Talateu
Ko e ‘Otuá ‘oku hangē ha tamai ‘ofá. 1 Pita 5:6, 7
Ko e ‘Otuá ‘a hotau Tokotaha-Fakatupú, pea ‘okú ne tokanga mai kiate kitautolu. Hangē pē ko hono ako‘i ‘e ha tamai poto mo ‘ofa ‘a ‘ene fānaú, ‘oku pehē pē hono ako‘i ‘e he ‘Otuá ‘a e kakai ‘i he feitu‘u kotoa pē ki he founga lelei taha ke mo‘ui aí.
‘Oku fakahaa‘i mai ‘e he ‘Otuá ‘a e ngaahi mo‘oni mahu‘inga ‘a ia ‘okú ne ‘ai ke tau fonu ai ‘i he fiefia mo e ‘amanaki.
Kapau te ke fanongo ki he ‘Otuá, te ne tataki mo malu‘i koe pea tokoni‘i koe ke ke fekuki mo e ngaahi palopalemá.
Ka ‘oku toe ‘i ai ‘a e me‘a lahi ange—te ke mo‘ui ta‘engata!
“Mou ha‘u kiate au,” ko e folofola mai ia ‘a e ‘Otuá. “Fanongo mai, pea . . . mo‘ui ai pē.” ‘Aisea 55:3
Te Ke Fie Vakai Foki ki Heni
AKONAKI MAHU‘INGA
‘Oku ‘i Ai ha Huafa ‘o e ‘Otuá?
‘Oku ma‘u ‘e he ‘Otuá ha hingoa fakalakanga hangē ko e Māfimafi-Aoniu, Tokotaha-Fakatupu mo e ‘Eiki. Ka ‘oku hā ‘a e huafa fakafo‘ituitui ‘o e ‘Otuá ‘i he Tohi Tapú ‘o tu‘o 7,000 nai.
