ʻIo, ʻoku tali ʻe he Kau Fakamoʻoni ʻa Sihová ʻa e faitoʻó mo e ngāue fakafaitoʻó. Neongo ʻoku mau feinga ke tokangaʻi homau sinó pea tauhi maʻu ʻa e moʻuileleí, ʻi he taimi ʻe niʻihi ʻoku mau ‘fiemaʻu ha toketā.’ (Luke 5:31) Ko hono moʻoní, hangē ko ia ko e Kalisitiane ko Luke ʻi he ʻuluaki senitulí, ko e niʻihi ʻo e Kau Fakamoʻoni ʻa Sihová ko e kau toketā.—Kolose 4:14.

 Neongo ia, ʻoku ʻi ai ʻa e ngaahi faitoʻo ʻe niʻihi ʻoku fepaki mo e ngaahi tefitoʻi moʻoni Fakatohitapú pea ʻoku mau talitekeʻi ia. Ko e fakatātaá, ʻoku ʻikai ke mau tali ʻa e huhu totó koeʻuhí ʻoku tapui ʻe he Tohi Tapú ʻa e huhu toto ke fakatolongaʻaki ʻa e sinó. (Ngāue 15:20) Pehē foki, ʻoku tapui ʻe he Tohi Tapú ʻa e ngaahi faitoʻo pe ngaahi founga ʻoku kau ai ʻa e tōʻonga fakafaimaná.—Kalētia 5:19-21.

 Kae kehe, ko e lahi taha ʻo e ngaahi ngāue fakafaitoʻó ʻoku ʻikai fepaki ia mo e ngaahi tefitoʻi moʻoni Fakatohitapú. Ko ia ai, ʻoku kau ki ai ʻa e fili fakafoʻituitui. ʻE fili nai ʻe ha Fakamoʻoni ke tali ha faitoʻo pau, lolotonga ia ʻe talitekeʻi nai ʻe ha Fakamoʻoni ʻe taha ʻa e faitoʻo tatau.—Kalētia 6:5.