JW LIBRARY
Batla Lefoko mo Baebeleng Kgotsa mo Kgatisong mo Windows
Karolo eno e e mo JW Library e go thusa go bona lefoko le le rileng mo Baebeleng kgotsa mo kgatisong nngwe.
Latela ditaelo tseno fa o dirisa karolo eno:
Batla Lefokong mo Baebeleng
O kgona go dirisa karolo eno fa o bala Baebele mme o batla lefoko lengwe.
Fa o ntse o bala Baebele mme o batla lefoko lengwe, tobetsa didoto tse tharo tse di ka fa mojeng kwa godimo mo sekirining o bo o tobetsa Search go tswa foo o kwale lefoko le o le batlang. Fa o ntse o thaepa, go tla tlhaga dikakantsho di le mmalwa. Tobetsa kakantsho e e tsamaisanang le se o se batlang kgotsa tobetsa Enter mo keyboard.
Top Verses e tlhagisa ditemana tse di dirisiwang thata tse di nang le lefoko leo. All Verses e bontsha ditemana tsotlhe tse lefoko leo le tlhagelelang mo go tsone di rulagantswe go ya ka maina a dibuka tsa Baebele. Articles e bontsha kwa lefoko leno le tlhagang gone mo dintlheng tse di oketsegileng tsa Baebele.
Fa o thaepa mafoko a le mmalwa, tshwaya lebokoso le le reng Match Exact Phrase gore le go bontshe fela mafoko a o a batlang.
Batla Lefoko mo Kgatisong
O kgona go dirisa karolo eno fa o bala kgatiso nngwe mme o batla lefoko le le rileng.
Fa o ntse o bala kgatiso mme o batla lefoko lengwe, tobetsa didoto tse tharo tse di ka fa mojeng kwa godimo mo sekirining o bo o tobetsa Search go tswa foo o kwale lefoko le o le batlang. Fa o ntse o thaepa, go tla tlhaga dikakantsho di le mmalwa. Tobetsa kakantsho e e tsamaisanang le se o se batlang kgotsa tobetsa Enter mo keyboard.
Fa o thaepa mafoko a le mmalwa, tshwaya lebokoso le le reng Match Exact Phrase gore le go bontshe fela mafoko a o a batlang.
Batla Setlhogo
Fa Insight on the Scriptures e le gone mo sedirisiweng sa gago, o ka batla setlhogo mo go yone. O kgona go dira jalo fa o bala Baebele kgotsa kgatiso nngwe mo sedirisiweng sa gago.
Fa o ntse o bala kgatiso mme o batla lefoko lengwe, tobetsa didoto tse tharo tse di ka fa mojeng kwa godimo mo sekirining o bo o tobetsa Search go tswa foo o kwale lefoko le o le batlang mo Insight on the Scriptures. Tobetsa setlhogo se o batlang go se bala.
Diphetogo tseno di ile tsa gololwa ka October 2014 mo JW Library 1.3.4, mme di bereka mo didirisiweng tsa Windows 8.0 kgotsa tse di tlileng morago ga yone. Fa di sa tlhagelele mo sedirisiweng sa gago, tsweetswee latela ditaelo tse di mo setlhogong se se reng “Simolola go Dirisa JW Library mo Windows,” mo karolong e e reng Get the Latest Features.
