se se reng “Simolola go Dirisa JW Library—Android,” mo setlhogwaneng se se reng Bona Tsa Bosheng.
