KONGA 7
Ko e Toetu‘u ‘a Sīsuú ‘o A‘u ki he Nofo Pōpula ‘a Paulá
Na‘e toetu‘u ‘a Sīsū ‘i he ‘aho hono tolu hili ‘ene maté. ‘I he ‘aho ko iá na‘á ne hā tu‘o nima ki hono kau muimuí ‘i he ngaahi taimi kehekehe. Na‘e hokohoko atu ‘a e hā ‘a Sīsū kiate kinautolú ‘o fe‘unga mo e ‘aho ‘e 40. Pea ‘i he lolotonga ‘a e mamata ‘a e ni‘ihi ‘o ‘ene kau ākongá, na‘e foki hake ‘a Sīsū ki hēvani. ‘I he ‘aho ‘e hongofulu mei ai na‘e hua‘i hifo ‘e he ‘Otuá ‘a e laumālie mā‘oni‘oní ki he kau muimui ‘o Sīsū na‘a nau tatali ‘i Selusalema.
Ki mui mai, na‘e hanga ‘e he ngaahi fili ‘o e ‘Otuá ‘o tuku pilīsone ‘a e kau ‘apositoló, ka na‘e tuku ange kinautolu ‘e ha ‘āngelo. Na‘e tolomaka‘i ‘o mate ‘a e ākonga ko Sitīveni ‘e he kau fakafepakí. Ka te tau ako ki he anga hono fili ‘e Sīsū ‘a e tokotaha ‘o e kau fakafepaki ko ‘ení ke hoko ko ‘ene sevāniti makehe, pea na‘e hoko ia ko e ‘apositolo ko Paula. Pea ‘i he ‘osi ‘a e ta‘u ‘e tolu mo e konga mei he mate ‘a Sīsuú, na‘e fekau ‘e he ‘Otuá ‘a e ‘apositolo ko Pitá ke malanga ki he tokotaha na‘e ‘ikai ko ha Siu ‘a ia ko Koliniusi pea mo hono falé.
‘I he ‘osi nai ‘a e ta‘u ‘e 13 ki mui mai ai na‘e kamata ai ‘e Paula ‘a ‘ene ‘uluaki fononga fakamisinalé. ‘I he‘ene fononga hono uá na‘e ‘alu ai ‘a Tīmote mo Paula. Te tau ako ki he ma‘u ‘e Paula mo hono kaungāfonongá ha ngaahi taimi fakafiefia ‘i he ngāue ki he ‘Otuá. Faifai atu pē pea na‘e tuku pilīsone ‘a Paula ‘i Loma. Na‘e fakatau‘atāina‘i ia ‘i he ‘osi ‘a e ta‘u ‘e ua mei ai, ka na‘e toe tuku pilīsone ia pea na‘e tāmate‘i ai. Ko e ngaahi me‘a ‘oku fakamatala‘i ‘i he KONGA 7 na‘e hoko ‘i he vaha‘a taimi ko e ta‘u nai ‘e 32.
‘I HE KONGA KO ENÍ
TALANOA 102
Na‘e Toe Mo‘ui ‘a Sīsū
Hili hono teka‘i ‘e ha ‘āngelo ‘a e maká mei he fonualoto ‘o Sīsuú, na‘e ofo ‘a e kau sōtiá ‘i he me‘a na‘a nau sio ai ‘i lotó.
TALANOA 103
Ko e Hū ki ha Loki Tāpuni Malu
Hili e toetu‘u ‘a Sīsuú, ko e hā na‘e ‘ikai ke fakatokanga‘i ai ia ‘e he‘ene kau ākonga?
TALANOA 104
Ko e Foki ‘a Sīsū ki Hēvani
Ki mu‘a ke ‘alu hake ‘a Sīsū ki he langí, ‘okú ne ‘oange ki he‘ene kau ākongá ha fekau faka‘osi ‘e taha.
TALANOA 105
Ko e Tatali ‘i Selusalema
Ko e hā na‘e hua‘i hifo ai ‘e Sīsū ‘a e laumālie mā‘oni‘oní ki he‘ene kau ākongá ‘i he Penitekosí?
TALANOA 106
Ko Hono Tuku Ange mei he Pilīsoné
Ko e kau taki lotu Siú na‘a nau fakahū pilīsone ‘a e kau ‘apositoló ke ta‘ofi ‘enau malangá, ka na‘e kehe ‘a e me‘a na‘e fakakaukau ki ai ‘a e ‘Otuá.
TALANOA 107
Na‘e Tolomaka‘i ‘a Sitīveni
Lolotonga hono tolomaka‘i ‘a Sitīveni ke maté na‘á ne fai ha lotu ‘oku makehe atu.
TALANOA 108
‘I he Hala ki Tāmasikusí
Na‘e liliu ‘a e mo‘ui ‘a Saulá ‘i he huhulu mai ‘a ha maama mo ha le‘o mei hēvani.
TALANOA 109
Na‘e ‘A‘ahi ‘a Pita kia Koliniusi
‘Oku vakai nai e ‘Otuá ‘oku lelei ange ha matakali ‘e taha ‘i ha matakali kehe?
TALANOA 110
Ko Tīmote—Ko e Tokoni Fo‘ou ‘o Paula
Na‘e mavahe ‘a Tīmote mei ‘api ke kau mo Paula ‘i ha fononga ngāue fakamalanga fakafiefia.
TALANOA 111
Ko ha Tamasi‘i Na‘e Tulemohe
Na‘e tulemohe ‘a ‘Utiko lolotonga ‘a e ‘uluaki malanga ‘a Paulá, kae ‘ikai ko ‘ene malanga hono ua. Ko e me‘a na‘e hoko ‘i he vaha‘a ‘o e ongo malangá ko ha mana mo‘oni ia.
TALANOA 112
Na‘e Tūkia ‘i ha Motu
‘I he mole ‘a e ‘amanakí, na‘e ma‘u ‘e Paula ha pōpoaki mei he ‘Otuá peá ne ma‘u ai ha ‘amanaki.
TALANOA 113
Ko Paula ‘i Loma
‘E lava fēfē ke fai ‘e Paula ‘ene ngāue ko ha ‘apositolo lolotonga hono tuku pōpulá?