Ko e konga ko ení ʻoku kau ki ai ʻa e hisitōlia ʻo e moʻui ʻa Tuʻi Saula mo Tuʻi Tēvitá, ʻo fakafuofua nai ki he taʻu ʻe 80. ʻI he ʻuluaki taimí, naʻe anga-fakatōkilalo mo manavahē-ʻOtua ʻa Saula, ka naʻe vave ʻene liliu pea ʻikai te ne tali ke muimui ʻi he fakahinohino ʻa Sihová. Naʻe liʻaki ia ʻe Sihova pea faifai pē ʻo ne tala kia Sāmiuela ke ne pani ʻa Tēvita ke hoko ko e tuʻi hono hoko ʻo ʻIsilelí. Naʻe feinga tuʻo lahi ʻa Saula ʻi heʻene meheká ke tāmateʻi ʻa Tēvita, naʻe ʻikai ʻaupito ke fetongi ʻaki ia ʻe Tēvita ha kovi. Naʻe ʻiloʻi ʻe he foha ʻo Saula ko Sionatané ko Tēvita naʻe fili ʻe Sihová, ko ia naʻá ne mateaki kia Tēvita. Naʻe fai ʻe Tēvita ha ngaahi angahala mamafa, ka naʻe ʻikai ʻaupito ke ne liʻaki ʻa e akonaki ʻa Sihová. Kapau ko ha mātuʻa koe, tokoniʻi hoʻo kiʻi tamá ke ne sio ki he mahuʻinga ʻo e poupou maʻu pē ki he ngaahi fokotuʻutuʻu ʻa Sihová.