Talanoa 1

1. Ko e ha‘u mei fē ‘a e ngaahi me‘a lelei kotoa pē, pea ‘e lava ke ke ‘omai ha fakatātā?

2. Ko e hā ‘a e ‘uluaki me‘a na‘e ngaohi ‘e he ‘Otuá?

3. Ko e hā na‘e makehe ai ‘a e ‘uluaki ‘āngeló?

4. Fakamatala‘i pe na‘e fēfē ‘a e māmaní ‘i he kamata‘angá. (Sio ki he fakatātaá.)

5. Na‘e anga-fēfē ‘a e kamata ke teuteu ‘e he ‘Otuá ‘a e māmaní ki he fanga manú mo e kakaí?

Ngaahi fehu‘i fakalahi:

1. Lau ‘a e Selemaia 10:12.

   Ko e hā ‘a e ngaahi ‘ulungāanga ‘o e ‘Otuá ‘oku fakahāhā fakafou ‘i he‘ene fakatupú? (‘Ai. 40:26; Loma 11:33)

2. Lau ‘a e Kolose 1:15-17.

   Ko e hā ‘a e tafa‘aki na‘e fakahoko ‘e Sīsū ‘i he fakatupú, pea ‘oku totonu ke fēfē ‘ene kaunga ki he‘etau vakai kiate iá? (Kol. 1:15-17)

3. Lau ‘a e Sēnesi 1:1-10.

   1. (a) Ko e hā ‘a e tupu‘anga ‘o e māmaní? (Sēn. 1:1)

   2. (e) Ko e hā na‘e hoko ‘i he ‘uluaki ‘aho ‘o e fakatupú? (Sēn. 1:3-5)

   3. (f) Fakamatala‘i ‘a e me‘a na‘e hokó lolotonga ‘a e ‘aho fakatupu hono uá. (Sēn. 1:7, 8)

Talanoa 2

1. Na‘e anga-fēfē hono teuteu‘i ‘e he ‘Otuá ‘a e māmaní ke hoko ko hotau ‘apí?

2. Fakamatala‘i ‘a e fa‘ahinga kehekehe lahi ‘o e fanga manú na‘e ngaohi ‘e he ‘Otuá. (Sio ki he fakatātaá.)

3. Ko e hā na‘e makehe ai ‘a e ngoue ko ‘Ītení?

4. Ko e hā na‘e fiema‘u ‘e he ‘Otuá ke hoko ki he māmaní kotoa?

Ngaahi fehu‘i fakalahi:

1. Lau ‘a e Sēnesi 1:11-25.

   1. (a) Ko e hā na‘e ngaohi ‘e he ‘Otuá lolotonga ‘a e ‘aho fakatupu hono tolú? (Sēn. 1:12)

   2. (e) Ko e hā na‘e hoko lolotonga ‘a e ‘aho fakatupu hono faá? (Sēn. 1:16)

   3. (f) Ko e hā ‘a e fa‘ahinga monumanu na‘e ngaohi ‘e he ‘Otuá ‘i he ‘aho hono nimá mo hono onó? (Sēn. 1:20, 21, 25)

2. Lau ‘a e Sēnesi 2:8, 9.

   Ko e hā ‘a e ongo fu‘u ‘akau makehe na‘e tuku ‘e he ‘Otuá ‘i he ngoué, pea ko e hā na‘á na fakatātā‘í?

Talanoa 3

1. ‘Oku anga-fēfē ‘a e kehe ‘a e fakatātā ‘i he Talanoa 3 mei he fakatātā ‘i he Talanoa 2?

2. Ko hai na‘á ne ngaohi ‘a e ‘uluaki tangatá pea ko hai ‘a e hingoa ‘o e tangata ko iá?

3. Ko e hā ‘a e ngāue na‘e tuku ‘e he ‘Otuá kia ‘Ātama ke ne faí?

4. Ko e hā na‘e ‘ai ai ‘e he ‘Otuá ke mohe ma‘u ‘a ‘Ātamá?

5. Ko e hā ‘a e lōloa na‘e mei malava ke mo‘ui ai ‘a ‘Ātama mo ‘Iví, pea ko e hā ‘a e ngāue na‘e fiema‘u ‘e Sihova ke na faí?

Ngaahi fehu‘i fakalahi:

1. Lau ‘a e Saame 83:18.

   Ko hai ‘a e huafa ‘o e ‘Otuá, pea ko e hā hono tu‘unga makehe ki he māmaní? (Sel. 16:21; Tān. 4:17)

2. Lau ‘a e Sēnesi 1:26-31.

   1. (a) Ko e hā ‘a e tumutumu ‘o e fakatupu ‘a e ‘Otuá ‘i he ‘aho hono onó, pea na‘e anga-fēfē ‘a e kehe ‘a e me‘a fakatupu ko ení mei he fanga manú? (Sēn. 1:26)

   2. (e) Ko e hā ‘a e tokonaki na‘e fai ‘e Sihova fakatou‘osi ki he tangatá mo e fanga manú? (Sēn. 1:30)

3. Lau ‘a e Sēnesi 2:7-25.

   1. (a) Ko e hā na‘e kau ki he ngāue ‘a ‘Ātama ko hono fakahingoa ‘a e fanga manú? (Sēn. 2:19)

   2. (e) ‘Oku anga-fēfē hono tokoni‘i kitautolu ‘e he Sēnesi 2:24 ke tau mahino‘i ‘a e vakai ‘a Sihova ki he nofo malí, māvaé, pea mo e veté? (Māt. 19:4-6, 9)

Talanoa 4

1. Ko e hā ‘oku hoko kia ‘Ātama mo ‘Ivi ‘i he fakatātaá?

2. Ko e hā na‘e tautea‘i ai kinaua ‘e Sihová?

3. Ko e hā na‘e tala ‘e ha ngata kia ‘Iví?

4. Ko hai na‘á ne ‘ai ‘a e ngatá ke lea kia ‘Iví?

5. Ko e hā na‘e mole ai meia ‘Ātama mo ‘Ivi ‘a hona ‘api Palataisí?

Ngaahi fehu‘i fakalahi:

1. Lau ‘a e Sēnesi 2:16, 17 mo e 3:1-13, 24.

   1. (a) Na‘e anga-fēfē hono fakafofongahala‘i ‘a Sihova ‘e he fehu‘i ‘a e ngatá kia ‘Iví? (Sēn. 3:1-5; 1 Sio. 5:3)

   2. (e) ‘Oku anga-fēfē ‘a e hoko ‘a ‘Ivi ko ha fakatātā fakatokanga ia kiate kitautolú? (Fil. 4:8; Sēm. 1:14, 15; 1 Sio. 2:16)

   3. (f) ‘I he founga fē na‘e ‘ikai lava ai ke tali ‘e ‘Ātama mo ‘Ivi ko kinaua ‘a e tupu‘anga tefito ki he me‘a na‘á na faí? (Sēn. 3:12, 13)

   4. (h) Na‘e anga-fēfē hono pouaki ‘a e tu‘unga-hau ‘o Sihová ‘e he ongo selupimi na‘e fokotu‘u ‘i he hahake ‘o e ngoue ko ‘Ītení? (Sēn. 3:24)

2. Lau ‘a e Fakahā 12:9.

   Kuo lavame‘a fēfē ‘a Sētane ‘i hono fakatafoki‘i ‘a e fa‘ahinga ‘o e tangatá mei he tu‘unga-pule ‘a e ‘Otuá? (1 Sio. 5:19)

Talanoa 5

1. Na‘e fēfē ‘a e mo‘uí kia ‘Ātama mo ‘Ivi ‘i tu‘a ‘i he ngoue ko ‘Ītení?

2. Ko e hā na‘e kamata ke hoko kia ‘Ātama mo ‘Iví, pea ko e hā hono ‘uhingá?

3. Ko e hā ‘e tupu ai ‘o motu‘a pea mate ‘a e fānau ‘a ‘Ātama mo ‘Iví?

4. Ka ne talangofua ‘a ‘Ātama mo ‘Ivi kia Sihova, na‘e mei fēfē ‘a e mo‘uí kiate kinaua pea mo ‘ena fānaú?

5. Na‘e anga-fēfē hono fakatupunga ‘e he talangata‘a ‘a ‘Iví ha mamahi kiate ia?

6. Ko e hā ‘a e hingoa ‘o e ‘uluaki ongo foha ‘o ‘Ātama mo ‘Iví?

7. Ko hai ‘a e fānau kehe ‘i he fakatātaá?

Ngaahi fehu‘i fakalahi:

1. Lau ‘a e Sēnesi 3:16-23 mo e 4:1, 2.

   1. (a) Na‘e anga-fēfē hono uesia ‘a e mo‘ui ‘a ‘Ātamá ‘i hono fakamala‘ia‘i ‘o e kelekelé? (Sēn. 3:17-19; Loma 8:20, 22)

   2. (e) Ko e hā na‘e fe‘ungamālie ai ‘a e ‘uhinga ‘o e hingoa ‘Iví ko e “Mo‘ui‘anga”? (Sēn. 3:20)

   3. (f) Na‘e anga-fēfē hono fakahāhā ‘e Sihova ‘a e faka‘atu‘i kia ‘Ātama mo ‘Ivi na‘a mo e hili ‘ena faiangahalá? (Sēn. 3:7, 21)

2. Lau ‘a e Fakahā 21:3, 4.

   Ko e hā ‘a e “ngaahi me‘a mu‘a” ‘okú ke fakatu‘otu‘a atu ke sio ki ha‘ane ngatá?

Talanoa 6

1. Ko e hā ‘a e ongo ngāue na‘e fai ‘e Keini mo ‘Ēpelí?

2. Ko e hā ‘a e ongo me‘a‘ofa na‘e foaki ‘e Keini mo ‘Ēpeli kia Sihová?

3. Ko e hā na‘e fiemālie ai ‘a Sihova ki he me‘a‘ofa ‘a ‘Ēpelí pea ko e hā na‘e ‘ikai ai te ne fiemālie ki he me‘a‘ofa ‘a Keiní?

4. Ko ha tokotaha fēfē ‘a Keini pea na‘e anga-fēfē ‘a e feinga ‘a Sihova ke fakatonutonu iá?

5. Ko e hā na‘e fai ‘e Keini ‘i he‘ena ‘i ai toko ua pē ‘i he ngoué mo hono tokouá?

6. Fakamatala‘i ‘a e me‘a na‘e hoko kia Keini ‘i he hili ‘ene tāmate‘i ‘a hono tokouá.

Ngaahi fehu‘i fakalahi:

1. Lau ‘a e Sēnesi 4:2-26.

   1. (a) Na‘e anga-fēfē hono fakamatala‘i ‘e Sihova ‘a e tu‘unga fakatu‘utāmaki na‘e ‘i ai ‘a Keiní? (Sēn. 4:7)

   2. (e) Na‘e anga-fēfē hono fakahaa‘i ‘e Keini ‘a e fakakaukau ‘i hono lotó? (Sēn. 4:9)

   3. (f) Ko e hā ‘a e vakai ‘a Sihova ki hono lilingi ‘a e toto ta‘ehalaiá? (Sēn. 4:10; ‘Ai. 26:21)

2. Lau ‘a e 1 Sione 3:11, 12.

   1. (a) Ko e hā na‘e ‘ita lahi ai ‘a Keiní, pea ‘oku anga-fēfē ‘a e hoko ‘a e me‘á ni ko ha fakatokanga kiate kitautolu he ‘aho ní? (Sēn. 4:4, 5; Pal. 14:30; 28:22)

   2. (e) ‘Oku anga-fēfē hono fakahaa‘i ‘e he Tohitapú na‘a mo e taimi ‘oku fakafepaki kotoa ai ‘a e ngaahi mēmipa ‘o hotau fāmilí kia Sihová, ‘e kei lava pē ke tau tauhi ma‘u ‘etau angatonú? (Saame 27:10; Māt. 10:21, 22)

3. Lau ‘a e Sione 11:25.

   Ko e hā ‘a e fakapapau ‘oku ‘omai ‘e Sihova fekau‘aki mo e fa‘ahinga kotoa ‘oku mate koe‘uhi ko e mā‘oni‘oní? (Sione 5:24)

Talanoa 7

1. Na‘e anga-fēfē ‘a e kehe ‘a ‘Īnoké?

2. Ko e hā na‘e fai ai ‘e he kakai ‘i he taimi ‘o ‘Īnoké ‘a e ngaahi me‘a kovi lahí?

3. Ko e hā ‘a e ngaahi me‘a kovi na‘e fai ‘e he kakaí? (Sio ki he fakatātaá.)

4. Ko e hā na‘e fiema‘u ai ke loto-to‘a ‘a ‘Īnoké?

5. Ko e hā ‘a e fuoloa ‘o e mo‘ui ‘a e tangatá ‘i he taimi ko iá, ka ko e hā ‘a e fuoloa ‘o e mo‘ui ‘a ‘Īnoké?

6. Ko e hā na‘e hoko ‘i he hili ‘a e mate ‘a ‘Īnoké?

Ngaahi fehu‘i fakalahi:

1. Lau ‘a e Sēnesi 5:21-24, 27.

   1. (a) Ko e hā ‘a e fa‘ahinga vaha‘angatae na‘e ma‘u ‘e ‘Īnoke mo Sihová? (Sēn. 5:24)

   2. (e) Fakatatau ki he Tohitapú, ko hai ‘a e tangata motu‘a taha na‘e mo‘ui maí pea na‘á ne ta‘u fiha ‘i he‘ene maté? (Sēn. 5:27)

2. Lau ‘a e Sēnesi 6:5.

   Na‘e hoko ‘o kovi fēfē ‘a e ngaahi tu‘unga ‘i he māmaní hili ‘a e mate ‘a ‘Īnoké, pea ‘oku anga-fēfē hono fakahoa ‘a e me‘á ni ki hotau ‘aho ní? (2 Tīm. 3:13)

3. Lau ‘a e Hepelū 11:5.

   Ko e hā ‘a e ‘ulungāanga ‘o ‘Īnoke “kuo ne fakahōifua ‘a e ‘Otua” pea ko e hā hono olá? (Sēn. 5:22)

4. Lau ‘a e Sute 14, 15.

   ‘E lava fēfē ke fa‘ifa‘itaki ‘a e kau Kalisitiane he ‘aho ní ki he loto-to‘a ‘a ‘Īnoké ‘i he‘enau fakatokanga ki he kakaí fekau‘aki mo e tau ‘o ‘Āmaketone ka hoko maí? (2 Tīm. 4:2; Hep. 13:6)

Talanoa 8

1. Ko e hā na‘e hoko ‘i he taimi na‘e fanongo ai ‘a e ni‘ihi ‘o e kau ‘āngelo ‘a e ‘Otuá kia Sētané?

2. Ko e hā na‘e tuku ai ‘e he kau ‘āngelo ‘e ni‘ihi ‘enau ngāue ‘i hēvaní pea ‘alu hifo ki he māmaní?

3. Ko e hā na‘e hala ai ki he kau ‘āngeló ke nau ‘alu hifo ki he māmaní pea ‘ai ha ngaahi sino fakaetangata kiate kinautolú?

