Talateu ki he Konga 9
Ko e konga ko ení ʻoku akoʻi ai kitautolu fekauʻaki mo e toʻutupu, kau palōfita, mo e ngaahi tuʻi naʻa nau fakahāhā ʻa e tui makehe kia Sihova. ʻI Sīlia, naʻe tui ai ha kiʻi taʻahine ʻIsileli ʻe fakamoʻui ʻe he palōfita ʻa Sihová ʻa Neamani. Naʻe falala kakato ʻa e palōfita ko ʻIlaisá ʻe maluʻi ia ʻe Sihova mei ha kau tau ʻa e filí. Naʻe tuku ʻe he Taulaʻeiki Lahi ko Sihoiatá ʻene moʻuí ki ha tuʻunga fakatuʻutāmaki ʻi heʻene maluʻi ʻa kiʻi Sōasi mei heʻene kui fefine fulikivanu ko ʻAtalaiá. Naʻe falala ʻa Tuʻi Hesekaia ʻe fakahaofi ʻe Sihova ʻa Selusalema, pea naʻe ʻikai te ne ilifia ʻi he fakamanamana ʻa e kau ʻAsīliá. Naʻe fakaʻauha ʻe Tuʻi Siosaia ʻa e ʻaitolí ʻi he fonuá, toe fakaleleiʻi ʻa e temipalé, pea fakafoki ʻa e puleʻangá ki he lotu moʻoní.
‘I HE KONGA KO ENÍ
LĒSONI 51
Tangata Taú mo e Kiʻi Taʻahiné
Talanoa ha kiʻi taʻahine ʻIsileli ki hono pulé fekauʻaki mo e fuʻu mālohi ʻo Sihová—ʻo ʻi ai hono ola fakaemana.
LĒSONI 52
Fanga Hoosi mo e Saliote Afi ʻa Sihová
Founga ʻo e sio ʻa e sevāniti ʻa ʻIlaisá ‘ʻoku tokolahi ange ʻa e faʻahinga ʻoku kau mo kitauá ʻi he faʻahinga ʻoku kau mo kinautolú.’
LĒSONI 54
Anga-Kātaki ʻa Sihova kia Siona
Naʻe anga-fēfē ʻa e hoko ʻo folo ʻe ha fuʻu ika ʻa e taha ʻo e kau palōfita ʻa e ʻOtuá? Naʻe anga-fēfē ʻene hū ki tuʻá? Pea ko e hā ʻa e lēsoni naʻe akoʻi ʻe Sihova kiate iá?
LĒSONI 55
Maluʻi ʻe he ʻĀngelo ʻa Sihová ʻa Hesekaia
Pehē ʻe he ngaahi fili ʻo Siutá heʻikai ke maluʻi ʻe Sihova ʻa hono kakaí, ka ʻoku hala ʻenau maʻú!
LĒSONI 56
ʻOfa ʻa Siosaia ʻi he Lao ʻa e ʻOtuá
ʻOku hoko ʻa Siosaia ko e tuʻi ʻo Siuta ʻi heʻene taʻu valú, pea ʻokú ne tokoniʻi ʻa hono kakaí ke nau lotu kia Sihova.