ʻI he taimi ʻoku ʻeke loto-moʻoni ai ʻe ha taha ha fehuʻi pe ko ha meʻa ʻokú ne fifili ki ai, ʻoku tau fiefia ke hokohoko atu ʻa e fetalanoaʻakí. ʻOku tau loto ke talanoa ki he kakai ʻoku nau maʻu nai ha “hehema totonu ki he moʻui taʻengatá.”—Ngā. 13:48.

Kae fēfē kapau ko e tokotahá ʻoku ʻita, feinga ke fakafekiki, pe ʻoku ʻikai pē ke fie talanoa ia? Fakangata ʻa e fetalanoaʻakí ʻi he anga-mokomoko mo fakapotopoto. (Pal. 17:14) Feinga ke anga-fakaʻapaʻapa mo anga-lelei koeʻuhí ʻe loto-lelei nai ai ʻa e tokotahá ke talanoa mo kitautolu ʻi he kahaʻú.—1 Pita 2:12.