4. Ko e hā na‘e kehe ‘i he fānau ‘a e kau ‘āngeló?

5. Hangē ko ia ‘oku lava ke ke sio ki ai ‘i he fakatātaá, ko e hā na‘e fai ‘e he fānau ‘a e kau ‘āngeló ‘i he‘enau hoko ko e kau saiānití?

6. ‘I he hili ‘a ‘Īnoké, ko hai ‘a e tangata lelei na‘e mo‘ui ‘i he māmaní, pea ko e hā na‘e sai‘ia ai ‘a e ‘Otuá ‘iate iá?

Ongo fehu‘i fakalahi:

1. Lau ‘a e Sēnesi 6:1-8.

   Ko e hā ‘oku fakahaa‘i ‘e he Sēnesi 6:6 fekau‘aki mo e founga ‘e lava ke kaunga ai ‘a hotau ‘ulungāangá ki he ngaahi ongo‘i ‘a Sihová? (Saame 78:40, 41; Pal. 27:11)

2. Lau ‘a e Sute 6.

   ‘Oku anga-fēfē ‘a e hoko ‘a e kau ‘āngelo ‘a ia “na‘e ‘ikai te nau tauhi ‘a e tu‘unga na‘e ‘onautolu” ‘i he ‘aho ‘o Noá ko ha fakamanatu kiate kitautolu he ‘aho ní? (1 Kol. 3:5-9; 2 Pita 2:4, 9, 10)

Talanoa 9

1. Ko e toko fiha na‘e ‘i he fāmili ‘o Noá, pea ko hai ‘a e hingoa ‘o hono ngaahi foha ‘e toko tolú?

2. Ko e hā ‘a e me‘a ngalikehe na‘e kole ‘e he ‘Otuá kia Noa ke ne faí, pea ko e hā hono ‘uhingá?

3. Na‘e anga-fēfē ‘a e tali ‘a e ngaahi kaungā‘api ‘o Noá ‘i he‘ene talanoa kiate kinautolu fekau‘aki mo e ‘a‘aké?

4. Ko e hā na‘e tala ‘e he ‘Otuá kia Noa ke ne fai ki he fanga manú?

5. Hili hono tāpuni‘i ‘e he ‘Otuá ‘a e matapā ‘o e ‘a‘aké, ko e hā na‘e pau ke fai ‘e Noa mo hono fāmilí?

Ngaahi fehu‘i fakalahi:

1. Lau ‘a e Sēnesi 6:9-22.

   1. (a) Ko e hā na‘á ne ‘ai ‘a Noa ke ne hoko ko e tokotaha lotu tu‘u-ki-mu‘a ‘a e ‘Otua mo‘oní? (Sēn. 6:9, 22)

   2. (e) ‘Oku anga-fēfē ‘a e ongo‘i ‘a Sihova fekau‘aki mo e fakamālohí, pea ‘oku totonu ke fēfē ‘a e kaunga ‘a e me‘á ni ki he‘etau fili ‘a e fakafiefiá? (Sēn. 6:11, 12; Saame 11:5)

   3. (f) ‘E lava fēfē ke tau fa‘ifa‘itaki kia Noa ‘i he taimi ‘oku tau ma‘u ai ‘a e tataki fakafou ‘i he kautaha ‘a Sihová? (Sēn. 6:22; 1 Sio. 5:3)

2. Lau ‘a e Sēnesi 7:1-9.

   ‘Oku anga-fēfē hono fakalototo‘a‘i kitautolu he ‘ahó ni ‘e he mo‘oni‘i me‘a ko ia ‘a e vakai mai ‘a Sihova na‘e mā‘oni‘oni ‘a e tangata ta‘ehaohaoa ko Noá? (Sēn. 7:1; Pal. 10:16; ‘Ai. 26:7)

Talanoa 10

1. Ko e hā na‘e ‘ikai lava ai ke hū ha taha ki he ‘a‘aké ‘i he taimi pē na‘e kamata ai ‘a e ‘uhá?

2. Na‘e ‘ai ‘e Sihova ke ‘uha ‘i he ‘aho ‘e fiha mo e pō ‘e fiha, pea ko e hā ‘a e loloto na‘e a‘u ki ai ‘a e vaí?

3. Ko e hā na‘e hoko ki he ‘a‘aké ‘i he kamata ke ‘ufi‘ufi ‘e he vaí ‘a e māmaní?

4. Na‘e hao ‘a e kau saiānití ‘i he Lōmakí, pea ko e hā na‘e hoko ki he ngaahi tamai ‘a e kau saiānití?

5. ‘I he hili ‘a e māhina ‘e nima ko e hā na‘e hoko ki he ‘a‘aké?

6. Ko e hā na‘e tuku atu ai ‘e Noa ha fo‘i lēveni mei he ‘a‘aké?

7. Na‘e anga-fēfē ‘a e ‘ilo‘i ‘e Noa kuo maha ‘a e vai ‘i he māmaní?

8. Ko e hā na‘e lea‘aki ‘e he ‘Otuá kia Noa hili ‘ene ‘i he ‘a‘aké mo hono fāmilí ‘o laka hake he ta‘u ‘e tahá?

Ngaahi fehu‘i fakalahi:

1. Lau ‘a e Sēnesi 7:10-24.

   1. (a) Na‘e kakato fēfē ‘a hono faka‘auha ‘o e mo‘ui ‘i he māmaní? (Sēn. 7:23)

   2. (e) Ko e hā hono fuoloa pea maha hifo ai ‘a e ngaahi vai ‘o e Lōmakí? (Sēn. 7:24)

2. Lau ‘a e Sēnesi 8:1-17.

   ‘Oku anga-fēfē hono fakahaa‘i ‘e he Sēnesi 8:17 ko e mu‘aki taumu‘a ‘a Sihova ki he māmaní na‘e ‘ikai ke liliu? (Sēn. 1:22)

3. Lau ‘a e 1 Pita 3:19, 20.

   1. (a) ‘I he taimi na‘e toe foki hake ai ‘a e kau ‘āngelo angatu‘ú ki hēvaní, ko e hā ‘a e fakamaau na‘a nau ma‘ú? (Sute 6)

   2. (e) ‘Oku anga-fēfē hono fakaivimālohi‘i ‘e he fakamatala kia Noa mo hono fāmilí ‘a ‘etau falala ki he malava ‘a Sihova ke fakahaofi ‘a hono kakaí? (2 Pita 2:9)

Talanoa 11

1. Hangē ko ia ‘oku fakahaa‘i ‘i he fakatātaá, ko e hā ‘a e me‘a na‘e ‘uluaki fai ‘e Noa ‘i he‘ene hū ki tu‘a mei he ‘a‘aké?

2. Ko e hā ‘a e fekau na‘e tala ‘e he ‘Otuá kia Noa mo hono fāmilí ‘i he hili ‘a e Lōmakí?

3. Ko e hā ‘a e tala‘ofa na‘e fai ‘e he ‘Otuá?

4. ‘I he taimi ‘oku tau sio ai ki ha ‘ūmata, ko e hā ‘oku totonu ke ne fakamanatu mai kiate kitautolú?

Ngaahi fehu‘i fakalahi:

1. Lau ‘a e Sēnesi 8:18-22.

   1. (a) ‘E lava fēfē ke tau ‘oatu he ‘ahó ni ha “ngangatu fakahoifua” kia Sihova? (Sēn. 8:21; Hep. 13:15, 16)

   2. (e) Ko e hā ‘a e fakamatala na‘e fai ‘e Sihova fekau‘aki mo e tu‘unga ‘o e loto ‘o e tangatá pea ko ia ai, ko e hā ‘a e tokanga ‘oku totonu ke tau faí? (Sēn. 8:21; Mt. 15:18, 19)

2. Lau ‘a e Sēnesi 9:9-17.

   1. (a) Ko e hā ‘a e fuakava na‘e fai ‘e Sihova mo e kotoa ‘o e ngaahi me‘a fakatupu ‘i he māmaní? (Sēn. 9:10, 11)

   2. (e) Ko e hā hono lōloa ‘o e kei ngāue ‘a e fuakava ‘ūmatá? (Sēn. 9:16)

Talanoa 12

1. Ko hai ‘a Nimilote, pea na‘e anga-fēfē ‘a e ongo‘i ‘a e ‘Otuá fekau‘aki mo iá?

2. ‘I he fakatātaá, ko e hā na‘e ngaohi piliki ai ‘a e kakaí?

3. Ko e hā na‘e ‘ikai ke fiefia ai ‘a Sihova ‘i he ngāue langá?

4. Na‘e anga-fēfē hono ‘ai ‘e he ‘Otuá ke tuku ‘a hono langa ‘o e tauá?

5. Ko e hā na‘e ui‘aki ‘a e koló, pea ko e hā ‘a e ‘uhinga ‘o e hingoa ko iá?

6. Ko e hā na‘e hoko ki he kakaí hili hono ‘ai ‘e he ‘Otuá ke maveuveu ‘enau ngaahi leá?

Ongo fehu‘i fakalahi:

1. Lau ‘a e Sēnesi 10:1, 8-10.

   Ko e hā ‘a e ngaahi ‘ulungāanga na‘e fakahāhā ‘e Nimiloté, pea ko e hā ‘a e fakatokanga ‘oku ‘omai ‘e he me‘á ni kiate kitautolú? (Pal. 3:31)

2. Lau ‘a e Sēnesi 11:1-9.

   Ko e hā ‘a e taumu‘a na‘e tu‘u mei mui ‘i hono langa ‘o e tauá, pea ko e hā na‘e pau ai ke ‘ikai lavame‘a ‘a e ngāué? (Sēn. 11:4; Pal. 16:18; Sione 5:44)

Talanoa 13

1. Ko e kakai fēfē na‘e nofo ‘i he kolo ko ‘Uá?

2. Ko hai ‘a e tangata ‘i he fakatātaá, na‘e fā‘ele‘i ia ‘anefē pea na‘á ne nofó ‘i fē?

3. Ko e hā na‘e tala ‘e he ‘Otuá kia ‘Ēpalahame ke ne faí?

4. Ko e hā na‘e ui ai ‘a ‘Ēpalahame ko e kaume‘a ‘o e ‘Otuá?

5. Ko hai na‘e ‘alu fakataha mo ‘Ēpalahame ‘i he‘ene mavahe mei ‘Uá?

6. Ko e hā na‘e tala ‘e he ‘Otuá kia ‘Ēpalahame ‘i he‘ene a‘u ki he fonua ko Kēnaní?

7. Ko e hā ‘a e tala‘ofa na‘e fai ‘e he ‘Otuá kia ‘Ēpalahame ‘i he‘ene ta‘u 99?

Ngaahi fehu‘i fakalahi:

1. Lau ‘a e Sēnesi 11:27-32.

   1. (a) Ko e hā ‘a e fekāinga‘aki ‘o ‘Ēpalahame mo Loté? (Sēn. 11:27)

   2. (e) Neongo na‘e tuku kia Tela ‘a e lāngilangi ‘o e hiki mo hono fāmilí ki Kēnaní, ‘oku anga-fēfē ‘etau ‘ilo‘i ko ‘Ēpalahame mo‘oni ia na‘á ne kamata ‘a e hiki ko ení, pea ko e hā na‘á ne fai pehē aí? (Sēn. 11:31; Ng. 7:2-4)

2. Lau ‘a e Sēnesi 12:1-7.

   Ko e hā ‘a e fakalahi ‘o e fuakava ‘ia ‘Ēpalahamé na‘e fai ‘e Sihova hili ‘a e a‘u ‘a ‘Ēpalahame ki he fonua ko Kēnaní? (Sēn. 12:7)

3. Lau ‘a e Sēnesi 17:1-8, 15-17.

   1. (a) Ko e hā ‘a e liliu ‘i he hingoá na‘e ma‘u ‘e ‘Epalame ‘i he‘ene ta‘u 99 pea ko e hā hono ‘uhingá? (Sēn. 17:5)

   2. (e) Ko e hā ‘a e ngaahi tāpuaki ‘i he kaha‘ú na‘e tala‘ofa ‘e Sihova kia Selá? (Sēn. 17:15, 16)

4. Lau ‘a e Sēnesi 18:9-19.

   1. (a) ‘I he Sēnesi 18:19, ko e hā ‘a e ngaahi fatongia ‘oku fokotu‘u mai ai ki he ngaahi tamaí? (Teu. 6:6, 7; ‘Ef. 6:4)

   2. (e) Ko e hā ‘a e me‘a na‘e hoko kia Sela ‘oku fakahaa‘i ai he‘ikai lava ke tau fufū ha me‘a meia Sihova? (Sēn. 18:12, 15; Sāme 44:21)

