ʻIkai. Ko e Kau Fakamoʻoni ʻa Sihová ko e kau Kalisitiane, ka ʻoku ʻikai ko ha kau Palotisani kimautolu. Ko e hā hono ʻuhingá?

 ʻOku fakamatalaʻi ʻa e tui Palotisaní ko ha “ngaʻunu fakalotu ʻo fakafepaki ki he tui faka-Katolika Lomá.” Lolotonga ko e moʻoni ʻoku ʻikai loto-tatau ʻa e Kau Fakamoʻoni ʻa Sihová mo e ngaahi akonaki ʻa e Siasi Katoliká, ʻoku ʻikai ko ha kau Palotisani kimautolu ʻi he ʻuhinga ko ení:

1.   Ko e ngaahi tui lahi ʻa e kau Palotisaní ʻoku fepaki ia mo e meʻa ʻoku akoʻi moʻoni ʻe he Tohi Tapú. Ko e fakatātaá, ʻoku akoʻi ʻe he Tohi Tapú “ʻoku ʻi ai ʻa e ʻOtua pē taha,” ʻikai ko ha Tolu-Tahaʻi-ʻOtua. (1 Tīmote 2:5; Sione 14:28) Pea ʻoku akoʻi mahino ai ʻoku tauteaʻi ʻe he ʻOtuá ʻa e fulikivanú, ʻo ʻikai ʻi ha afi ʻo heli, ka ko e fakaʻauha taʻengata.​—Saame 37:9; 2 Tesalonaika 1:9.

2.   ʻOku ʻikai ke mau fakafepaki pe feinga ke fakaleleiʻi ʻa e Siasi Katoliká pe ko ha kulupu lotu kehe. ʻI hono kehé, ʻoku mau malangaʻi pē ʻa e ongoongo lelei fekauʻaki mo e Puleʻanga ʻo e ʻOtuá, ʻo feinga ke tokoniʻi ʻa e niʻihi kehé ke langa hake ʻenau tui ʻi he ongoongo lelei ko iá. (Mātiu 24:14; 28:19, 20) ʻOku mau mahuʻingaʻia, ʻo ʻikai ʻi he feinga ke fakaleleiʻi ʻa e ngaahi kulupu lotu kehé, ka ʻi hono akoʻi ki he faʻahinga loto-totonú ʻa e moʻoni fekauʻaki mo e ʻOtuá mo ʻene Folofolá, ʻa e Tohi Tapú.​—Kolose 1:​9, 10; 2 Tīmote 2:​24, 25.