Founga ke maʻu ʻaonga lahi taha ai mei he ako Tohi Tapu ko ení
ʻUluaki vakai fakalūkufua ki he fakamatala ko ení, pea toki huluʻi leva ʻa e VITIOÓ.
KONGA ʻULUAKÍ
Ke teuteu ki he ako taki taha, lau ʻa e ʻuluaki kongá. Ko e ngaahi fehuʻi mataʻāʻaá (A) mo e ngaahi konga Tohi Tapú (E) ʻoku fakamamafaʻi ai ʻa e ngaahi poini tefitó. Fakatokangaʻi ʻoku fakaʻilongaʻi ʻa e ngaahi konga Tohi Tapu ʻe niʻihi ke “lau.”
KONGA ʻI LOTÓ
Ko e fakamatala kamata (F) ʻi he Keli Loloto Ange ʻoku fakamatalaʻi ai ʻa e ngaahi meʻa hokó. Ko e ngaahi kaveinga tokoní (H) ʻoku fakamamafaʻi ai ʻa e meʻa ʻe fai ai ʻa e lāuleá. Lau ʻa e ngaahi konga Tohi Tapú, tali ʻa e fehuʻí, pea sio ʻi he vitioó fakataha mo ha faiako.
ʻE tataki koe ʻe he ngaahi puha VITIOÓ ki he ngaahi vitiō ʻoku poupou ki he fakamatalá. Ko e ngaahi vitiō ʻe niʻihi ʻoku fakahaaʻi ai ʻa e ngaahi fakamatala moʻoni. Ko e niʻihi ia ko e ngaahi vitiō ʻoku ʻikai fakatātaaʻi ai ha ngaahi meʻa pe kakai moʻoni ka ʻoku fakatātaaʻi ai ha ngaahi tuʻunga moʻoni.
Lāulea ki he fakatātaá mo hono fakamatalá (I), pea fakakaukau ki he founga ke tali ai ʻa e ʻOku Pehē ʻe he Niʻihi (K).
KONGA FAKAʻOSÍ
Ko e lēsoní ʻoku fakamulitukuʻaki ʻa e Fakanounou mo e Fakamanatu (L). Fakahū ʻa e ʻahó ʻi he hili ʻa e kakato ʻa e lēsoní. ʻOku ʻomai ʻi he Meʻa ke Fai (M) ha meʻa ke ke ngāue ki ai. Ko e Ako Lahi Ange (N) ʻoku maʻu ai ʻa e ngaahi maʻuʻanga fakamatala kehe ke ke lau pe sio ai.
Meʻa ʻi Lotó
|
|
|
|
Founga hono kumi ʻa e ngaahi veesi Tohi Tapú
Ko e Tohi Tapú ko hano fakatahatahaʻi ia ʻo e tohi iiki ʻe 66. ʻOku vahevahe ia ki he konga ʻe ua: Ko e Ngaahi Konga Tohi Tapu Faka-Hepelū mo Faka-Alameá (“Fuakava Motuʻa”) pea mo e Ngaahi Konga Tohi Tapu Faka-Kalisi Kalisitiané (“Fuakava Foʻou”).
ʻI he taimi ʻoku hā ai ha konga Tohi Tapu ʻi he ako ko ení, ʻoku fakahaaʻi ʻaki ʻa e tohi Tohi Tapú (A), hoko atu ai ʻa e vahé (E), pea mo e vēsí pe ngaahi vēsí (F).
Ko e fakatātaá, ko e Sione 17:3 ʻoku ʻuhingá ko e tohi ʻa Sione, vahe 17, veesi 3.
Te Ke Fie Vakai Foki ki Heni
NGAAHI FEHUʻI ʻOKU TOUTOU ʻEKE
Ko e Hā ʻa e Polokalama Ako Tohi Tapu ʻOku Fai ʻe he Kau Fakamoʻoni ʻa Sihová?
ʻI he polokalama ako fetalanoaʻaki taʻetotongi ʻa e Kau Fakamoʻoni ʻa Sihová, ʻe lava ke ke ngāueʻaki ai ha faʻahinga liliu Tohi Tapu pē. Ongoʻi tauʻatāina ke fakaafeʻi ʻa e kotoa ho fāmilí pe kaumeʻá ke kau fakataha mo koe.