Talanoa 14

1. Ko e hā ‘a e tala‘ofa na‘e fai ‘e he ‘Otuá kia ‘Ēpalahamé, pea na‘e anga-fēfē ‘a e fai ‘a e ‘Otuá ki he‘ene tala‘ofá?

2. Hangē ko ia ‘oku fakahaa‘i ‘i he fakatātaá, na‘e anga-fēfē hono ‘ahi‘ahi‘i ‘e he ‘Otuá ‘a e tui ‘a ‘Ēpalahamé?

3. Ko e hā na‘e fai ‘e ‘Ēpalahamé, neongo na‘e ‘ikai te ne mahino‘i ‘a e ‘uhinga ‘o e fekau ‘a e ‘Otuá?

4. Ko e hā na‘e hoko ‘i he taimi na‘e to‘o hake ai ‘e ‘Ēpalahame ‘a e helé ke tāmate‘i ‘a hono fohá?

5. Na‘e mālohi fēfē ‘a e tui ‘a ‘Ēpalahame ki he ‘Otuá?

6. Ko e hā na‘e tokonaki mai ‘e he ‘Otuá ma‘a ‘Ēpalahame ke fai‘aki ‘a e feilaulaú, pea na‘e anga-fēfē?

Ongo fehu‘i fakalahi:

1. Lau ‘a e Sēnesi 21:1-7.

   Ko e hā na‘e kamu ai ‘e ‘Ēpalahame ‘a hono fohá ‘i he ‘aho hono valú? (Sēn. 17:10-12; 21:4)

2. Lau ‘a e Sēnesi 22:1-18.

   Na‘e anga-fēfē hono fakahaa‘i ‘e ‘Aisake ‘a e fakamo‘ulaloa ki he‘ene tamaí, ‘a ‘Ēpalahame, pea na‘e anga-fēfē hono tomu‘a fakatātaa‘i ‘e he me‘á ni ha me‘a mahu‘inga lahi ange ‘e hoko ‘i he kaha‘ú? (Sēn. 22:7-9; 1 Kol. 5:7; Fili. 2:8, 9)

Talanoa 15

1. Ko e hā na‘e mavaeua ai ‘a ‘Ēpalahame mo Loté?

2. Ko e hā na‘e fili ai ‘a Lote ke nofo ‘i Sōtomá?

3. Na‘e fēfē ‘a e kakai ‘o Sōtomá?

4. Ko e hā ‘a e fakatokanga na‘e tala ‘e he ongo ‘āngeló kia Loté?

5. Ko e hā na‘e hoko ai ‘a e uaifi ‘o Loté ko ha fu‘u pou māsimá?

6. Ko e hā ‘a e lēsoni ‘e lava ke tau ako mei he me‘a fekau‘aki mo e uaifi ‘o Loté?

Ngaahi fehu‘i fakalahi:

1. Lau ‘a e Sēnesi 13:5-13.

   ‘I he fekau‘aki mo hono fakalelei‘i ‘a e ngaahi palopalema ‘i he vaha‘a ‘o e fa‘ahinga tāutahá, ko e hā ‘a e lēsoni ‘e lava ke tau ako meia ‘Ēpalahamé? (Sēn. 13:8, 9; Loma 12:10; Fili. 2:3, 4)

2. Lau ‘a e Sēnesi 18:20-33.

   ‘Oku anga-fēfē hono ‘omai kia kitautolu ‘e he ngaahi feangainga ‘a Sihova mo ‘Ēpalahamé ‘a e loto-falala ‘e fai fakamaau ‘a Sihova mo Sīsū ‘i he mā‘oni‘oní? (Sēn. 18:25, 26; Mt. 25:31-33)

3. Lau ‘a e Sēnesi 19:1-29.

   1. (a) Ko e hā ‘oku fakahaa‘i ‘e he fakamatala Tohitapu ko ení fekau‘aki mo e vakai mai ‘a e ‘Otuá ki he faka-Sōtomá? (Sēn. 19:5, 13; Liv. 20:13)

   2. (e) Ko e hā ‘a e faikehekehe ‘oku tau ma‘u ‘i he ngaahi founga ‘o e tali ‘e Lote mo ‘Ēpalahame ‘a e tataki ‘a e ‘Otuá, pea ko e hā ‘oku lava ke tau ako mei hení? (Sēn. 19:15, 16, 19, 20; 22:3)

4. Lau ‘a e Luke 17:28-32.

   Ko e hā ‘a e fakakaukauloto na‘e ma‘u ‘e he uaifi ‘o Loté ki he ngaahi me‘a fakamatelié, pea ‘oku anga-fēfē ‘a e hoko eni ko ha fakatokanga kiate kitautolú? (Luke 12:15; 17:31, 32; Mt. 6:19-21, 25)

5. Lau ‘a e 2 Pita 2:6-8.

   ‘I he fa‘ifa‘itaki kia Loté, ko e hā ‘oku totonu ke hoko ko ‘etau fakakaukau ia ki he māmani ta‘efaka‘otua takatakai ‘ia kitautolú? (‘Isi. 9:4; 1 Sione 2:15-17)

Talanoa 16

1. Ko hai ‘a e tangata mo e fefine ‘i he fakatātaá?

2. Ko e hā na‘e fai ‘e ‘Ēpalahame ke ma‘u ai ha uaifi ma‘a hono fohá, pea ko e hā hono ‘uhingá?

3. Na‘e anga-fēfē hono tali ‘a e lotu ‘a e sevāniti ‘a ‘Ēpalahamé?

4. Ko e hā ‘a e tali na‘e fai ‘e Lepeka ‘i he taimi na‘e ‘eke ange ai pe ‘okú ne loto ke mali mo ‘Aisaké?

5. Ko e hā na‘á ne ‘ai ke toe fiefia ‘a ‘Aisaké?

Ngaahi fehu‘i fakalahi:

1. Lau ‘a e Sēnesi 24:1-67.

   1. (a) Ko e hā ‘a e ngaahi ‘ulungāanga lelei na‘e fakahāhā ‘e Lepeka ‘i he taimi na‘á ne fetaulaki ai mo e sevāniti ‘a ‘Ēpalahamé ‘i he vaitupú? (Sēn. 24:17-20; Pal. 31:17, 31)

   2. (e) Ko e hā ‘a e fa‘ifa‘itaki‘anga lelei ‘oku ‘omai ki he kau Kalisitiane he ‘aho ní ‘i he fokotu‘utu‘u ‘a ‘Ēpalahame kia ‘Aisaké? (Sēn. 24:37, 38; 1 Kol. 7:39; 2 Kol. 6:14)

   3. (f) Ko e hā ‘oku totonu ai ke tau kumi ‘a e taimi ki he fakalaulaulotó, ‘o hangē ko ia na‘e fai ‘e ‘Aisaké? (Sēn. 24:63; Sāme 77:12; Fili. 4:8)

Talanoa 17

1. Ko hai ‘a ‘Īsoa mo Sēkope, pea na‘e anga-fēfē ‘a ‘ena kehekehé?

2. Na‘e ta‘u fiha ‘a ‘Īsoa mo Sēkope ‘i he taimi na‘e mate ai ‘a ‘ena kui-tangata ko ‘Ēpalahamé?

3. Ko e hā na‘e fai ‘e ‘Īsoa ‘o fu‘u loto-mamahi ai ‘a ‘ene fa‘eé mo ‘ene tamaí?

4. Ko e hā na‘e hoko ai ‘a ‘Īsoa ‘o ‘ita lahi ‘aupito ki hono tokoua ko Sēkopé?

5. Ko e hā ‘a e fakahinohino na‘e fai ‘e ‘Aisake ki hono foha ko Sēkopé?

Ngaahi fehu‘i fakalahi:

1. Lau ‘a e Sēnesi 25:5-11, 20-34.

   1. (a) Ko e hā na‘e kikite‘i ‘e Sihova fekau‘aki mo e ongo foha ‘o Lepeká? (Sēn. 25:23)

   2. (e) Ko e hā ‘a e kehekehe ‘i he vaha‘a ‘o e fakakaukau ‘a Sēkope mo ‘Īsoa ki he totonu ‘a e ‘uluaki fohá? (Sēn. 25:31-34)

2. Lau ‘a e Sēnesi 26:34, 35; 27:1-46; mo e 28:1-5.

   1. (a) Na‘e hā mahino fēfē ‘a e ‘ikai hounga‘ia ‘a ‘Īsoa ki he ngaahi me‘a fakalaumālié? (Sēn. 26:34, 35; 27:46)

   2. (e) Koe‘uhi ke ma‘u ‘e Sēkope ‘a e tāpuaki ‘a e ‘Otuá, ko e hā na‘e tala ange ‘e ‘Aisake ke ne faí? (Sēn. 28:1-4)

3. Lau ‘a e Hepelū 12:16, 17.

   Ko e hā ‘oku fakahāhā ‘i he me‘a fekau‘aki mo ‘Īsoá ‘o kau ki he iku‘anga ‘o e fa‘ahinga ‘oku nau ta‘etoka‘i ‘a e ngaahi me‘a toputapú?

Talanoa 18

1. Ko hai ‘a e finemui ‘i he fakatātaá, pea ko e hā na‘e fai ‘e Sēkope ma‘aná?

2. Ko e hā na‘e loto-lelei ‘a Sēkope ke fai koe‘uhi ka ne mali mo Lesielí?

3. Ko e hā na‘e fai ‘e Lēpani ‘i he hoko mai ‘a e taimi ke mali ai ‘a Sēkope mo Lesielí?

4. Ko e hā na‘e loto-lelei ‘a Sēkope ke fai ke ma‘u ai ‘a Lesieli ko hono uaifí?

Ngaahi fehu‘i fakalahi:

1. Lau ‘a e Sēnesi 29:1-30.

   1. (a) Na‘a mo e taimi na‘e kākaa‘i ai ia ‘e Lēpaní, na‘e anga-fēfē hono fakahaa‘i ‘e Sēkope ‘okú ne anga-faka‘apa‘apá, pea ko e hā ‘e lava ke tau ako mei hení? (Sēn. 25:27; 29:26-28; Mt. 5:37)

   2. (e) ‘Oku anga-fēfē hono fakahaa‘i ‘i he fa‘ifa‘itaki‘anga ‘a Sēkopé ‘a e faikehekehe ‘i he vaha‘a ‘o e ‘ofá mo e ‘āvangā? (Sēn. 29:18, 20, 30; Hiva. 8:6)

   3. (f) Ko hai ‘a e kau fefine ‘e toko fā na‘a nau hoko ko e konga ‘o e fāmili ‘o Sēkopé pea nau fanau‘i ki mui kiate ia ‘a e ngaahi fohá? (Sēn. 29:23, 24, 28, 29)

Talanoa 19

1. Ko hai ‘a e ngaahi hingoa ‘o e foha ‘e toko ono ‘o Sēkope na‘e ma‘u ‘i hono ‘uluaki uaifi ko Liá?

2. Ko hai ‘a e foha ‘e toko ua na‘e fā‘ele‘i ‘e he kaunanga ‘a Lia ko Silipá kia Sēkopé?

3. Ko hai ‘a e hingoa ‘o e foha ‘e toko ua na‘e fā‘ele‘i ‘e he kaunanga ‘a Lesieli ko Pilaá kia Sēkopé?

4. Ko hai ‘a e foha ‘e toko ua na‘e fā‘ele‘i ‘e Lesielí, ka ko e hā na‘e hoko ‘i he taimi na‘e fā‘ele‘i ai ‘a e foha hono uá?

5. Fakatatau ki he fakatātaá, ko e foha ‘e toko fiha na‘e ma‘u ‘e Sēkopé, pea ko e hā na‘e tupu meiate kinautolú?

Ongo fehu‘i fakalahi:

1. Lau ‘a e Sēnesi 29:32-35; 30:1-26; mo e 35:16-19.

   Hangē ko ia na‘e fakahaa‘i ‘i he tu‘unga ‘o e foha ‘e toko 12 ‘o Sēkopé, na‘e anga-fēfē hono fa‘a fakahingoa ‘a e tamaiki tangata Hepeluú ‘i he kuonga mu‘á?

