KONGA 3
Fakahaofi mei ‘Isipité ‘o A‘u ki he ‘Uluaki Tu‘i ‘o ‘Isilelí
Na‘e taki ‘e Mōsese ‘a e kau ‘Isilelí mei he nofo pōpula ‘i ‘Isipité ki he Mo‘unga Sainaí, ‘a ia na‘e foaki ange ai ‘e he ‘Otuá kiate kinautolu ‘a ‘ene ngaahi lao. Na‘e ‘osi ha taimi pea na‘e fekau atu ‘e Mōsese ha kau tangata ‘e toko 12 ko e kau sipai ki he fonua ko Kēnaní. Ka ko e toko 10 ‘o kinautolu na‘a nau foki mai mo ha fakamatala ‘ikai ke lelei. Na‘a nau fakatupu ‘i he kakaí ‘a e loto ke nau toe foki ki ‘Isipite. Koe‘uhi ko e si‘i ‘enau tuí, na‘e tautea ai ‘e he ‘Otuá ‘a e kau ‘Isilelí ke nau fononga holo pē ‘i he toafá ‘i he ta‘u ‘e 40.
Ko hono faka‘osí, na‘e fili ‘a Siōsiua ke hoko ko e taki ‘o e kau ‘Isilelí ki he fonua ko Kēnaní. Na‘e ‘ai ‘e Sihova ha ngaahi mana ke hoko ke tokoni‘i kinautolu ke ma‘u ‘a e fonuá. Na‘á ne ‘ai ‘a e Vaitafe Sioataní ke tu‘u ‘ene tafé, holoki ‘a e ngaahi ‘ā ‘o Sielikō, pea ke tu‘u ma‘u ‘a e la‘aá he ‘aho kakato ‘e taha. ‘I he hili ‘a e ta‘u ‘e ono, na‘e fa‘ao ‘a e fonuá mei he kau Kēnaní.
Na‘e kamata ‘ia Siōsiua ‘a hono pule‘i ‘o ‘Isileli he ta‘u ‘e 356 ‘e ha kau fakamaau. Te tau ako ‘o fekau‘aki mo e tokolahi ‘o kinautolu kau ai ‘a Pēlaki, Kitione, Sēfita, Samisoni mo Sāmiuela. Te tau toe lau foki ‘o fekau‘aki mo e kau fefine hangē ko Lēhapi, Tēpola, Siāili, Lute, Nāomi mo Tilila. Ko e kotoa ‘o e Konga TOLÚ ‘oku lau ki he vaha‘a taimi ko e ta‘u ‘e 396 ‘o e hisitōliá.
‘I HE KONGA KO ENÍ
TALANOA 34
Ko e Fa‘ahinga Me‘akai Fo‘ou
Ko e me‘akai makehe ko eni mei he ‘Otuá na‘e ngangana mei he langí.
TALANOA 35
Ko e Foaki ‘e Sihova ‘Ene Ngaahi Laó
Ko e hā e ongo lao na‘e mahu‘inga lahi ange ia ‘i he Fekau ‘e Hongofulú?
TALANOA 36
Ko e Ki‘i Pulu Koulá
Ko e hā na‘e lotu ai e kakaí ki ha ‘īmisi ne ngaohi mei he hau na‘e haka ‘o vaia?
TALANOA 38
Ko e Kau Sipai ‘e Toko 12
Na‘e tala ‘e he kau sipai ‘e toko 10 ‘a e me‘a kehe kae tala ‘e he toko ua ‘a e me‘a kehe. Ko hai ‘e tui ki ai ‘a e kau ‘Isilelí?
TALANOA 39
Na‘e Tupu ha Ngaahi Matala‘i‘akau he Tokotoko ‘o ‘Ēloné
Na‘e lava fēfē ke tupu ha ngaahi matala‘i‘akau ‘i ha va‘akau pea momoho e fua‘i‘akaú ‘i he ‘aho pē ‘e tahá?
