“ʻOkú ma maʻu ʻa e ngaahi manatu melie fakangalongataʻa ʻo ʻema ʻaʻahi ki he Pētelí, ʻa ia te ma fakamahuʻingaʻi ia ʻo taʻengata.” Ko e fakamatala ia ʻa ha ongo mātuʻa mei Vanuatu hili ʻena ʻaʻahi ki he ngaahi ʻōfisi ʻo e Kau Fakamoʻoni ʻa Sihová ʻi ʻAmelika. ʻOku pehē pē mo e ongoʻi ʻa e kakai tokolahi ʻoku nau ʻaʻahi ki aí ʻi he taʻu taki taha.

Kuó ke ʻaʻahi ki he ngaahi ʻōfisi ʻi he Pēteli ʻi ʻAmeliká? Kapau ʻoku teʻeki ai, ʻoku talitali lelei koe ki ai.

ʻUluʻi ʻŌfisí, Warwick, Niu ʻIoke. Mamata ʻi he fakaʻaliʻali ʻe tolu ʻa ia te ke muimui pē ʻi he fakahinohinó. Ko e taha ʻoku fakakaveinga “Ko e Tohi Tapú mo e Huafa Fakaʻotuá,” ʻoku fakaʻaliʻali ai ʻa e ngaahi Tohi Tapu ʻoku siʻi ke toe maʻú ʻa ia ʻokú ne fakamoʻoniʻi ai ʻa e anga hono fakatolonga mai ʻa e huafa ʻo e ʻOtuá ʻi he Folofolá. ʻOku fakaʻaliʻali foki ʻi he “Ko ha Kakai Maʻá e Huafa ʻo Sihová” ʻa e hisitōlia e ngāue ʻa e Kau Fakamoʻoni ʻa Sihová. ʻOku fakamatalaʻi leva ʻi he “ʻUluʻi ʻŌfisi​—Ngāueʻi ʻo e Tuí” ʻa e anga hono fokotuʻutuʻu ʻa e Kau Fakamoʻoni ʻa Sihová ke fakatahataha, ako ʻa e Tohi Tapú, vahevahe mo e niʻihi kehé ʻa e pōpoaki Fakatohitapú pea fakahāhā ʻa e feʻofaʻakí. ʻE toe lava ke ke kau ʻi ha ʻaʻahi ki he ngaahi ʻŌfisi Ngāue ʻi Warwick ʻa ia ʻe taki mamataʻi koe ai feʻunga mo e miniti ʻe 20.

Senitā Fakaeako ʻa e Taua Leʻó, Patterson, Niu ʻIoke. Vakaiʻi ʻa e ngaahi ʻapiako ʻoku tuʻu ʻi aí, hangē ko e Akoʻanga Tohi Tapu Taua Leʻo ko Kiliatí mo e Akoʻanga Maʻá e Kau Mēmipa ʻo e Kōmiti Vaʻá mo Honau Ngaahi Uaifí. Te ke toe mamata foki ai ʻi he ngaahi fakaʻaliʻali pehē ki he ngaahi vitiō ʻo e ngāue ʻoku fakahoko ʻi he ngaahi ʻōfisí ʻo kau ai ʻa e Ngāue ʻĀtí mo e Hiki-Leʻó/Vitioó.

Pulusi mo Fakaheka ʻo e ʻū Tohí, Wallkill, Niu ʻIoke. Kau ʻi he ʻaʻahi ʻoku taki mamataʻi ai e anga hono pulusi, faʻo pea fakauta atu ʻa e Tohi Tapú mo e ʻū tohí ki he ngaahi fakatahaʻanga ʻi ʻAmelika, Kalipiane mo e ngaahi feituʻu kehe ʻi he māmaní.

Ki muʻa ke fokotuʻutuʻu ʻa e folaú, kātaki ʻo taʻofi ki muʻa ha ʻaʻahi ʻaki hoʻo ngāueʻaki ʻa e peesi fakahinohino ki he Ngaahi ʻŌfisi mo e ʻAʻahí. ʻOku toe tānaki atu ʻi he pēsí ni ʻa e fakamatala fekauʻaki mo e ngaahi ʻōfisi ʻi he Pēteli ʻi ʻAmeliká hangē ko e feituʻu ʻoku tuʻu ʻi aí mo e fuoloa hono mamataʻi ʻo e ʻōfisi taki taha.

ʻOku fakahoko ʻa e taki mamatá ʻe he faʻahinga ʻoku nau ngāue ʻi he ngaahi tafaʻaki kehekehe ʻi he Pētelí. Ko e konga eni ʻenau poupou ki he ngāue fakaeako ʻi māmani lahí. ʻOku ngāueʻaki ʻa e ngaahi lea kehekehe lolotonga ʻa e taimi ʻaʻahí.

ʻIkai.

ʻIkai pea ko e tokolahi ʻo e kau ʻaʻahí ko e kakai kehe. ʻE sio ai ʻa e Kau Fakamoʻoni ʻa Sihová mo e niʻihi kehé ki he ngaahi feinga fokotuʻutuʻu maau ʻokú ne pouaki e ngāue ʻa e Kau Fakamoʻoni ʻa Sihová ʻi māmani lahi.

Naʻe ʻaʻahi ha fefine Mosilemi mei ʻInitia ki Patterson. Hili ʻa e ʻaʻahí, naʻá ne pehē: “ʻOku ou fie hoko ko ha taha ʻo e kautaha lotú ni. Fakamālō atu ʻi hoʻomou fakaʻapaʻapaʻi aú.”

ʻIo! ʻE kaunga lelei ʻa e ʻaʻahí ki he fānaú. Naʻe tohi ʻe John mei ʻAmelika ʻa ia naʻe kau ʻi he ʻaʻahí: “ʻI heʻemau aʻu ki ʻapí naʻe kei talanoa pē ʻa e fānau naʻa mau kulupu fakatahá ki he ʻaʻahí. Ki muʻá, naʻe ʻikai ha ʻilo ʻa e fānau pē ʻoku fēfē ʻa e ngāue ʻi he Pētelí. ʻI he hili ʻa e ʻaʻahí, ʻoku hoko ʻa e ngāue ʻi he Pētelí ko ha taumuʻa ia ki he fānaú.”

ʻIo. ʻOku lava ʻo mamataʻi ʻi he ngaahi fonua lahi. Ke fili ha feituʻú, ʻaʻahi ki he peesi fakahinohino ʻo e Ngaahi ʻŌfisi & ʻAʻahí. ʻOku mau fakaafeʻi loto-māfana koe ke ke ʻaʻahi ʻo mamataʻi ha taha ʻo e ngaahi ʻōfisi vaʻa ʻo e Kau Fakamoʻoni ʻa Sihová.