2. Lau ‘a e Sēnesi 37:35.

   Neongo ko Taina pē ‘oku ‘asi hono hingoá ‘i he Tohitapú, ‘oku anga-fēfē ‘etau ‘ilo‘i na‘e ma‘u ‘e Sēkope ‘a e ‘ofefine tokolahi ange he toko tahá? (Sēn. 37:34, 35)

Talanoa 20

1. Ko e hā na‘e ‘ikai fiema‘u ai ‘e ‘Ēpalahame mo ‘Aisake ke mali ‘ena fānaú mo e kakai mei he fonua ko Kēnaní?

2. Na‘e loto ‘a Sēkope ki he kaungāme‘a ‘a hono ‘ofefiné mo e tamaiki fefine Kēnaní?

3. Ko hai ‘a e tangata ‘oku sio kia Taina ‘i he fakatātaá, pea ko e hā ‘a e me‘a kovi na‘á ne faí?

4. Ko e hā na‘e fai ‘e he ongo tuonga‘ane ‘o Taina ko Simione mo Līvaí ‘i he‘ena fanongo ki he me‘a na‘e hokó?

5. Na‘e loto-tatau ‘a Sēkope mo e me‘a na‘e fai ‘e Simione mo Līvaí?

6. Na‘e kamata fēfē ‘a e faingata‘a kotoa ‘i he fāmilí?

Ngaahi fehu‘i fakalahi:

1. Lau ‘a e Sēnesi 34:1-31.

   1. (a) Ko e feohi ‘a Taina mo e ngaahi ‘ofefine ‘o e fonua ko Kēnaní na‘e hoko tu‘o taha pē ia? Fakamatala‘i. (Sēn. 34:1, NW)

   2. (e) Ko e hā na‘e tukuaki‘i ai ‘a Taina ki he mole ‘a hono tu‘unga tāupo‘oú? (Kal. 6:7)

   3. (f) ‘E lava fēfē ke fakahaa‘i ‘e he to‘utupu he ‘aho ní ‘oku nau tokanga ki he fakatātā fakatokanga fekau‘aki mo Tainá? (Pal. 13:20; 1 Kol. 15:33; 1 Sione 5:19)

Talanoa 21

1. Ko e hā na‘e meheka ai ‘a e ngaahi tokoua ‘o Siosifá kiate iá, pea ko e hā na‘a nau faí?

2. Ko e hā na‘e fiema‘u ‘e he ngaahi tokoua ‘o Siosifá ke fai kiate iá, ka ko e hā na‘e tala ange ‘e Lūpení?

3. Ko e hā na‘e hokó ‘i he taimi na‘e ha‘u ai ‘a e kau fefakatau‘aki ‘Isime‘elí?

4. Ko e hā na‘e fai ‘e he ngaahi tokoua ‘o Siosifá ke ‘ai ‘enau tamaí ke ne fakakaukau kuo mate ‘a Siosifá?

Ngaahi fehu‘i fakalahi:

1. Lau ‘a e Sēnesi 37:1-35.

   1. (a) ‘E lava fēfē ke fa‘ifa‘itaki ‘a e kau Kalisitiané ki he fa‘ifa‘itaki‘anga ‘a Siosifá ‘aki hono līpooti ha faihala ‘i he fakataha‘angá? (Sēn. 37:2; Liv. 5:1; 1 Kol. 1:11)

   2. (e) Ko e hā na‘e tataki atu ki hono lavaki‘i ‘o Siosifa ‘e hono ngaahi tokouá? (Sēn. 37:11, 18; Pal. 27:4; Sēm. 3:14-16)

   3. (f) Ko e hā ‘a e me‘a na‘e fai ‘e Sēkope ko ha konga anga-maheni ia ‘o e mamahí? (Sēn. 37:35)

Talanoa 22

1. Na‘e ta‘u fiha ‘a Siosifa ‘i hono ‘ave ia ki ‘Isipité, pea ko e hā na‘e hoko ‘i he‘ene a‘u ki aí?

2. Na‘e anga-fēfē ‘a e iku ‘a Siosifa ki he pilīsoné?

3. Ko e hā ‘a e fatongia na‘e ‘oange kia Siosifa ‘i he pilīsoné?

4. Ko e hā na‘e fai ‘e Siosifa ‘i he pilīsoné ma‘á e tangata tauhi ipu mo e tangata ta‘o mā ‘a Feló?

5. Ko e hā na‘e hokó ‘i he hili hono tuku ange ‘a e tangata tauhi ipú mei he pilīsoné?

Ngaahi fehu‘i fakalahi:

1. Lau ‘a e Sēnesi 39:1-23.

   Koe‘uhi na‘e ‘ikai ha lao na‘e hiki mei he ‘Otuá na‘e fakahalaia‘i ai ‘a e tonó ‘i he ‘aho ‘o Siosifá, ko e hā na‘á ne ue‘i ia ke ne hola mei he uaifi ‘o Pōtifá? (Sēn. 2:24; 20:3; 39:9)

2. Lau ‘a e Sēnesi 40:1-23.

   1. (a) Fakamatala‘i nounou ‘a e misi ‘a e tangata tauhi ipú pea mo e faka‘uhinga na‘e ‘oange ‘e Sihova kia Siosifá. (Sēn. 40:9-13)

   2. (e) Ko e hā ‘a e misi ‘a e tangata ta‘o maá, pea ko e hā hono ‘uhingá? (Sēn. 40:16-19)

   3. (f) ‘Oku anga-fēfē ‘a e fa‘ifa‘itaki ‘a e kalasi tamaio‘eiki anga-tonu mo potó ‘i he ‘ahó ni ki he fakakaukau ‘a Siosifá? (Sēn. 40:8; Sāme 36:9; Sione 17:17; Ng. 17:2, 3)

   4. (h) ‘Oku anga-fēfē ‘a e fakamaama ‘e he Sēnesi 40:20 ‘a e vakai ‘a e Kalisitiané ki he ngaahi kātoanga fai‘ahó? (Koh. 7:1; Mk. 6:21-28)

Talanoa 23

1. Ko e hā na‘e hoko kia Felo ‘i he pō ‘e taha?

2. Ko e hā na‘e faifai ai pea toki manatu‘i ‘e he tangata tauhi ipú ‘a Siosifá?

3. Hangē ko ia ‘oku hā ‘i he fakatātaá, ko e hā ‘a e ongo misi ‘a Feló?

4. Ko e hā na‘e tala ange ‘e Siosifa ko e ‘uhinga ia ‘o e misí?

5. Na‘e anga-fēfē ‘a e hoko ‘a Siosifa ko e tangata mahu‘inga taha ia ‘i ‘Isipite ‘o hoko hake kia Feló?

6. Ko e hā na‘e ‘alu ai ki ‘Isipite ‘a e ngaahi tokoua ‘o Siosifá, pea ko e hā na‘e ‘ikai te nau ‘ilo‘i ai iá?

7. Ko e hā ‘a e misi na‘e manatu‘i ‘e Siosifá, pea ko e hā na‘á ne tokoni‘i ia ke ne mahino‘í?

Ngaahi fehu‘i fakalahi:

1. Lau ‘a e Sēnesi 41:1-57.

   1. (a) Na‘e anga-fēfē hono tataki ‘e Siosifa ‘a e tokangá kia Sihová, pea ‘i he founga fē ‘e lava ai ki he kau Kalisitiane he ‘aho ní ke nau fa‘ifa‘itaki ki he‘ene fa‘ifa‘itaki‘angá? (Sēn. 41:16, 25, 28; Mt. 5:16; 1 Pita 2:12)

   2. (e) Na‘e anga-fēfē hono fakafaikehekehe‘i totonu ‘e he ngaahi ta‘u mahu ‘o hoko atu ai ‘a e ngaahi ta‘u honge ‘i ‘Isipité ‘a e tu‘unga fakalaumālie ‘o e kakai ‘a Sihova he ‘aho ní mo e kakai ko ia ‘o e Pule‘anga-Ha‘a-Kalisitiané? (Sēn. 41:29, 30; Emosi 8:11, 12)

2. Lau ‘a e Sēnesi 42:1-8 mo e 50:20.

   ‘Oku hala ke punou ‘a e kau lotu ‘a Sihová ki ha tangata ‘i hono fakalāngilangi‘i mo faka‘apa‘apa‘i ‘a hono tu‘ungá kapau ko e tō‘onga ia ‘a e fonuá? (Sēn. 42:6)

Talanoa 24

1. Ko e hā na‘e tukuaki‘i ai ‘e Siosifa ‘a hono ngaahi tokouá ko e kau sipaí?

2. Ko e hā na‘e tuku atu ai ‘e Sēkope ‘a hono foha si‘isi‘i taha ko Penisimaní ke ne ‘alu ki ‘Isipité?

3. Na‘e anga-fēfē ‘a e ‘i he tangai ‘a Penisimaní ‘a e ipu siliva ‘a Siosifá?

4. Ko e hā na‘e me‘a‘ofa ‘aki ‘e Siuta ke ne fai ke tuku ange ai ‘a Penisimaní?

5. Kuo anga-fēfē ‘a e liliu ‘a e ngaahi tokoua ‘o Siosifá?

Ngaahi fehu‘i fakalahi:

1. Lau ‘a e Sēnesi 42:9-38.

   Kuo anga-fēfē ‘a e hoko ‘a e fakamatala ‘a Siosifa ‘i he Sēnesi 42:18 ko ha fakamanatu lelei ia ki he fa‘ahinga ‘oku ‘i ai honau fatongia ‘i he kautaha ‘a Sihová he ‘aho ní? (Nehe. 5:15; 2 Kol. 6:19-7:1 [2Ko 7:1, 2, PM])

2. Lau ‘a e Sēnesi 43:1-34.

   1. (a) Neongo ko Lūpeni ‘a e ‘uluaki fohá, ‘oku anga-fēfē ‘ene hā mahino na‘e hoko ‘a Siuta ko e tokotaha-lea ia ma‘a hono ngaahi tokouá? (Sēn. 43:3, 8, 9; 44:14, 18; 1 Kal. 5:2)

   2. (e) Na‘e anga-fēfē ‘a e hā mahino hono ‘ahi‘ahi‘i ‘e Siosifa ‘a hono ngaahi tokouá, pea ko e hā hono ‘uhingá? (Sēn. 43:33, 34)

3. Lau ‘a e Sēnesi 44:1-34.

   1. (a) ‘I he konga ‘o e fa‘ufa‘u ke fūfuu‘i ia mei hono ngaahi tokouá, na‘e anga-fēfē hono fakahaa‘i ia ‘e Siosifá? (Sēn. 44:5, 15; Liv. 19:26)

   2. (e) Na‘e anga-fēfē hono fakahāhā ‘e he ngaahi tokoua ‘o Siosifá na‘e mole atu he taimi ko ‘ení ‘a honau laumālie meheka na‘e ma‘u ki mu‘a ki honau tokouá? (Sēn. 44:13, 33, 34)

Talanoa 25

1. Ko e hā na‘e hokó ‘i hono tala ange ‘e Siosifa ki hono ngaahi tokouá ko hai iá?

2. Ko e hā na‘e fakamatala‘i anga-‘ofa ‘e Siosifa ki hono ngaahi tokouá?

3. Ko e hā na‘e lea‘aki ‘e Felo ‘i he‘ene fanongo fekau‘aki mo e ngaahi tokoua ‘o Siosifá?

4. Na‘e tokolahi fēfē ‘a e fāmili ‘o Sēkopé ‘i he‘enau hiki ki ‘Isipité?

5. Ko e hā na‘e hoko ‘o ui‘aki ‘a e fāmili ‘o Sēkopé, pea ko e hā hono ‘uhingá?

Ongo fehu‘i fakalahi:

1. Lau ‘a e Sēnesi 45:1-28.

   ‘Oku anga-fēfē hono fakahaa‘i ‘i he fakamatala Tohitapu fekau‘aki mo Siosifá ‘e lava ‘e Sihova ke ne liliu ‘a e me‘a ‘oku fakataumu‘a ke fakatupu maumau ki he‘ene kau sevānití ki ha ola leleí? (Sēn. 45:5-8; ‘Ai. 8:10; Fili. 1:12-14)

2. Lau ‘a e Sēnesi 46:1-27.

   Ko e hā ‘a e fakafiemālie na‘e fai ‘e Sihova kia Sēkope ‘i he‘ene fononga ki ‘Isipité? (Sēn. 46:1-4, NW, lalo.)

Talanoa 26

1. Ko hai ‘a Siope?

2. Ko e hā na‘e feinga ‘a Sētane ke faí, ka na‘á ne lavame‘a?

3. Ko e hā na‘e fakangofua ‘e Sihova ‘a Sētane ke ne faí, pea ko e hā hono ‘uhingá?

4. Ko e hā na‘e tala ange ai ‘e he uaifi ‘o Siopé kiate ia ke ne ‘lau kovi ki he ‘Otuá ka ne maté’? (Sio ki he fakatātaá.)

5. Hangē ko ia ‘oku lava ke ke sio ki ai ‘i he fakatātā hono uá, na‘e anga-fēfē hono tāpuaki‘i ‘e Sihova ‘a Siopé pea ko e hā hono ‘uhingá?

6. Kapau ‘oku tau hangē ko Siopé ‘o angatonu kia Sihova, ko e hā ‘a e ngaahi tāpuaki te tau ma‘ú?

Ngaahi fehu‘i fakalahi:

1. Lau ‘a e Siope 1:1-22.

   ‘E lava fēfē ke fa‘ifa‘itaki kia Siope ‘a e kau Kalisitiane he ‘aho ní? (Siope 1:1; Fili. 2:15; 2 Pita 3:14)

2. Lau ‘a e Siope 2:1-13.

   ‘I he ongo founga faikehekehe fē na‘e tali‘aki ‘e Siope pea mo hono uaifí ki he fakatanga ‘a Sētané? (Siope 2:9, 10; Pal. 19:3; Mai. 7:7; Mal. 3:14)

3. Lau ‘a e Siope 42:10-17.

   1. (a) Ko e hā ‘a e ngaahi faitatau ‘i he vaha‘a ‘o e pale na‘e ma‘u ‘e Siopé mo ia na‘e ma‘u ‘e Sīsū ‘i ha ‘alunga mo‘ui angatonú? (Siope 42:12; Fili. 2:9-11)

   2. (e) ‘Oku anga-fēfē hono fakalototo‘a‘i kitautolu ‘e he ngaahi tāpuaki na‘e ma‘u ‘e Siope ‘i hono tauhi ma‘u ‘a ‘ene angatonu ki he ‘Otuá? (Siope 42:10, 12; Hep. 6:10; Sēm. 1:2-4, 12; 5:11)

Talanoa 27

1. ‘I he fakatātaá, ko hai ‘a e tangata mo e uipí pea ko hai ‘okú ne taá?

2. Hili ‘a e mate ‘a Siosifá, ko e hā na‘e hoko ki he kau ‘Isilelí?

3. Ko e hā na‘e hoko ai ‘o ilifia ‘a e kau ‘Isipité ki he kau ‘Isilelí?

4. Ko e hā ‘a e fekau na‘e fai ‘e Felo ki he ongo fefine na‘á na tokoni ki he kakai fefine ‘Isilelí ‘i he‘enau fā‘ele‘i ‘enau fānaú?

