ʻAʻahi ki he Pētelí

ʻOku mau fakaafeʻi loto-māfana koe ke ke ʻaʻahi ki homau ngaahi ʻōfisi vaʻá, ʻoku faʻa lave ki ai ko e Pētelí. Ko e niʻihi homau ngaahi ʻōfisí ʻoku ʻi ai ʻa e ngaahi fakaʻaliʻali ai ʻa ia te ke ʻaʻahi ki ai ʻo muimui pē ʻi he fakahinohinó.

Toe Hoko Atu ʻa e ʻAʻahí: ʻI he ngaahi fonua lahi, ʻoku toe hoko atu ai ʻa e ʻaʻahi ki homau ngaahi ʻōfisi vaʻá ʻi Sune 1, 2023. Ki ha fakaikiiki, fetuʻutaki ki he vaʻa ʻokú ke loto ke ʻaʻahi ki aí. Kātaki ʻoua ʻe ʻaʻahi ki ai kapau ʻoku maʻu koe ʻe he COVID-19, fakahāhā ha ngaahi fakaʻilonga ʻoku maʻu koe ʻe he momokó pe fuluú, pe naʻá ke toki feohi mo ha taha naʻe maʻu ʻe he COVID-19.

Fili ha Feitu‘u

Cuba

Tour Information

ʻOku totonu ke ke taʻofi ki muʻa ke ke ʻalu ke fai ha ʻaʻahi? ʻIo. Ke fakaʻehiʻehi mei he feʻefiʻefihí pea fakapapauʻi ʻe fiefia ʻa e tokotaha kotoa ʻi heʻenau ʻaʻahí, ʻoku mau kole atu ki he kau ʻaʻahí kotoa ke nau taʻofi ki muʻa ha ʻaʻahi, tatau ai pē pe ko e hā ʻa e tokolahi ʻo e kulupú. Kātaki ʻo taʻofi mai hoʻo ʻaʻahí ʻi ha uike nai ʻe taha ki muʻa. Ki he ʻaʻahi ʻi ha ʻaho mālōlō fakapuleʻanga pe ko e tutuku ʻa e akó, ʻoku mau fakalototoʻaʻi koe ke ke taʻofi tokamuʻa mai.

Kapau naʻe ʻikai ke ke taʻofi ki muʻa ha ʻaʻahi, ʻe lava ke ke kei fai ha ʻaʻahi? Kapau naʻe ʻikai ke ke taʻofi ki muʻa ha ʻaʻahi, ʻe kei malava pē nai ke fakakau koe ki ai. Kae kehe, koeʻuhí ko e feituʻu ʻoku ʻatā, ʻoku fakangatangata pē ʻa e tokolahi ʻe malava ke nau ʻaʻahi ki aí he ʻaho taki taha.

Ko e hā ʻa e taimi ʻoku totonu ke ke aʻu ai ki hoʻo ʻaʻahí? Ke fakaʻehiʻehi mei he feʻefiʻefihí, kātaki ʻo haʻu tokamuʻa ʻo ʻoua toe laka hake ʻi ha miniti ʻe 15 ʻi hoʻo taimi ʻaʻahí.

ʻE anga-fēfē ke ke taʻofi ha ʻaʻahi? Kapau ʻoku kau ki hoʻo kulupú ha kakai ʻoku siʻi hifo he toko hongofulú, lomi ʻi he “Taʻofi ha ʻAʻahi—Siʻi Hifo he Toko 10.” Ke taʻofi ha ʻaʻahi ki ha kakai ʻe toko hongofulu pe lahi ange, kātaki fetuʻutaki mai ʻo ngāueʻaki ʻa e fakaikiiki ko ení.

ʻE lava ke ke liliu pe kaniseli ha ʻaʻahi? ʻIo. Lomi ʻi he “Vakaiʻi pe Liliu ʻa e ʻAʻahí.”

Fēfē kapau ʻoku ʻikai ha ʻaʻahi ʻe ala maʻu ʻi he ʻaho ʻoku ke loto ki aí? Toutou vakaiʻi ʻa e saití. ʻOku ala maʻu ʻa e ʻaʻahí ʻi he liliu pe kaniseli ha ʻaʻahi.

Make a Reservation—Fewer Than 10

View or Change Reservations

Download a Tour Brochure