TALANOA 40
Na‘e Taa‘i ‘e Mōsese ‘a e Maká
Na‘e ola lelei hono taa‘i ‘e Mōsese ‘a e maká, ka na‘á ne ‘ai eni ke houhau ‘a Sihova.
TALANOA 41
Ko e Ngata Palasá
Ko e hā na‘e ‘omi ai ‘e he ‘Otuá ‘a e fanga ngata koná ke nau huhu e kau ‘Isilelí?
TALANOA 42
Na‘e Lea ha ‘Asi
Na‘e sio ‘a e ‘asi ‘a Pēlamí ki ha me‘a na‘e ‘ikai lava ‘a Pēlami ‘o sio ki ai.
TALANOA 43
Na‘e Hoko ‘a Siōsiua ko e Taki
Na‘e kei mālohi pē ‘a Mōsese, ka ko e hā na‘e fetongi ai ‘e Siōsiuá?
TALANOA 44
Na‘e Fūfuu‘i ‘e Lēhapi ‘a e Ongo Sipai
Na‘e anga-fēfē tokoni ‘a Lēhapi ki he ongo tangatá, pea ko e hā na‘á ne kole kiate kinauá?
TALANOA 45
Ko e Kolosi ‘o Fou ‘i he Vaitafe Sioataní
Na‘e hoko ha mana ‘i he taimi na‘e tu‘u ai e kau taula‘eikí ‘i he vaí.
TALANOA 47
Ko ha Tokotaha Kaiha‘a ‘i ‘Isileli
‘Oku lava ‘e ha tangata kovi ‘e toko taha ‘o ‘oatu ha faingata‘a ki he kotoa ‘o e pule‘angá?
TALANOA 48
Ko e Kau Kipione Poto
Na‘a nau kākaa‘i ‘a Siōsiua mo e kau ‘Isilelí ke fai ha palōmesi, ka na‘e tauhi ‘e he kau ‘Isilelí ‘enau palōmesí.
TALANOA 49
Na‘e Tu‘uma‘u ‘a e La‘aá
Na‘e fai ‘e he ‘Otuá ‘a e me‘a kia Siōsiua ‘a ia na‘e te‘eki ke ne fai pehē ki mu‘a pea na‘a mo e hili iá.
TALANOA 50
Ko e Ongo Fefine Loto-To‘a
Ko Pēlake na‘á ne taki ‘a e kau tau ‘a ‘Isilelí ki he taú, ka ko e hā e ‘uhinga na‘e ma‘u ai ‘e Siaili e lāngilangí?
TALANOA 51
Ko Lute mo Nāomi
Na‘e li‘aki ‘e Lute hono tupu‘angá kae nofo mo Nāomi pea tauhi kia Sihova.
TALANOA 52
Ko Kitione mo ‘Ene Kau Tangata ‘e Toko 300
Na‘e fili ‘e he ‘Otuá ‘a e kau mēmipa ki he kau tau tokosi‘i ko ení ‘o ngāue‘aki ‘a e founga inú ke sivi‘i ‘aki kinautolu.
TALANOA 53
Ko e Tala‘ofa ‘a Sēfitá
Ko ‘ene tala‘ofa kia Sihová na‘e ‘ikai ngata pē ‘i he‘ene kaunga kiate iá kae pehē foki ki hono ‘ofefiné.
TALANOA 54
Ko e Tangata Mālohi Tahá
Na‘e anga-fēfē hono ‘ilo‘i ‘e Tilila ‘a e fakapulipuli ki he tupu‘anga ‘o e mālohi ‘o Samisoní?
TALANOA 55
Ko ha Ki‘i Tamasi‘i Na‘e Tauhi ki he ‘Otuá
Na‘e ngāue‘aki ‘e he ‘Otuá ‘a e ki‘i tamasi‘i ko Sāmiuelá ke tala ‘a e pōpoaki fakamamahi ki he Taula‘eiki Lahi ko ‘Īlaí.