JW LIBRARY
Tshwaya Dintlha—Android
Fa o ntse o bala le go ithuta o dirisa JW Library, o ka kgona go thalela lefoko kgotsa mafoko.
Latela ditaelo tseno go tshwaya dintlha:
Tsenya Mmala
O ka dirisa ditsela tse pedi go thalela mafoko.
Tobetsa lefoko le o batlang go le thalela. O ka dirisa matshwao a a bapileng le lefoko gore o le thalele. Mo konopong e e tla tlhagang, tlhopha mmala o o batlang go o dirisa.
O ka tshwaya mafoko ka go tobetsa lefoko o bo o tsamaisa monwana. Fa o ntse o tsamaisa monwana, mafoko a tla tshwaega. Fa o fetsa go tshwaya o ka kgona go fetola mmala kgotsa o ka phimola mmala mo mafokong a o a tshwaileng.
Fetola Mmala
Fa o batla go fetola mmala wa se o se tshwaileng, tobetsa mafoko a o a tshwaileng o bo o tlhopha mmala o mongwe. Fa o batla go phimola mmala mo mafokong a o a tshwaileng, tobetsa se o se tshwaileng o bo o tobetsa konopo ya Delete.
Dintlha tseno di golotswe ka November 2015 mo JW Library 1.6, e e kgonang go dirisiwa mo Android 4.0 kgotsa e e tlileng morago ga yone. Fa o sa bone dintlha tseno, tsweetswee latela ditaelo tse di mo setlhogong se se reng “Simolola go Dirisa JW Library—Android,” mo setlhogwaneng sa Bona Tsa Bosheng.