Ngaahi fehu‘i fakalahi:

1. Lau ‘a e ‘Ekisoto 1:6-22.

   1. (a) ‘I he founga fē na‘e kamata ke fakahoko ai ‘e Sihova ‘a ‘ene tala‘ofa kia ‘Ēpalahamé? (‘Eki. 1:7; Sēn. 12:2; Ng. 7:17)

   2. (e) Na‘e anga-fēfē ‘a e fakahaa‘i ‘e he ongo mā‘uli Hepeluú ‘ena ‘apasia ki he tu‘unga toputapu ‘o e mo‘uí? (‘Eki. 1:17; Sēn. 9:6)

   3. (f) Na‘e anga-fēfē ‘a hono fakapale‘i ‘a e ongo mā‘ulí ‘i he‘ena angatonu kia Sihová? (‘Eki. 1:20, 21; Pal. 19:17)

   4. (h) Na‘e anga-fēfē ‘a e feinga ‘a Sētane ke mio‘i ‘a e taumu‘a ‘a Sihova fekau‘aki mo e Hako na‘e tala‘ofa ‘o ‘Ēpalahamé? (‘Eki. 1:22; Mt. 2:16)

Talanoa 28

1. Ko hai ‘a e ki‘i pēpē ‘i he fakatātaá, pea ko e tuhu ‘o hai ‘okú ne piki ki aí?

2. Ko e hā na‘e fai ‘e he fa‘ē ‘a Mōsesé ke fakahaofi ia mei hano tāmate‘í?

3. Ko hai ‘a e ki‘i ta‘ahine ‘i he fakatātaá, pea ko e hā na‘á ne faí?

4. ‘I he taimi na‘e ‘ilo ai ‘e he ‘ofefine ‘o Feló ‘a e ki‘i pēpeé, ko e hā na‘e fokotu‘u ange ‘e Meliamé?

5. Ko e hā na‘e tala ange ‘e he pilinisesí ki he fa‘ē ‘a Mōsesé?

Fehu‘i fakalahi:

1. Lau ‘a e ‘Ekisoto 2:1-10.

   Ko e hā ‘a e faingamālie na‘e ma‘u ‘e he fa‘ē ‘a Mōsesé ke ako‘i mo hīnoi‘i ai ‘a Mōsese lolotonga ‘ene kei valevalé, pea ko e hā ‘a e fa‘ifa‘itaki‘anga ‘oku ‘omai ‘e he me‘á ni ki he ngaahi mātu‘a he ‘aho ní? (‘Eki. 2:9, 10; Teu. 6:6-9; Pal. 22:6; ‘Ef. 6:4; 2 Tīm. 3:15)

Talanoa 29

1. Na‘e tupu hake ‘a Mōsesé ‘i fē, ka ko e hā na‘á ne ‘ilo fekau‘aki mo ‘ene ongo mātu‘á?

2. Ko e hā na‘e fai ‘e Mōsese ‘i he‘ene ta‘u 40?

3. Ko e hā na‘e lea‘aki ‘e Mōsese ki ha tangata ‘Isileli ‘a ia na‘e fuhu, pea ko e hā ‘a e tali na‘e fai ‘e he tangatá?

4. Ko e hā na‘e hola ai ‘a Mōsese mei ‘Isipité?

5. Na‘e hola ‘a Mōsesé ki fē, pea ko hai na‘á ne fe‘iloaki mo ia ‘i aí?

6. Ko e hā na‘e fai ‘e Mōsese lolotonga ‘a e ta‘u ‘e 40 hili ‘ene hola mei ‘Isipité?

Ongo fehu‘i fakalahi:

1. Lau ‘a e ‘Ekisoto 2:11-25.

   Neongo ‘a e ngaahi ta‘u ‘o e ako ‘i he poto ‘o e kau ‘Isipité, na‘e anga-fēfē hono fakahaa‘i ‘e Mōsese ‘a ‘ene mateaki kia Sihova mo hono kakaí? (‘Eki. 2:11, 12; Hep. 11:24)

2. Lau ‘a e Ngāue 7:22-29.

   Ko e hā ‘a e lēsoni ‘e lava ke tau ako mei he feinga ‘a Mōsese ‘iate ia pē ke ne fakahaofi ‘a ‘Isileli mei he nofo pōpula ‘i ‘Isipité? (Ng. 7:23-25; 1 Pita 5:6, 10)

Talanoa 30

1. Ko e hā ‘a e hingoa ‘o e mo‘unga ‘i he fakatātaá?

2. Fakamatala‘i ‘a e me‘a ngali kehe na‘e sio ki ai ‘a Mōsese ‘i he‘ene ‘alu ki he mo‘ungá mo ‘ene fanga sipí.

3. Ko e hā na‘e lea‘aki ‘e ha le‘o mei he loto ‘akau na‘e uló, pea ko e le‘ó ‘o hai?

4. Na‘e anga-fēfē ‘a e tali ‘a Mōsesé ‘i hono tala ange ‘e he ‘Otuá kiate ia te ne tataki ‘a e kakai ‘a e ‘Otuá ki tu‘a mei ‘Isipité?

5. Ko e hā na‘e tala ange ‘e he ‘Otuá kia Mōsese ke ne lea‘aki kapau ‘e ‘eke ‘e he kakaí pe ko hai na‘á ne fekau mai iá?

6. Na‘e anga-fēfē ‘a e malava ke fakamo‘oni‘i ‘e Mōsese ko e ‘Otuá na‘á ne fekau mai iá?

Ngaahi fehu‘i fakalahi:

1. Lau ‘a e ‘Ekisoto 3:1-22.

   ‘Oku anga-fēfē hono ‘omai kiate kitautolu ‘e he me‘a na‘e hoko kia Mōsesé ‘a e loto-falala neongo kapau ‘oku tau ongo‘i ta‘etaau ke fakahoko ha ngāue fakateokalati, ‘e tokoni‘i kitautolu ‘e Sihova? (‘Eki. 3:11, 13; 2 Kol. 3:5, 6)

2. Lau ‘a e ‘Ekisoto 4:1-20.

   1. (a) Ko e hā ‘a e liliu ‘i he fakakaukau ‘a Mōsesé na‘e hoko lolotonga ‘a e ta‘u ‘e 40 na‘á ne fakamoleki ‘i Mitianí, pea ko e hā ‘a e lēsoni ‘e lava ke ako mei he me‘á ni ‘e he fa‘ahinga ‘oku nau kakapa atu ki he ngaahi monū ‘i he fakataha‘angá? (‘Eki. 2:11, 12; 4:10, 13; Mai. 6:8; 1 Tīm. 3:1, 6, 10)

   2. (e) Neongo kapau ‘oku akonaki‘i kitautolu ‘e Sihova fakafou ‘i he‘ene kautahá, ko e hā ‘a e loto-falala ‘e lava ke ‘omai kiate kitautolu ‘i he fa‘ifa‘itaki‘anga ‘a Mōsesé? (‘Eki. 4:12-14; Sāme 103:14; Hep. 12:4-11)

Talanoa 31

1. Ko e hā ‘a e ola na‘e hoko ki he kau ‘Isilelí ‘i he ngaahi mana na‘e fakahoko ‘e Mōsese mo ‘Ēloné?

2. Ko e hā na‘e tala ‘e Mōsese mo ‘Ēlone kia Feló, pea koe hā ‘a e tali ‘a Feló?

3. Hangē ko ia ‘oku fakahaa‘i ‘i he fakatātaá, ko e hā na‘e hoko ‘i hono lī ki lalo ‘e ‘Ēlone ‘a hono tokotokó?

4. Na‘e anga-fēfē hono ako‘i ‘e Sihova ha lēsoni kia Feló, pea na‘e anga-fēfē ‘a e tali ‘a Feló?

5. Ko e hā na‘e hoko hili ‘a e mala hono hongofulú?

Ngaahi fehu‘i fakalahi:

1. Lau ‘a e ‘Ekisoto 4:27-31 mo e 5:1-23.

   Ko e hā na‘e ‘uhinga ki ai ‘a Felo ‘i he‘ene pehē: “ ‘Oku ‘ikai te u ‘ilo ‘a Sihova”? (‘Eki. 5:2; 1 Sām. 2:12; Loma 1:21)

2. Lau ‘a e ‘Ekisoto 6:1-13, 26-30.

   1. (a) ‘I he ‘uhinga fē na‘e ‘ikai ‘ai ai ‘e Sihova ke ‘ilo‘i ia ‘e ‘Ēpalahame, ‘Aisake pea mo Sēkopé? (‘Eki. 3:13, 14; 6:3; Sēn. 12:8)

   2. (e) ‘Oku ‘ai kitautolu ke tau ongo‘i fēfē ‘i he ‘ilo‘i na‘e kei ngāue‘aki pē ‘e Sihova ‘a Mōsese, neongo na‘e ongo‘i ta‘etaau ‘a Mōsese ki he ngāue na‘e vahe‘i ange kiate iá? (‘Eki. 6:12, 30; Luke 21:13-15)

3. Lau ‘a e ‘Ekisoto 7:1-13.

   1. (a) ‘I hono fakahoko loto-to‘a ‘e Mōsese mo ‘Ēlone ‘a e ngaahi fakamaau ‘a Sihova kia Feló, ko e hā ‘a e sīpinga na‘á na fokotu‘u ki he kau sevāniti ‘a e ‘Otuá he ‘aho ní? (‘Eki. 7:2, 3, 6; Ng. 4:29-31)

   2. (e) Na‘e anga-fēfē hono fakahāhaa‘i ‘e Sihova ‘a hono mafai aoniú ki he ngaahi ‘otua ‘Isipité? (‘Eki. 7:12; 1 Kal. 29:12)

Talanoa 32

1. ‘I hono ngāue‘aki ‘a e fakatātā ‘oku fakahaa‘i hení, fakamatala‘i ‘a e ‘uluaki mala ‘e tolu na‘e ‘oatu ‘e Sihova ki ‘Isipité.

2. Ko e hā ‘a e faikehekehe ‘i he vaha‘a ‘o e ‘uluaki mala ‘e tolú mo e toenga ‘o e ngaahi malá?

3. Ko e hā ‘a e mala hono fā, nima mo e onó?

4. Fakamatala‘i ‘a e mala hono fitu, valu mo e hivá.

5. Ko e hā na‘e tala ‘e Sihova ki he kau ‘Isilelí ke nau fai ki mu‘a ‘i he mala hono hongofulú?

6. Ko e hā ‘a e mala hono hongofulú, pea ko e hā na‘e hoko ‘i he hili iá?

Ngaahi fehu‘i fakalahi:

1. Lau ‘a e ‘Ekisoto 7:19– 8:23.

   1. (a) Neongo na‘e malava ‘a e kau taula‘eiki faimana ‘o ‘Isipité ke fakatatau ki he ‘uluaki ongo mala ‘a Sihová, ko e hā na‘e fakamālohi‘i ke nau fakahaa‘i ‘i he hili ‘a e mala hono tolú? (‘Eki. 8:18, 19; Mt. 12:24-28)

   2. (e) Na‘e anga-fēfē hono fakahāhā ‘i he mala hono faá ‘a e malava ‘a Sihova ke malu‘i ‘a hono kakaí, pea ‘oku anga-fēfē hono ‘ai ‘e he ‘ilo‘i ‘o e me‘á ni ‘a e ongo‘i ‘a e kakai ‘a e ‘Otuá ‘i he‘enau fehangahangai mo e “mamahi lahi” na‘e tomu‘a talá? (‘Eki. 8:22, 23; Fkh. 7:13, 14; 2 Kal. 16:9)

2. Lau ‘a e ‘Ekisoto 8:24; 9:3, 6, 10, 11, 14, 16, 23-25; mo e 10:13-15, 21-23.

   1. (a) Ko e hā ‘a e ongo kulupu na‘e fakae‘a ‘e he Mala ‘e Hongofulú, pea ‘oku anga-fēfē hono uesia ‘e he me‘á ni ‘etau vakai atu ki he ongo kulupu ko iá he ‘aho ní? (‘Eki. 8:10, 18, 19; 9:14)

   2. (e) ‘Oku anga-fēfē hono tokoni‘i kitautolu ‘e he ‘Ekisoto 9:16 ke tau mahino‘i ‘a e ‘uhinga na‘e faka‘atā ai ‘e Sihova ‘a Sētane ke ne kei ‘i ai ‘o a‘u mai ki he taimi ní? (Loma 9:21, 22)

3. Lau ‘a e ‘Ekisoto 12:21-32.

   Na‘e anga-fēfē ‘a e ‘ai ‘e he Pāsová ke malava ‘a e fakamo‘uí ki he tokolahi, pea ko e hā na‘e ‘uhinga ki ai ‘a e Pāsová? (‘Eki. 12:21-23; Sione 1:29; Loma 5:18, 19, 21; 1Ko 5:7)

Talanoa 33

1. Ko e kau tangata ‘Isileli ‘e toko fiha, fakataha mo e kakai fefine mo e fānau na‘e mavahe mei ‘Isipité, pea ko hai na‘e mavahe fakataha mo kinautolú?

2. Na‘e anga-fēfē ‘a e ongo‘i ‘a Felo ‘i he hili ‘ene tuku ange ‘a e kau ‘Isilelí ke nau oó, pea ko e hā na‘á ne faí?

3. Ko e hā na‘e fai ‘e Sihova ke ta‘ofi ai ‘a e kau ‘Isipité mei hono ‘ohofi ‘a hono kakaí?

4. Ko e hā na‘e hoko ‘i he taimi na‘e mafao atu ai ‘e Mōsese ‘a hono tokotokó ki he Tahi Kulokulá, pea ko e hā na‘e fai ‘e he kau ‘Isilelí?

