Founga ke Ngāueʻaki Ai ʻa e Polosiua Ko ʻEní

ʻOku faʻufaʻu ʻa e polosiuá ni ki ha ako ʻo e Tohitapú. ʻE fēfē ʻa hono ngāueʻakí? ʻOku mau fokotuʻu atu ʻa e polokalamá ni: ʻI he kamataʻanga ʻo e lēsoni taki taha, ʻoku ʻi ai ha ngaahi fehuʻi. ʻI he ngaahi haʻi hili ʻo e fehuʻi taki taha, te ke maʻu ai ʻa e fakafikefika ʻo e ngaahi palakalafi ko ia ʻoku maʻu ai ʻa e ngaahi talí. ʻUluaki lau ʻa e ngaahi fehuʻí. Fakakaukau ki ai. Lau leva ʻa e palakalafi taki taha, pea sio ki he ngaahi konga Tohitapú ʻi hoʻo Tohitapú. ʻI he ʻosi ha foʻi lēsoni, foki ki he ngaahi fehuʻí pea feinga ke fakamanatu ʻa e tali ʻa e Tohitapú ki he fehuʻi taki taha. ʻI he ʻosi ʻa e polosiuá fakakātoa, toe foki ʻo fakamanatu ʻa e ngaahi fehuʻí kotoa.