ʻIkai. ʻOku laui miliona e kakai ʻoku nau kau ʻi heʻemau polokalama ako Tohi Tapú ka ʻoku ʻikai ke nau hoko ko e Kau Fakamoʻoni ʻa Sihova. a Ko e taumuʻa ʻo e polokalamá ke fakahaaʻi kiate koe ʻa e meʻa ʻoku akoʻi ʻe he Tohi Tapú. Ko hoʻo fili fekauʻaki mo e ʻilo ko iá ko e meʻa pē ia ʻaʻau. ʻOku mau ʻiloʻi ko e tuí ko ha meʻa fakafoʻituitui.​​​—Siosiua 24:15.

 ʻIo. Neongo ʻoku mau saiʻia hono ngāueʻaki e Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní ʻi he lea ʻi onopōní, ʻa ia ʻe ʻoatu ai haʻo tatau taʻetotongi kapau te ke fiemaʻu, ka ʻoku mau fiefia pē ke ke ngāueʻaki hoʻo Tohi Tapú. ʻE lava ke ke ako fekauʻaki mo e pōpoaki fakatohitapu ʻo e ʻamanakí mo e fakahaofí mei he ngaahi liliu Tohi Tapu lahi.

•   Ko ʻemau fakaueʻiloto tefitó ko e ʻofa ki he ʻOtua ko Sihová, ʻa ia ʻokú ne fiemaʻu ʻa e Kalisitiané ke akoʻi ki he niʻihi kehé ʻa e meʻa kuo nau ʻosi akó. (Mātiu 22:37, 38; 28:19, 20) ʻOku mau pehē ʻoku ʻikai ha monū lahi ange ka ko e hoko ko e ‘kaungāngāue ʻo e ʻOtuá’ ke tokoniʻi e kakaí ke ʻilo ʻa e meʻa ʻoku akoʻi mei heʻene Folofolá.​​​—1 Kolinitō 3:​6-9.

•   ʻOku toe ueʻi foki kimautolu ʻe he ʻofa ki homau kaungāʻapí. (Mātiu 22:39) ʻOku mau fiefia ʻi he vahevahe atu ki he niʻihi kehé ʻa e ngaahi meʻa fakaofo kuo mau akó.​​​—Ngāue 20:35.