5. Ko e hā na‘e hoko ‘i he taimi na‘e fakavave atu ai ‘a e kau ‘Isipité ki he loto tahí ‘i he tuli ki he kau ‘Isilelí?

6. Na‘e anga-fēfē hono fakahaa‘i ‘e he kau ‘Isilelí na‘a nau fiefia mo fakamālō kia Sihova ‘i he‘enau haó?

Ngaahi fehu‘i fakalahi:

1. Lau ‘a e ‘Ekisoto 12:33-36.

   Na‘e anga-fēfē ‘a e ‘ai ‘e Sihova ke toe totongi ki hono kakaí ‘a e kotoa ‘o honau ngaahi ta‘u nofo pōpula ‘i he malumalu ‘o e kau ‘Isipité? (‘Eki. 3:21, 22; 12:35, 36)

2. Lau ‘a e ‘Ekisoto 14:1-31.

   ‘Oku anga-fēfē ‘a e kaunga ‘a e ngaahi lea ‘a Mōsese ‘oku lēkooti ‘i he ‘Ekisoto 14:13, 14 ki he kau sevāniti ‘a Sihova he ‘aho ní ‘i he‘enau fehangahangai mo e tau ka hoko mai ‘o ‘Āmaketoné? (2 Kal. 20:17; Sāme 91:8)

3. Lau ‘a e ‘Ekisoto 15:1-8, 20, 21.

   1. (a) Ko e hā ‘oku totonu ai ki he kau sevāniti ‘a Sihová ke nau hiva fakahīkihiki‘i iá? (‘Eki. 15:1, 2; Sāme 105:2, 3; Fkh. 15:3, 4)

   2. (e) Ko e hā ‘a e fa‘ifa‘itaki‘anga ‘i hono fakahīkihiki‘i ‘o Sihová na‘e fokotu‘u ‘e Meliame mo e kau fefine ‘i he Tahi Kulokulá ki he kau fefine Kalisitiane he ‘aho ní? (‘Eki. 15:20, 21; Sāme 68:11)

Talanoa 34

1. ‘I he fakatātaá, ko e hā ‘oku tufi ‘e he kakaí mei he kelekelé pea na‘e ui ia ko e hā?

2. Ko e hā ‘a e fakahinohino na‘e fai ‘e Mōsese ki he kakaí fekau‘aki mo hono tufi ‘o e maná?

3. Ko e hā na‘e tala ‘e Sihova ki he kakaí ke nau fai ‘i he ‘aho hono onó, pea ko e hā hono ‘uhingá?

4. Ko e hā ‘a e mana na‘e fakahoko ‘e Sihova ‘i he taimi na‘e tauhi ai ‘a e maná ki he ‘aho hono fitú?

5. Ko e hā ‘a e fuoloa ‘o hono fafanga ‘e Sihova ‘a e kakaí ‘aki ‘a e maná?

Ngaahi fehu‘i fakalahi:

1. Lau ‘a e ‘Ekisoto 16:1-36 mo e Nōmipa 11:7-9.

   1. (a) Ko e hā ‘oku fakahaa‘i ‘e he ‘Ekisoto 16:8 fekau‘aki mo e fiema‘u kiate kitautolu ke toka‘i ‘a e ngaahi tu‘unga fakateokalati ‘i he fakataha‘anga Kalisitiané? (Hep. 13:17)

   2. (e) ‘I he toafá, na‘e anga-fēfē hono fakamanatu faka‘aho ki he kau ‘Isilelí ‘a ‘enau fakafalala kia Sihová? (‘Eki. 16:14-16, 35; Teu. 8:2, 3)

   3. (f) Ko e hā ‘a e ‘uhinga fakaefakatātā na‘e ‘oange ‘e Sīsū ki he maná, pea ‘oku anga-fēfē ‘etau ma‘u ‘aonga mei he “mā [ko eni] mei he langi”? (Sione 6:31-35, 40)

2. Lau ‘a e Siōsiua 5:10-12.

   Na‘e fe‘unga mo e ta‘u ‘e fiha ‘a e kai mana ‘a ‘Isilelí, na‘e anga-fēfē hono ‘ahi‘ahi‘i heni kinautolú, pea ko e hā ‘e lava ke tau ako mei he fakamatala ko ení? (‘Eki. 16:35; Nōm. 11:4-6; 1Kol. 10:10, 11)

Talanoa 35

1. Na‘e ‘apitanga ‘i fē ‘a e kau ‘Isilelí ‘i he māhina nai ‘e ua hili ‘enau mavahe mei ‘Isipité?

2. Ko e hā na‘e lea‘aki ‘e Sihova na‘á ne loto ke fai ‘e he kakaí, pea ko e hā ‘enau talí?

3. Ko e hā na‘e ‘oange ai ‘e Sihova kia Mōsese ‘a e ongo maka lafalafá?

4. Tuku kehe ‘a e Fekau ‘e Hongofulú, ko e hā ‘a e ngaahi lao kehe na‘e ‘oange ‘e Sihova ki he kau ‘Isilelí?

5. Ko e hā ‘a e ongo lao na‘e pehē ‘e Sīsū Kalaisi ‘oku lahi tahá?

Ongo fehu‘i fakalahi:

1. Lau ‘a e ‘Ekisoto 19:1-25; 20:1-21; 24:12-18; mo e 31:18.

   ‘Oku anga-fēfē hono tokoni‘i kitautolu ‘e he ngaahi lea ‘oku lēkooti ‘i he ‘Ekisoto 19:8 ke tau mahino‘i ‘a e me‘a ‘oku kau ki hono fai ha fakatapui faka-Kalisitiané? (Mt. 16:24; 1 Pita 4:1-3)

2. Lau ‘a e Teutalōnome 6:4-6; Livitikō 19:18; mo e Mātiu 22:36-40.

   ‘Oku anga-fēfē hono fakahāhā ‘e he kau Kalisitiané ‘enau ‘ofa ki he ‘Otuá mo e kaungā‘apí? (Mk. 6:34; Ng. 4:20; Loma 15:2)

Talanoa 36

1. ‘I he fakatātaá, ko e hā ‘oku fai ‘e he kakaí, pea ko e hā hono ‘uhingá?

2. Ko e hā na‘e ‘ita ai ‘a Sihová, pea ko e hā na‘e fai ‘e Mōsese ‘i he‘ene sio ki he me‘a na‘e fai ‘e he kakaí?

3. Ko e hā na‘e tala ‘e Mōsese ki he kau tangata ‘e ni‘ihi ke nau faí?

4. Ko e hā ‘a e lēsoni ‘oku totonu ke ako‘i mai kiate kitautolu ‘e he talanoa ko ‘ení?

Ngaahi fehu‘i fakalahi:

1. Lau ‘a e ‘Ekisoto 32:1-35.

   1. (a) ‘Oku anga-fēfē hono fakahāhā ‘i he talanoa ko ení ‘a e fakakaukau ‘a Sihova ki hono fio ‘a e lotu loí mo e lotu mo‘oní? (‘Eki. 32:4-6, 10; 1 Kol. 10:7, 11)

   2. (e) Ko e hā ‘a e tokanga ‘oku totonu ke fai ‘e he kau Kalisitiané ‘i he‘enau fili ‘o e fakafiefiá, hangē ko e hivá mo e hulá? (‘Eki. 32:18, 19; ‘Ef. 5:15, 16; 1 Sione 2:15-17)

   3. (f) Na‘e anga-fēfē hono ‘omai ‘e he matakali Līvaí ha fa‘ifa‘itaki‘anga lelei ‘i he tu‘u ma‘á e mā‘oni‘oní? (‘Eki. 32:25-28; Sāme 18:25)

Talanoa 37

1. Na‘e ui ko e hā ‘a e fale ‘i he fakatātā ko ení, pea na‘e ngāue‘aki ia ki he hā?

2. Ko e hā na‘e tala ai ‘e Sihova kia Mōsese ke ne ngaohi ha tēniti ‘a ia ‘e lava ke faingofua hono vetekí?

3. Ko e hā ‘a e puha ‘i he ki‘i loki ‘i he ngata‘anga ‘o e tēnití, pea ko e hā na‘e ‘i he puhá?

4. Ko hai na‘e fili ‘e Sihova ke hoko ko e taula‘eiki lahí, pea ko e hā na‘e fai ‘e he taula‘eiki lahí?

5. ‘Omai ‘a e hingoa ‘o e me‘a ‘e tolu ‘i he loki lahi ‘o e tēnití.

6. Ko e hā ‘a e ongo me‘a na‘e ‘i he loto‘ā ‘o e tāpanekalé, pea na‘e ngāue‘aki kinaua ki he hā?

Ngaahi fehu‘i fakalahi:

1. Lau ‘a e ‘Ekisoto 25:8-40; 26:1-37; 27:1-8; mo e 28:1.

   Ko e hā na‘e fakafofonga‘i ‘e he ongo selupimi ‘o e “aake fakamo‘oni‘anga”? (‘Eki. 25:20, 22; Nōm. 7:89; 2 Tu‘i 19:15)

2. Lau ‘a e ‘Ekisoto 30:1-10, 17-21; 34:1, 2; mo e Hepelū 9:1-5.

   1. (a) Ko e hā na‘e fakamamafa‘i ai ‘e Sihova ‘a e mahu‘inga ‘o hono tauhi ma‘u ‘a e ma‘a fakaesinó ki he kau taula‘eiki na‘e ngāue ‘i he tāpanekalé, pea ‘oku totonu ke fēfē ‘ene kaunga kiate kitautolu he ‘aho ní? (‘Eki. 30:18-21; 40:30, 31; Hep. 10:22)

   2. (e) Na‘e anga-fēfē hono fakahāhā ‘e he ‘apositolo ko Paulá ko e tāpanekalé mo e Lao fuakavá na‘e ‘ikai kei ngāue‘aki ia ‘i he taimi na‘á ne fai ai ‘ene tohi ki he kau Kalisitiane Hepeluú? (Hep. 9:1, 9; 10:1)

Talanoa 38

1. Ko e hā ‘okú ke fakatokanga‘i fekau‘aki mo e fuhinga kālepi ‘i he fakatātaá, pea na‘e ‘omai ia mei fē?

2. Ko e hā na‘e fekau atu ai ‘e Mōsese ha kau sipai ‘e toko 12 ki he fonua ko Kēnaní?

3. Ko e hā na‘e tala ‘e he kau sipai ‘e toko 10 ‘i he‘enau foki ‘o līpooti kia Mōsesé?

4. Na‘e anga-fēfē hono fakahāhā ‘e he ongo sipai ‘e toko uá ‘a e falala kia Sihová, pea ko hai hona hingoá?

5. Ko e hā na‘e ‘ita ai ‘a Sihová, pea ko e hā na‘á ne tala kia Mōsesé?

Ngaahi fehu‘i fakalahi:

1. Lau ‘a e Nōmipa 13:1-33.

   1. (a) Ko hai na‘e fili ke nau sipai ki he fonuá, pea ko e hā ‘a e faingamālie mahu‘inga na‘a nau ma‘ú? (Nōm. 13:2, 3, 18-20)

   2. (e) Ko e hā na‘e kehe ai ‘a e vakai ‘a Siōsiua mo Kēlepí mei he kau sipai kehé, pea ko e hā ‘oku ako‘i mai ‘e he me‘á ni kiate kitautolú? (Nōm. 13:28-30; Mt. 17:20; 2 Kol. 5:7)

2. Lau ‘a e Nōmipa 14:1-38.

   1. (a) Ko e hā ‘a e fakatokanga fekau‘aki mo e lāunga ki he kau fakafofonga fakamāmani ‘o Sihová ‘oku totonu ke tau tokanga ki aí? (Nōm. 14:2, 3, 27; Mt. 25:40, 45; 1 Kol. 10:10)

   2. (e) ‘Oku anga-fēfē hono fakahaa‘i ‘i he Nōmipa 14:24 ‘oku mahu‘inga‘ia fakafo‘ituitui ‘a Sihova ‘i he‘ene kau sevānití taki taha? (1 Tu‘i 19:18; Pal. 15:3)

Talanoa 39

1. Ko hai na‘e angatu‘u ki he tu‘unga mafai ‘o Mōsese mo ‘Ēloné, pea ko e hā na‘a nau lea‘aki kia Mōsesé?

2. Ko e hā na‘e tala ange ‘e Mōsese kia Kola mo hono kau muimui ‘e toko 250 ke nau faí?

3. Ko e hā na‘e lea‘aki ‘e Mōsese ki he kakaí, pea ko e hā na‘e hoko ‘i he hili pē ‘ene leá?

4. Ko e hā na‘e hoko kia Kola mo hono kau muimui ‘e toko 250?

5. Ko e hā na‘e fai ‘e ‘Eliesa ko e foha ‘o ‘Ēloné ki he ngaahi ‘ai‘anga afi ‘a e kau tangata maté, pea ko e hā hono ‘uhingá?

6. Ko e hā na‘e ‘ai ai ‘e Sihova ‘a e tokotoko ‘o ‘Ēloné ke tupu ai ‘a e ngaahi matala‘i‘akaú? (Sio ki he fakatātaá.)

Ngaahi fehu‘i fakalahi:

1. Lau ‘a e Nōmipa 16:1-49.

   1. (a) Ko e hā na‘e fai ‘e Kola mo hono kau muimuí, pea ko e hā na‘e hoko ai ia ko ha ngāue angatu‘u kia Sihová? (Nōm. 16:9, 10, 18; Liv.10:1, 2; Pal. 11:2)

   2. (e) Ko e hā ‘a e fakakaukau hala na‘e fakatupulekina ‘e Kola mo e toko 250 ko e “hou‘eiki ‘o e fakataha”? (Nōm. 16:1-3; Pal. 15:33; ‘Ai. 49:7)

2. Lau ‘a e Nōmipa 17:1-11 mo e 26:10.

   1. (a) Ko e hā na‘e fakahaa‘i ‘e he talamuka ‘a e tokotoko ‘o ‘Ēloné, pea ko e hā na‘e fakahinohino ai ‘e Sihova ke tauhi ia ‘i he ‘a‘aké? (Nōm. 17:5, 8, 10)

   2. (e) Ko e hā ‘a e lēsoni mātu‘aki mahu‘inga ‘e lava ke tau ako mei he faka‘ilonga ‘o e tokotoko ‘o ‘Ēloné? (Nōm. 17:10; Ng. 20:28; Fili. 2:14; Hep. 13:17)

Talanoa 40

1. Na‘e anga-fēfē hono tokanga‘i ‘e Sihova ‘a e kau ‘Isilelí lolotonga ‘enau ‘i he toafá?

2. Ko e hā ‘a e lāunga na‘e fai ‘e he kau ‘Isilelí ‘i he‘enau ‘apitanga ‘i Kētesí?

3. Na‘e anga-fēfē hono tokonaki mai ‘e Sihova ‘a e vai ki he kakaí mo ‘enau fanga manú?

4. ‘I he fakatātaá, ko hai ‘a e tangata ‘oku tuhu kiate iá, pea ko e hā na‘á ne fai ai iá?

