Ke tauhi ha kaume‘a, ‘oku fiema‘u ke ke talanoa kiate ia. ‘Okú ke fanongo kiate ia, pea ‘okú ne fanongo mai kiate koe. ‘Okú ke toe lea‘aki ‘a e ngaahi me‘a lelei fekau‘aki mo ho kaume‘á ki he ni‘ihi kehé. ‘Oku tatau pē ia mo e hoko ko ha kaume‘a ‘o e ‘Otuá. Fakakaukau angé ki he me‘a ‘oku lea‘aki ‘e he Tohitapú ‘o fekau‘aki mo e me‘á ni:

Talanoa ma‘u pē kia Sihova ‘i he lotu. “Fakakukafi i he lotu.”​—Loma 12:12, PM.

Lau ‘a e Folofola ‘a e ‘Otuá, ko e Tohitapú. “Ko e potu Folofola kotoa pe ne fakamanava mei he ‘Otua, ‘oku ‘aonga foki ki he akonaki, ki he faka‘ilo hala, ki he fakatonutonu.”​—2 Timote 3:16.

Ako‘i ‘a e ni‘ihi kehé ‘o fekau‘aki mo e ‘Otuá. “Ko ia ke mou ō, ‘o ngaohi ‘a e ngāhi kakai kotoa pe ko ‘eku kau ako, . . . mo e ako‘i kinautolu ke tauhi ‘a e ngāhi me‘a kotoa pe kuo u tu‘utu‘uni atu.”​—Mātiu 28:19, 20.

 ‘Unu‘unu ofi ki he ngaahi kaume‘a ‘o e ‘Otuá. “Koia oku aeva fakataha moe kakai boto e boto ai ia.”​—Palovepi 13:20.

Ma‘u ‘a e ngaahi fakataha ‘i he Fale Fakataha‘angá. “Ke tau fetokanga‘aki, ke fefaka‘ai‘ai‘aki ‘a kitautolu ki he fe‘ofa‘aki mo e ngaue lelei: . . . [mo] feenginaki‘aki.”​—Hepelu 10:24, 25.

Tokoni ‘i hono poupou‘i ‘a e ngāue ‘o e Pule‘angá. “Ke taki taha [foaki] ki he me‘a kuo ne tu‘utu‘uni ‘i hono loto; pea ‘oua ‘e fai ‘i he mamahi, pe ko e pu‘ia; he ‘oku ‘ofa ‘a e ‘Otua ki ha taha ‘oku vekeveke foaki.”​—2 Kolinito 9:7.