Ngāue Fāʻūtaha ʻi Hono Fai ʻa e Finangalo ʻo e ʻOtuá

ʻOku mau ʻamanekina ko e ngaahi fakamatala ʻi he polōsiuá ni fekauʻaki mo e ngāue fakamalanga, ngaahi fakataha, mo e kautaha ʻa e Kau Fakamoʻoni ʻa Sihová te ne fakalototoaʻi ʻa koe tokotaha-lautohí, ke ke toe feohi kakato ange mo kinautolu ʻi he lotu ki he ʻOtuá. ʻOku mau fakaafeʻi koe ke ke ako pē kiate koe ʻo fekauʻaki mo e Kau Fakamoʻoní ʻaki haʻo feohi tonu mo ha fakatahaʻanga ʻa e Kau Fakamoʻoni ʻa Sihová pea maʻu ʻenau ngaahi fakataha lalahí. ʻE tokoni lahi ʻeni ki haʻo mahino fekauʻaki mo e finangalo ʻo e ʻOtuá ʻi he taimí ni.​—Taitusi 2:​11-14.

ʻI haʻo liliu hoʻo moʻuí ke fehoanaki mo e tuʻunga faka-Tohitapu ʻo e ngāue leleí, te ke toe maʻu ai ʻa e faingamālie ke kau fakataha mo e Kau Fakamoʻoni ʻa Sihová ʻi heʻenau ngaahi ngāué. ʻIkai ngata pē ʻi haʻo fiefia ʻi he fefeohiʻaki māfana ko ha fanga tokoua ʻi māmani lahí, ka te ke malava ai ke fakatuʻamelie atu ke hao moʻui ʻi he ngataʻanga ʻo e ngaahi meʻa ʻo e tuʻu lolotongá ni ki ha fokotuʻutuʻu foʻou ʻa ia ʻe ʻi ai ʻa e melinó mo e faileleí.​—2 Pita 3:13.

[Fakatātā ʻi he peesi 30, 31]

Ngaahi tā mei he fonua ʻe 18 ʻo e ngaahi fonua mo e tukui motu lahi hake he 200, ʻa ia ʻoku ngāue fāʻūtaha ai ki he finangalo ʻo e ʻOtuá ʻa e Kau Fakamoʻoni ʻa Sihová

Naisīlia

ʻAositulia

Pelēsila

Siapani

Kānata

Kuatemala

 ʻĀsenitina

Siamane

Taiuani

Finilani

ʻAfilika Tonga

ʻInitia

ʻIunaite Setete

Fisi

Sili

ʻĪtali

Polivia

Filipaine