5. Ko e hā na‘e ‘ita ai ‘a Sihova kia Mōsese mo ‘Ēloné, pea na‘e anga-fēfē hono tautea‘i kinauá?

6. Ko e hā na‘e hoko ‘i Mo‘unga Hoá, pea ko hai na‘e hoko ko e taula‘eiki lahi ‘o ‘Isilelí?

Ngaahi fehu‘i fakalahi:

1. Lau ‘a e Nōmipa 20:1-13, 22-29 mo e Teutalōnome 29:5.

   1. (a) Ko e hā ‘oku tau ako mei he founga hono tokanga‘i ‘e Sihova ‘a e kau ‘Isilelí ‘i he toafá? (Teu. 29:5; Mt. 6:31; Hep. 13:5; Sem. 1:17)

   2. (e) Na‘e anga-fēfē ‘a e vakai ‘a Sihova ki he ‘ikai malava ‘a Mōsese mo ‘Ēlone ke na fakatāpuhaa‘i ia ‘i he ‘ao ‘o ‘Isilelí? (Nōm. 20:12; 1 Kol. 10:12; Fkh. 4:11)

   3. (f) Ko e hā ‘oku lava ke tau ako mei he anga ‘o e tali ‘a Mōsese ki he akonaki na‘á ne ma‘u meia Sihová? (Nōm. 12:3; 20:12, 27, 28; Teu. 32:4; Hep. 12:7-11)

Talanoa 41

1. ‘I he fakatātaá, ko e hā ‘oku takatakai ‘i he fu‘u poú, pea ko e hā na‘e tala ai ‘e Sihova kia Mōsese ke fokotu‘u ia ‘i aí?

2. Na‘e anga-fēfē ‘a e ‘ikai hounga‘ia ‘a e kakaí ki he me‘a kotoa na‘e fai ‘e he ‘Otuá ma‘anautolú?

3. Ko e hā na‘e kole ‘e he kakaí kia Mōsese ke ne fai hili hono fekau‘i mai ‘e Sihova ‘a e fanga ngata kona ke tautea ‘aki kinautolú?

4. Ko e hā na‘e tala ai ‘e Sihova kia Mōsese ke ne ngaohi ha ngata palasá?

5. Ko e hā ‘a e lēsoni ‘e lava ke tau ako mei he talanoa ko ení?

Ngaahi fehu‘i fakalahi:

1. Lau ‘a e Nōmipa 21:4-9.

   1. (a) Ko e hā ‘a e fakatokanga ‘oku ‘omai kiate kitautolu ‘i he lāunga ‘a ‘Isileli fekau‘aki mo e ngaahi tokonaki meia Sihová? (Nōm. 21:5, 6; Loma 2:4)

   2. (e) ‘I he ngaahi senituli ki muí, na‘e anga-fēfē hono ngāue‘aki ‘e he kau ‘Isilelí ‘a e ngata palasá, pea ko e hā ‘a e me‘a na‘e fai ‘e Tu‘i Hesekaiá? (Nōm. 21:9; 2 Tu‘i 18:1-4)

2. Lau ‘a e Sione 3:14, 15.

   Na‘e anga-fēfē hono fakatātaa‘i lelei ‘a hono tutuki ‘o Sīsū Kalaisí ‘e hono fokotu‘u ‘a e ngata palasá ‘i ha fu‘u pou faka‘ilongá? (Kal. 3:13; 1 Pita 2:24)

Talanoa 42

1. Ko hai ‘a Pēlaki pea ko e hā na‘á ne fekau ai kia Pēlamí?

2. Ko e hā na‘e tokoto ai ‘a e ‘asi ‘a Pēlamí ‘i he halá?

3. Ko e hā na‘e fanongo ‘a Pēlami na‘e lea‘aki ‘e he ‘así?

4. Ko e hā na‘e lea‘aki ‘e ha ‘āngelo kia Pēlamí?

5. Ko e hā na‘e hoko ‘i he feinga ‘a Pēlami ke fakamala‘ia‘i ‘a ‘Isilelí?

Ngaahi fehu‘i fakalahi:

1. Lau ‘a e Nōmipa 21:21-35.

   Ko e hā na‘e ikuna‘i ai ‘e ‘Isileli ‘a Tu‘i Sīhoni ‘o e kau ‘Āmolí pea mo Tu‘i ‘Oki ‘o Pēsaní? (Nōm. 21:21, 23, 33, 34)

2. Lau ‘a e Nōmipa 22:1-40.

   Ko e hā ‘a e taumu‘a ‘a Pēlami ‘i he‘ene feinga ke fakamala‘ia‘i ‘a ‘Isilelí, pea ko e hā ‘a e ngaahi lēsoni ‘oku lava ke tau ma‘u mei hení? (Nōm. 22:16, 17; Pal. 6:16, 18; 2 Pita 2:15; Siu. 11)

3. Lau ‘a e Nōmipa 23:1-30.

   Neongo na‘e talanoa ‘a Pēlami ‘o hangē ko ha tokotaha lotu ia kia Sihová, na‘e anga-fēfē hono fakahāhā ‘i he‘ene ngāué ‘a e me‘a ia ‘oku kehé? (Nōm. 23:3, 11-14; 1 Sām. 15:22)

4. Lau ‘a e Nōmipa 24:1-25.

   ‘Oku anga-fēfē hono fakaivimālohi‘i ‘e he fakamatala Tohitapu ko ení ‘a ‘etau tui ki hono fakahoko ‘o e taumu‘a ‘a Sihová? (Nōm. 24:10; ‘Ai. 54:17)

Talanoa 43

1. ‘I he fakatātaá, ko hai ‘a e ongo tangata ‘okú na tu‘u mo Mōsesé?

2. Ko e hā na‘e tala ‘e Sihova kia Siōsiuá?

3. Ko e hā na‘e kaka ai ‘a Mōsese ki he tumutumu ‘o e Mo‘unga ko Nepó, pea ko e hā na‘e tala ange ‘e Sihova kiate iá?

4. Na‘e ta‘u fiha ‘a Mōsese ‘i he‘ene maté?

5. Ko e hā na‘e loto-mamahi ai ‘a e kakaí, ka ko e hā ‘a e ‘uhinga ke nau fiefia aí?

Ngaahi fehu‘i fakalahi:

1. Lau ‘a e Nōmipa 27:12-23.

   Ko e hā ‘a e ngāue mamafa na‘e ma‘u ‘e Siōsiua meia Sihová, pea ‘oku anga-fēfē hono fakahaa‘i ‘a e tokanga ‘a Sihova ki Hono kakaí ‘i he ‘aho ní? (Nōm. 27:15-19; Ng. 20:28; Hep. 13:7)

2. Lau ‘a e Teutalōnome 3:23-29.

   Ko e hā na‘e ‘ikai faka‘atā ai ‘e Sihova ‘a Mōsese mo ‘Ēlone ke na kolosi ki he fonua ‘o e tala‘ofá, pea ko e hā ‘a e lēsoni ‘e lava ke tau ako mei hení? (Teu. 3:25-27; Nōm. 20:12, 13)

3. Lau ‘a e Teutalōnome 31:1-8, 14-23.

   ‘Oku anga-fēfē hono fakahaa‘i ‘i he lea māvae ‘a Mōsese ki ‘Isilelí na‘á ne tali fakatōkilalo ‘a e akonaki meia Sihová? (Teu. 31:6-8, 23)

4. Lau ‘a e Teutalōnome 32:45-52.

   ‘Oku totonu ke fēfē ‘a hono lave‘i ‘etau mo‘uí ‘e he Folofola ‘a e ‘Otuá? (Teu. 32:47; Liv. 18:5; Hep. 4:12)

5. Lau ‘a e Teutalōnome 34:1-12.

   Neongo na‘e ‘ikai ke sio hangatonu ‘a Mōsese ki he tokotaha tonu ko Sihová, ko e hā ‘oku fakahaa‘i ‘i he Teutalōnome 34:10 ‘o fekau‘aki mo hono vaha‘angatae mo Sihová? (‘Eki. 33:11, 20; Nōm. 12:8)

Talanoa 44

1. Na‘e nofo ‘a Lēhapí ‘i fē?

2. Ko hai ‘a e ongo tangata ‘i he fakatātaá, pea ko e hā na‘á na ‘i Sielikō aí?

3. Ko e hā na‘e fekau‘i ‘e he tu‘i ‘o Sielikoó ‘a Lēhapi ke ne faí, pea ko e hā ‘a e tali na‘á ne faí?

4. Na‘e anga-fēfē hono tokoni‘i ‘e Lēhapi ‘a e ongo tangatá, pea ko e hā ‘a e lelei na‘á ne kole ma‘aná?

5. Ko e hā ‘a e tala‘ofa na‘e fai ‘e he ongo sipaí kia Lēhapí?

Ongo fehu‘i fakalahi:

1. Lau ‘a e Siōsiua 2:1-24.

   Na‘e anga-fēfē hono fakahoko ‘a e tala‘ofa ‘a Sihova na‘e lēkooti ‘i he ‘Ekisoto 23:28 ‘i he taimi na‘e ha‘u ai ‘a e kau ‘Isilelí ki Sielikoó? (Siōs. 2:9-11)

2. Lau ‘a e Hepelū 11:31.

   ‘Oku anga-fēfē hono fakamamafa‘i ‘i he fa‘ifa‘itaki‘anga ‘a Lēhapí ‘a e mahu‘inga ‘o e tuí? (Loma 1:17; Hep. 10:39; Sēm. 2:25)

Talanoa 45

1. Ko e hā ‘a e mana na‘e fakahoko ‘e Sihova koe‘uhi ke lava ai ‘o kolosi ‘a e kau ‘Isilelí ‘i he Vaitafe Sioataní?

2. Ko e hā ‘a e ngāue ‘o e tuí na‘e pau ke fakahoko ‘e he kau ‘Isilelí koe‘uhi ke nau kolosi ‘i he Vaitafe Sioataní?

3. Ko e hā na‘e tala ai ‘e Sihova kia Siōsiua ke ne tānaki ‘a e maka lalahi ‘e 12 mei he tafe‘anga ‘o e vaitafé?

4. Ko e hā na‘e hoko ‘i he taimi pē na‘e ‘alu hake ai ‘a e kau taula‘eikí mei Sioataní?

Ngaahi fehu‘i fakalahi:

1. Lau ‘a e Siōsiua 3:1-17.

   1. (a) Hangē ko ia na‘e fakatātaa‘i ‘i he fakamatala ko ení, ko e hā ‘oku fiema‘u ke tau fai koe‘uhi ke ma‘u ai ‘a e tokoni mo e tāpuaki ‘a Sihová? (Siōs. 3:13, 15; Pal. 3:5; Sēm. 2:22, 26)

   2. (e) Ko e hā ‘a e tu‘unga ‘o e Vaitafe Sioataní ‘i he taimi na‘e kolosi ai ‘a e kau ‘Isilelí ki he Fonua ‘o e Tala‘ofá, pea na‘e anga-fēfē hono fakavīkiviki‘i ‘e he me‘á ni ‘a e huafa ‘o Sihová? (Siōs. 3:15; 4:18; Sāme 66:5-7)

2. Lau ‘a e Siōsiua 4:1-18.

   Ko e hā ‘a e taumu‘a na‘e fakahoko ‘e he maka ‘e 12 na‘e ‘ave mei Sioatani ‘o fokotu‘u ‘i Kilikalí? (Siōs. 4:4-7)

Talanoa 46

1. Ko e hā na‘e tala ‘e Sihova ki he kau tangata taú mo e kau taula‘eikí ke nau fai ‘i he ‘aho ‘e onó?

2. Ko e hā na‘e fiema‘u ke fai ‘e he kau tangatá ‘i he ‘aho hono fitú?

3. Hangē ko ia ‘okú ke sio ki ai ‘i he fakatātaá, ko e hā ‘oku hoko ki he ngaahi ‘ā ‘o Sielikoó?

4. Ko e hā ‘oku tautau ai ‘a e afo kulokulá ‘i he matapaá?

5. Ko e hā na‘e tala ‘e Siōsiua ki he kau tangata taú ke nau fai ki he kakaí mo e koló, kae fēfē ‘a e silivá, koulá, kopá mo e ukameá?

6. Ko e hā na‘e tala ki he ongo sipaí ke na faí?

Ongo fehu‘i fakalahi:

1. Lau ‘a e Siōsiua 6:1-25.

   1. (a) ‘Oku anga-fēfē ‘a e meimei tatau ‘a e laka takatakai ‘a e kau ‘Isilelí ‘i Sielikō ‘i hono ‘aho fitú mo e ngāue fakamalanga ‘a e Kau Fakamo‘oni ‘a Sihová ‘i he ngaahi ‘aho faka‘osi ko ‘ení? (Siōs. 6:15, 16; ‘Ai. 60:22; Mt. 24:14; 1 Kol. 9:16)

   2. (e) Na‘e anga-fēfē hono fakahoko ‘a e kikite na‘e lēkooti ‘i he Siōsiua 6:26 ‘i he ta‘u nai ‘e 500 ki muí, pea ko e hā ‘oku ako‘i mai ‘e he me‘á ni kiate kitautolu fekau‘aki mo e folofola ‘a Sihová? (1 Tu‘i 16:34; ‘Ai. 55:11)

Talanoa 47

1. ‘I he fakatātaá, ko hai ‘a e tangata ‘okú ne tanu ‘a e koloa na‘e ‘ave mei Sielikoó, pea ko hai ‘a e fa‘ahinga ‘oku nau tokoni‘i iá?

