ʻIniteki Fakatātā
Fakahaaʻi ʻaki ʻa e fika ʻo e pēsí
Ongo takafi Paula, Tāpaita, Kalio, Luke, ʻōfisa temipale mo e kau ʻapositoló, ko ha Sātusi, fakafeʻao atu ʻo Paula ki Sesaliá, mo e faifakamoʻoni ʻi onopooni fakataha mo ha kā ʻoku ʻi ai ha meʻa fakaleʻolahi pea mo ha kalamafoni.
Peesi 1 Ko Paula, ʻoku haʻi sēini, mo Luke ʻokú na heka ʻi ha vaka uta koloa ʻoku ʻalu ki Loma.
Peesi 2, 3 Ko Tokoua J. E. Barr mo Tokoua T. Jaracz ʻo e Kulupu Pulé ʻi ha mape ʻo e māmaní.
Peesi 11 Fekauʻi atu ʻe Sīsū ʻa e kau ʻapositolo faitōnunga ʻe toko 11 mo e kau muimui kehé ʻi ha moʻunga ʻi Kāleli.
Peesi 15 ʻAlu hake ʻa Sīsū ki he langí. Sio fakamamaʻu hake kiate ia ʻa e kau ʻapositoló.
Peesi 22 ʻI he Penitekosí, kamata ke lea ʻa e kau ākongá ki he kau ʻaʻahí ʻi he ngaahi lea ʻanautolú.
Peesi 40 Tuʻu ʻa e kau ʻapositoló ʻi he ʻao ʻo Kaiafasi ʻita tōlilí. Tuʻu mateuteu ʻa e kau ʻōfisa ʻo e temipalé ki he Sanetalimí ke fai ʻa e puke pōpulá.
Peesi 49 ʻI lalo: Hili ʻa e Tau II ʻa Māmaní, naʻe fakahalaiaʻi taʻetotonu ai ʻe ha fakamaauʻanga Siamane Hahake ʻa e Kau Fakamoʻoni ʻa Sihová ʻo pehē ko ha kau sipai ʻAmelika.—Periodical Neue Berliner Illustrierte, ʻOkatopa 3, 1950.
Peesi 52 Ko Sitīveni ʻoku tuʻu ʻi hono talatalaakiʻi ʻi he ʻao ʻo e Sanetalimí. Ko e kau Sātusi koloaʻiá ē mei muí, pea ko e kau Fālesi pipiki tōtuʻa ki he tukufakaholó eni ʻi muʻá.
Peesi 60 ʻOku hilifaki ʻe Pita hono nimá ʻi ha ākonga foʻou; ʻoku hā mai ʻa Saimone mo ha faʻoʻanga koini.
Peesi 85 Ko Pita mo hono ngaahi kaungāfonongá ʻoku nau hū atu ki he ʻapi ʻo Koliniusí. ʻOku ʻai ʻe Koliniusi ha pulupulu makehe ʻoku tāupe hifo ʻi hono uma toʻohemá ke fakaʻilongaʻi ʻaki ʻa hono tuʻunga ko ha senitulioó.
Peesi 93 ʻOku taki ʻa Pita ʻe ha ʻāngelo; ko e Taua ko ʻAnitoniá ko e feituʻu nai ia naʻe tuku pilīsone ai ʻa Pitá.
Peesi 95 ʻI lalo: Ko ha fuʻu kakai anga-fakamālohi ofi ki Montreal, Quebec, ʻi he 1945.—Periodical Weekend Magazine, Siulai 1956.
Peesi 103 Ko Paula mo Panepasa ʻi hono lī kinaua ki tuʻa mei ʻAniteoke Pisitia. Ko e fakatafenga vai foʻou ʻi ʻolunga ʻa e koló ʻoku hā mai mei muí, ngalingali naʻe langa lolotonga ʻa e konga ki muʻa ʻo e ʻuluaki senituli T.S.
Peesi 106 Talitekeʻi ʻe Paula mo Panepasa ʻa hona fakalāngilangiʻi ʻi Līsitá. Ko e ngaahi feilaulau ʻa e koló naʻe faʻa hoko ko ha ngaahi taimi fakafiefia mo longoaʻa fakataha mo ha ngaahi tā fasi lahi.
Peesi 113 ʻI ʻolunga: Ko Sailosi mo Siutasi ʻokú na fakalototoʻaʻi ʻa e fakatahaʻanga ʻi ʻAniteoke Sīliá. (Ngā. 15:30-32) ʻI lalo: Ko e malanga ʻa ha ʻovasia sēketi ki ha fakatahaʻanga ʻi ʻIukanitā.
Peesi 121 Fakataha ʻa e fakatahaʻanga Selusalemá ʻi ha ʻapi fakatāutaha.
Peesi 142 Fakatātā ʻo Paula mo Tīmote ʻi heʻena folau ʻi ha vaka uta koloa Loma. Ko ha falemaamakamo ʻoku hā mai mei he mamaʻó.
Peesi 157 Fakatātā ʻo Paula mo Sailosi ʻi ha lotoʻā ʻoku fakamatapā, ʻi heʻena hao mei ha fuʻu kakai ʻita.
Peesi 177 Tauteaʻi ʻe Kalio ʻa e kau talatalaaki ʻo Paulá. ʻOkú ne tui ha teunga ʻoku feʻungamālie mo hono tuʻungá: ko ha teunga hinehina fakaʻemipola ʻoku fakatapa vāleti laulahi pea mo ha kalasi ʻo e suú ko e calcei.
Peesi 180 Lea ʻa Temetelio ki he kau ngāue ʻi ha fale koloa ʻa e kau tufunga silivá ʻi ʻEfesō. Ko e fanga kiʻi fale toputapu siliva ʻo ʻĀtemisí ʻoku fakatau atu ko e ngaahi suvenia.
Peesi 195 Heka ʻa Paula mo hono ngaahi kaungāfonongá ki ha vaka. Ko e maka fakamanatu Great Harbor Monument, naʻe langa ʻi he ʻuluaki senituli K.M. ʻoku hā mai mei muí.
Peesi 205 ʻI lalo: ʻI he lolotonga ʻa e tapui ʻo e ʻū tohí ʻi he 1940 tupú ʻi Kānatá, ko ha kiʻi Fakamoʻoni ʻokú ne ʻave fakafufū ʻa e ʻū tohi Fakatohitapú. (Toe fakatātaaʻi.)
Peesi 208 ʻUlutukua ʻa Paula ki he kole ʻa e kau mātuʻá. Ko Luke mo Tīmote ʻokú na tangutu he tafaʻakí, ʻi heʻena tokoni ki hono ʻomai ʻo e ngaahi tokoní.
Peesi 218 Lea ʻa e ʻilamutu ʻo Paulá kia Kalautiasi Lisiasi ʻi he Taua ko ʻAnitoniá, ko e feituʻu nai ia naʻe tauhi pōpula ai ʻa Paulá. Ko e temipale ʻo Hēlotá ʻoku hā mai mei muí.
Peesi 236 Lotu ʻa Paula maʻá e kau folau ongosia ʻi he ʻana ʻo ha vaka uta koloa.
Peesi 254 Ko e pōpula ko Paulá, ʻoku sēiniʻi ki ha sōtia Loma, ʻi heʻene vakai atu ki he konga ʻo e kolo ko Lomá.
