ʻI he muimui ki he faʻifaʻitakiʻanga ʻa e lotu faka-Kalisitiane ʻi he ʻuluaki senitulí, ʻoku ʻikai fakatuʻutuʻunga ʻa e kau faifekau ʻa e Kau Fakamoʻoni ʻa Sihová. Ko e Kau Fakamoʻoni ʻosi papitaiso kotoa pē ko e kau faifekau fakanofo pea kau ʻi he malangá mo e ngaohi ākongá. ʻOku fokotuʻutuʻu ʻa e Kau Fakamoʻoní ki he ngaahi fakatahaʻanga ʻo e kau tui ʻe toko 100 nai. ʻOku ngāue ʻa e kau tangata matuʻotuʻa fakalaumālie ʻi he fakatahaʻanga taki taha ko e “kau mātuʻa.” (Taitusi 1:5) ʻOku nau fai ʻa e ngāue ko iá ʻo ʻikai ha totongi.