Fakamanatu ʻa e Pekia ʻa Sīsuú
Tokonaki, ʻEpeleli 12, 2025
Tuʻo taha ʻi he taʻu, ʻoku fakamanatu ʻe he Kau Fakamoʻoni ʻa Sihová ʻa e pekia ʻa Sīsuú ʻo hangē ko ia ko ʻene fekaú: “Hanganaki fai eni ko hoku fakamanatu.”—Luke 22:19.
ʻOku mau fakaafeʻi koe ke kau ʻi he kātoanga ko ení.
Ngaahi Fehuʻi ʻOku Toutou ʻEke
Ko e hā ʻa e lōloa ʻa e polokalamá?
ʻE houa nai ʻe taha.
ʻE fakahoko ia ʻi fē?
Fetuʻutaki ki he Kau Fakamoʻoni ʻa Sihová ki he fakaikiiki fakalotofonuá.
ʻOku totongi ʻa e kau ki aí?
ʻIkai.
ʻE fai ai ha tānaki paʻanga?
ʻIkai.
ʻOku ʻi ai ha tuʻunga pau ʻo e ʻai valá?
ʻOku ʻikai ke ʻi ai ha tuʻunga pau ʻo e ʻai valá ki he kātoanga ko ení, neongo ia ʻoku feinga ʻa e Kau Fakamoʻoni ʻa Sihová ke muimui ki he faleʻi ʻa e Tohi Tapú ke ʻai ʻa e vala ʻoku fakanānā mo fakaʻapaʻapa. (1 Tīmote 2:9) Ko hoʻo teuteú ʻoku ʻikai fiemaʻu ia ke hā totongi mamafa pe fuʻu tōtuʻa.
Ko e hā ʻe fakahoko ʻi he Fakamanatú?
Ko e fakatahá ʻoku kamataʻaki mo fakaʻosiʻaki ʻa e hiva mo e lotu ʻoku fai ʻe ha faifekau ʻo e Kau Fakamoʻoni ʻa Sihová. Ko ha malanga Fakatohitapu ʻe lāulea ai ki he mahuʻinga ʻo e pekia ʻa Sīsuú pea mo e founga ʻe lava ke tau maʻu ʻaonga ai mei he meʻa kuo fai ʻe he ʻOtuá mo Kalaisi maʻa kitautolú.
Ki ha fakaikiiki lahi ange, sio ki he kupu “Ko e Hā ʻOku Kehe Ai Hono Fakamanatu ʻe he Kau Fakamoʻoni ʻa Sihová e Kai Efiafi ʻa e ʻEikí mei he Founga e Ngaahi Lotu Kehé?”
Ko fē taimi ʻe fakahoko ai ʻa e Fakamanatú ʻi he kahaʻú?
2025: Tokonaki, ʻEpeleli 12
2026: Tuʻapulelulu, ʻEpeleli 2
Te Ke Fie Vakai Foki ki Heni
FAKAMANATU
Fakamanatu ʻa e Pekia ʻa Sīsuú
ʻOku mau fakaafeʻi loto-māfana atu koe ke tau ʻi ai fakataha ʻi he kātoanga mahuʻinga ko ení. Te ke ako ai ki he founga ʻe lava ke ke maʻu ʻaonga fakafoʻituitui ai mei he moʻui mo e pekia ʻa Sīsuú.
AKONAKI MAHU‘INGA
Ko e Hā Na‘e Pekia Ai ‘a Sīsuú?
Kuó ke fanongo nai ko ‘ene pekiá koe‘uhí ko ‘etau ngaahi angahalá. Ka ‘e malava ke ma‘u ‘aonga ha kakai e laui miliona ‘i ha fo‘i feilaulau ‘e taha?