Moʻui Taʻengata he Palataisi ʻi he Māmani

ʻOku talaʻofa ʻe he ʻOtuá ʻa e moʻui taʻengatá ki he faʻahinga ʻoku nau fakalāngilangiʻi iá. “Ko haʻa fai totonu te nau maʻu ʻa e fonua, pea te nau nofo ai ʻo tuputupuʻa,” ko e fakapapauʻi mai ia ʻe heʻene Folofolá kiate kitautolú.—Sāme 37:29.

Ka, ke kau ʻi he lotolotonga ʻo e “haʻa fai totonu,” ʻoku fiemaʻu ke ke fai ʻa e meʻa lahi ange ia ʻi he hoko pē ʻo ʻilo fekauʻaki mo e akonaki Tolu-Tahaʻi-ʻOtuá. ʻOku fiemaʻu ke ke laka ki muʻa ʻi he ʻilo fekauʻaki mo e ʻOtuá. ʻE fiefia ʻa e Kau Fakamoʻoni ʻa Sihová ke tokoniʻi koe, kapau ʻoku ʻikai ke ke maʻu ʻa e tokoni ko iá. Tohi pē ki he Jehovah’s Witnesses ʻi he tuʻasila feʻungamālie ʻoku lisi ʻi laló, ʻo kole ha fakamatala lahi ange pe ko e taha ʻi he Kau Fakamoʻoni ʻa Sihová ke ʻalu atu ki ho ʻapí pea ako tuʻumaʻu taʻetotongi ʻa e Tohitapú mo koe.