Fetūkuaki ʻa e lahi ho leʻó. Tuku hake ʻa e lahi ho leʻó ke fakamamafaʻi ʻa e ngaahi poini tefitó pea ueʻi ʻa hoʻo kau fanongó. Fai ʻa e meʻa tatau ʻi he taimi ʻokú ke lau ai ha konga Tohi Tapu fekauʻaki mo ha fakamaau. Tuku hifo ʻa e lahi ho leʻó ke langa hake ha fakatuʻamelie pe ke fakahaaʻi atu ʻa e manavahē pe hohaʻa.

Fetūkuaki ʻa e māʻolunga ho leʻó. Kapau ʻoku feʻungamālie ʻi hoʻo leá, ʻai ke māʻolunga ho leʻó ke fakahaaʻi ʻa e loto-mafaná pe fakahaaʻi ʻa e lahi pe mamaʻo ʻo ha meʻa. ʻAi ke māʻulalo ange ho leʻó ke fakahaaʻi ʻa e mamahi pe loto-moʻua.

Fetūkuaki ʻa e vave ho leʻó. Lea vave ange ʻi hoʻo fakahaaʻi ha meʻa fakafiefia. Lea māmālie ange ʻi hono fakahaaʻi ha poini mahuʻinga.