Ngaahi Tokoni Kehe ki Ho Fāmilí

Te ke saiʻia ke maʻu ʻa e ngaahi tokoni kehe ʻoku ʻaonga ki ho fāmilí? ʻE lava ke ke maʻu ha taha ʻo e ngaahi tohi ʻi laló ʻaki hoʻo tohi ki he Watch Tower, ʻo ngāueʻaki ʻa e tuʻasila ʻi he peesi hono hokó ʻoku ofi taha kiate koé.

Ko ʻEku Tohi ʻo e Ngaahi Talanoa Faka-Tohitapú. ʻOku ʻi he tohi ko eni ʻoku peesi lalahi (ofi ki he 7ʺ x 9ʺ) ʻa e ngaahi fakamatala ʻe 116 ʻoku toʻo mei he Tohitapú. ʻOku fakahokohoko ʻa e ngaahi talanoá ʻo fakatatau ki he taimi naʻe hoko ai ʻa e ngaahi meʻa ko iá ʻi he hisitōliá. Kuo fakataumuʻa ʻa e tohí tautautefito ki he fānau īkí. Naʻa mo e fānau ʻoku fuʻu kei siʻi ke lau tohí ʻe lava ke nau maʻu ʻa e ʻaonga mei he ngaahi fakatātā fakaʻofoʻofa ʻoku lahi hake ʻi he 125 ʻi he tohí. ʻOku takafi lanu-engeenga/koula, pea ʻoku paaki lanu-kulokula ʻa e kaveingá, peesi ʻe 256, mataʻitohi lalahi ange, mo pepa lelei.

Te Ke Malava ʻo Moʻui Taʻengata he Palataisi ʻi he Māmaní. ʻOku fakahā ʻe he tohí ni ko e moʻui taʻengata ʻi ha māmani palataisí ʻoku ʻikai ko ha misi pē. Ko e taumuʻa ia ʻa hotau Tokotaha-Fakatupu anga-ʻofá. Pea ʻoku fakamamafaʻi ʻe he tohí ni ʻa e ʻamanaki ko iá pea mo e meʻa ʻoku fiemaʻu ke ke fai kae maʻu ia. ʻOku mahinongofua, mo fakaʻofoʻofa hono fakatātaá, tohi lalahi, peesi ʻe 256.

Questions Young People Ask—Answers That Work. Ko e tohi ko ení te ne tokoni ki he toʻutupú ke nau fepaki mo e ngaahi tākiekina taʻetaau ʻo e māmani ʻi he ʻaho ní. Ko e taʻefaitotonú, ngāuehalaʻaki ʻa e ʻolokaholó mo e faitoʻo kona tapú, ʻulungaanga taau ʻi he fehokotaki fakaesinó, mo e fai soó ko e niʻihi eni ʻo e ngaahi kaveinga ʻoku fai ha lave ki aí. Takafi fefeka, peesi ʻe 320.