KONGA 1
‘I he Founga Fē ‘Oku Tau Fanongo Ai ki he ‘Otuá?
‘Oku folofola mai ‘a e ‘Otuá kiate kitautolu ‘o fakafou ‘i he Tohi Tapú. 2 Tīmote 3:16
Na‘e tataki ‘e he ‘Otua mo‘oní ‘a e kau tangata ke nau hiki ‘ene ngaahi fakakaukaú ‘i he tohi toputapu ‘e taha. Ko e tohi ko iá ko e Tohi Tapú. ‘Oku ‘i loto ai ‘a e fakamatala mahu‘inga ‘oku fiema‘u ‘e he ‘Otuá ke ke ‘ilo ki ai.
‘Oku ‘afio‘i ‘e he ‘Otuá ‘a e me‘a ‘oku lelei taha kiate kitautolú, pea ko e Matavai ia ‘o e poto kotoa pē. ‘I he fanongo kiate iá, te ke hoko ai ‘o poto mo‘oni.—Palōveepi 1:5.
‘Oku fiema‘u ‘e he ‘Otuá ke lau ‘e he tokotaha kotoa pē ‘i he māmaní ‘a e Tohi Tapú. ‘Oku ala ma‘u ia he taimí ni ‘i he ngaahi lea lahi.
Kapau te ke fie fanongo ki he ‘Otuá, kuo pau ke ke lau pea mahino‘i ‘a e Tohi Tapú.
Mātiu 28:19
Ko e kakai ‘i he feitu‘u kotoa pē ‘oku nau fanongo.Ko e Kau Fakamo‘oni ‘a Sihová ‘e lava ke nau tokoni‘i koe ke ke mahino‘i ‘a e Tohi Tapú.
‘I he kotoa ‘o e māmaní, ‘oku nau ako‘i ai ‘a e mo‘oni ‘o fekau‘aki mo e ‘Otuá.
‘Oku ‘ikai fiema‘u ia ke ke fai ha totongi ki he fakahinohino ko ení. ‘E lava foki ke ke ako ‘o fekau‘aki mo e ‘Otuá ‘i he Fale Fakataha‘anga ‘o e Kau Fakamo‘oni ‘a Sihova ‘i ho feitu‘ú.