2. Ko e hā na‘e mātu‘aki mamafa ai ‘a e me‘a na‘e fai ‘e ‘Ākani mo hono fāmilí?

3. Ko e hā na‘e lea‘aki ‘e Sihova ‘i he taimi na‘e ‘eke ai ‘e Siōsiua ‘a e ‘uhinga na‘e fo‘i ai ‘a e kau ‘Isilelí ‘i he tau ‘i ‘Aí?

4. Hili hono ‘omai ‘o ‘Ākani mo hono fāmilí kia Siōsiuá, ko e hā na‘e hoko kiate kinautolú?

5. Ko e hā ‘a e lēsoni mahu‘inga ‘oku ako‘i mai kiate kitautolu ‘e he fakamāu‘i ‘o ‘Ākaní?

Ngaahi fehu‘i fakalahi:

1. Lau ‘a e Siōsiua 7:1-26.

   1. (a) Ko e hā na‘e fakahaa‘i ‘i he lotu ‘a Siōsiuá fekau‘aki mo hono vaha‘angatae mo hono Tokotaha-Fakatupú? (Siōs. 7:7-9; Sāme 119:145; 1 Sione 5:14)

   2. (e) Ko e hā ‘oku fakahaa‘i ‘i he fa‘ifa‘itaki‘anga ‘a ‘Ākaní, pea ‘oku anga-fēfē ‘a e hoko eni ko e fakatokanga kiate kitautolú? (Siōs. 7:11, 14, 15; Pal. 15:3; 1 Tīm. 5:24; Hep. 4:13)

2. Lau ‘a e Siōsiua 8:1-29.

   Ko e hā ‘a e fatongia fakafo‘ituitui ‘oku tau ma‘u ki he fakataha‘anga Kalisitiane he ‘aho ní? (Siōs. 7:13; Liv. 5:1; Pal. 28:13)

Talanoa 48

1. 1. ‘Oku anga-fēfē ‘a e kehe ‘a e kakai Kipioné mei he kau Kēnani ‘i he ngaahi kolo ofi maí?

2. 2. Hangē ko ia ‘oku fakahaa‘i ‘i he fakatātaá, ko e hā na‘e fai ‘e he kau Kipioné, pea ko e hā hono ‘uhingá?

3. 3. Ko e hā ‘a e tala‘ofa na‘e fai ‘e Siōsiua mo e kau taki ‘Isilelí ki he kau Kipioné, ka ko e hā na‘a nau ‘ilo‘i ‘i he ‘aho ‘e tolu ki mui aí?

4. 4. Ko e hā na‘e hoko ‘i he taimi na‘e fanongo ai ‘a e ngaahi tu‘i ‘i he ngaahi kolo kehé kuo fakamelino ‘a e kau Kipioné mo ‘Isilelí?

Ngaahi fehu‘i fakalahi:

1. Lau ‘a e Siōsiua 9:1-27.

   1. (a) Koe‘uhi na‘e fakahinohino‘i ‘e Sihova ‘a e pule‘anga ‘Isilelí ‘ke faka‘auha ‘i honau ‘aó ‘a e kakai kotoa ‘oku nofo ‘i he fonuá,’ ko e hā ‘a e ngaahi ‘ulungāanga na‘e fakamamafa‘i ‘i he‘ene fakahaofi ‘a e kau Kipioné? (Siōs. 9:22, 24; Mt. 9:13; Ng. 10:34, 35; 2 Pita 3:9)

   2. (e) ‘I he pipiki ki he fuakava na‘á ne fai mo e kau Kipioné, na‘e anga-fēfē hono fokotu‘u ‘e Siōsiua ha fa‘ifa‘itaki‘anga lelei ki he kau Kalisitiane he ‘aho ní? (Siōs. 9:18, 19; Mt. 5:37; ‘Ef. 4:25)

2. Lau ‘a e Siōsiua 10:1-5.

   ‘Oku anga-fēfē ‘a e fa‘ifa‘itaki ‘a e fu‘u kakai lahi he ‘aho ní ki he kau Kipioné, ‘o nau hoko ai ko e ngaahi tāketi ki he hā? (Siōs. 10:4; Sak. 8:23; Mt. 25:35-40; Fkh. 12:17)

Talanoa 49

1. ‘I he fakatātaá, ko e hā ‘oku lea‘aki ‘e Siōsiuá, pea ko e hā hono ‘uhingá?

2. Na‘e anga-fēfē hono tokoni‘i ‘e Sihova ‘a Siōsiua mo ‘ene kau tangata taú?

3. Ko e ngaahi tu‘i fakafili ‘e fiha na‘e ikuna‘i ‘e Siōsiuá, pea ko e hā hono lōloá?

4. Ko e hā na‘e vahevahe ai ‘e Siōsiua ‘a e fonua ko Kēnaní?

5. Na‘e ta‘u fiha ‘a Siōsiua ‘i he‘ene maté, pea ko e hā na‘e hoko ki he kakaí ‘i he hili iá?

Ngaahi fehu‘i fakalahi:

1. Lau ‘a e Siōsiua 10:6-15.

   ‘I hono ‘ilo‘i na‘e ‘ai ‘e Sihova ke tu‘uma‘u ‘a e la‘aá mo e māhiná ki ‘Isilelí, ko e hā ‘a e falala ‘oku tau ma‘u he ‘aho ní? (Siōs. 10:8, 10, 12, 13; Sāme 18:3; Pal. 18:10)

2. Lau ‘a e Siōsiua 12:7-24.

   Ko hai mo‘oni na‘e tupu mei ai ‘a hono ikuna‘i ‘o e ngaahi tu‘i ‘e 31 ‘i Kēnaní, pea ko e hā ‘oku mahu‘inga ai eni kiate kitautolu he ‘aho ní? (Siōs. 12:7; 24:11-13; Teu. 31:8; Luke 21:9, 25-28)

3. Lau ‘a e Siōsiua 14:1-5.

   Na‘e anga-fēfē ‘a hono vahevahe ‘a e fonuá ‘i he ha‘oha‘onga ‘o e ngaahi matakali ‘Isilelí, pea ko e hā ‘oku fakahaa‘i ‘e he me‘á ni fekau‘aki mo e ngaahi tofi‘a ‘i he Palataisí? (Siōs. 14:2; ‘Ai. 65:21; ‘Isi. 47:21-23; 1 Kol. 14:33)

4. Lau ‘a e Fakamaau 2:8-13.

   ‘I he hangē ko Siōsiua ‘i ‘Isilelí, ko hai ‘i he ‘ahó ni ‘oku ngāue ko ha ta‘ota‘ofi ‘o e tafoki mei he mo‘oní? (Fkm. 2:8, 10, 11; Mt. 24:45-47; 2 Tes. 2:3-6; Tai. 1:7-9; Fkh. 1:1; 2:1, 2)

Talanoa 50

1. Ko hai ‘a e kau fakamāú, pea ko hai ‘a e hingoa ‘o e ni‘ihi ‘o kinautolu?

2. Ko e hā ‘a e monū makehe na‘e ma‘u ‘e Tēpolá, pea ko e hā na‘e kau ki hení?

3. ‘I he taimi na‘e fakamanamana‘i ai ‘a ‘Isileli ‘e Tu‘i Siapini mo ‘ene pule kau tau ko Sīselá, ko e hā ‘a e pōpoaki meia Sihova na‘e ‘oange ‘e Tēpola kia Fakamaau Pēlaké, pea ko hai na‘á ne pehē ‘e tuku ki ai ‘a e ongoongo leleí?

4. Na‘e anga-fēfē hono fakahāhā ‘e Siaili ko ha fefine loto-to‘a iá?

5. Ko e hā na‘e hoko hili ‘a e mate ‘a Tu‘i Siapiní?

Ngaahi fehu‘i fakalahi:

1. Lau ‘a e Fakamaau 2:14-22.

   Na‘e anga-fēfē hono ‘omai ‘e he kau ‘Isilelí kiate kinautolu ‘a e houhau ‘a Sihová, pea ko e hā ‘a e lēsoni ‘e lava ke tau ako mei he me‘á ni? (Fkm. 2:20; Pal. 3:1, 2; ‘Isi. 18:21-23)

2. Lau ‘a e Fakamaau 4:1-24.

   Ko e hā ‘a e ngaahi lēsoni fekau‘aki mo e tuí pea mo e loto-to‘á ‘e lava ke ako ‘e he kau fefine Kalisitiane he ‘aho ní mei he ngaahi fa‘ifa‘itaki‘anga ‘a Tēpola mo Siailí? (Fkm. 4:4, 8, 9, 14, 21, 22; Pal. 31:30; 1 Kol. 16:13)

3. Lau ‘a e Fakamaau 5:1-31.

   ‘E lava fēfē ke ngāue‘aki ko ha lotu ‘a e hiva ikuna ‘a Pēlake mo Tēpolá ‘o fekau‘aki mo e tau ka hoko mai ‘o ‘Āmaketoné? (Fkm. 5:3, 31; 1 Kal. 16:8-10; Fkh. 7:9, 10; 16:16; 19:19-21)

Talanoa 51

1. Na‘e anga-fēfē ‘a e hoko ‘a Nāomi ‘o ‘i he fonua ko Mōapé?

2. Ko hai ‘a Lute mo Opa?

3. Na‘e anga-fēfē ‘a e tali taki taha ‘a Lute mo Opa ‘i hono tala ange ‘e Nāomi ke na foki ki hona kakaí?

4. Ko hai ‘a Pōasi, pea na‘e anga-fēfē ‘ene tokoni kia Lute mo Nāomí?

5. Ko hai ‘a e hingoa ‘a e tama na‘e fā‘ele‘i kia Pōasi mo Luté, pea ko e hā ‘oku totonu ai ke tau manatu‘i iá?

Ngaahi fehu‘i fakalahi:

1. Lau ‘a e Lute 1:1-17.

   1. (a) Ko e hā ‘a e fakahāhā faka‘ofo‘ofa ‘o e ‘ofa mateakí na‘e fai ‘e Luté? (Lute 1:16, 17)

   2. (e) ‘Oku anga-fēfē hono fakahaa‘i lelei ‘e he mālohi fakaefakakaukau ‘a Luté ‘a e fakakaukau ‘a e “fanga sipi kehe” ki he kau pani ‘i māmani he ‘aho ní? (Sione 10:16; Sak. 8:23)

2. Lau ‘a e Lute 2:1-23.

   ‘Oku anga-fēfē hono ‘omai ‘e Lute ha fa‘ifa‘itaki‘anga lelei ki he kau finemui he ‘aho ní? (Lute 2:17, 18; Pal. 23:22; 31:15)

3. Lau ‘a e Lute 3:5-13.

   1. (a) Na‘e anga-fēfē ‘a e vakai ‘a Pōasi ki he loto-lelei ‘a Lute ke mali mo ia kae ‘ikai ki ha tangata kei si‘i angé?

   2. (e) Ko e hā ‘oku ako‘i mai kiate kitautolu ‘e he fakakaukau ‘a Luté fekau‘aki mo e ‘ofa mateakí? (Lute 3:10; 1 Kol. 13:4, 5)

4. Lau ‘a e Lute 4:7-17.

   ‘E lava fēfē ke hangē ko Pōasí ‘a e kau tangata Kalisitiane he ‘aho ní? (Lute 4:9, 10; 1 Tīm. 3:1, 12, 13; 5:8)

Talanoa 52

1. Na‘e anga-fēfē pea ko e hā ‘a e ‘uhinga na‘e faingata‘a‘ia lahi ai ‘a e kau ‘Isilelí?

2. Ko e hā na‘e tala ai ‘e Sihova kia Kitione ‘oku fu‘u tokolahi ‘a e kau tangata ‘i he‘ene kau taú?

3. Ko e kau tangata ‘e toko fiha na‘e toé hili hono tala ‘e Kitione ke foki ki ‘api ‘a e kau tangata na‘e ilifiá?

4. Mei he fakatātaá, fakamatala‘i ‘a e anga hono fakatokosi‘i ‘e Sihova ‘a e tokolahi ‘o e kau tau ‘a Kitioné ki he kau tangata pē ‘e toko 300.

5. Na‘e anga-fēfē hono fokotu‘utu‘u maau ‘e Kitione ‘a ‘ene kau tangata ‘e toko 300, pea na‘e anga-fēfē hono ikuna‘i ‘e ‘Isileli ‘a e taú?

Ngaahi fehu‘i fakalahi:

1. Lau ‘a e Fakamaau 6:36-40.

   1. (a) Na‘e anga-fēfē hono fakapapau‘i ‘e Kitione ‘a e finangalo ‘o Sihová?

   2. (e) ‘Oku anga-fēfē ‘etau ‘ilo‘i he ‘ahó ni ‘a e finangalo ‘o Sihová? (Pal. 2:3-6; Mt. 7:7-11; 2 Tīm. 3:16, 17)

2. Lau ‘a e Fakamaau 7:1-25.

   1. (a) Ko e hā ‘a e lēsoni ‘e lava ke tau ako mei he toko 300 na‘e kei ‘ā‘aá ‘i he kehekehe mei he fa‘ahinga ko ia na‘a nau fakahāhā ‘a e ta‘etokangá? (Fkm. 7:3, 6; Loma 13:11, 12; ‘Ef. 5:15-17)

   2. (e) Hangē pē ko e ako ‘a e toko 300 ‘i hono siofi ‘o Kitioné, ‘oku anga-fēfē ‘etau ako ‘i hono siofi ‘a e Kitione Lahi Angé, ‘a Sīsū Kalaisí? (Fkm. 7:17; Mt. 11:29, 30; 28:19, 20; 1 Pita 2:21)

   3. (f) ‘Oku anga-fēfē hono tokoni‘i kitautolu ‘e he Fakamaau 7:21 ke tau fiemālie ke ngāue ‘i ha feitu‘u pē ‘oku vahe‘i kitautolu ki ai ‘i he kautaha ‘a Sihová? (1 Kol. 4:2; 12:14-18; Sēm. 4:10)

3. Lau ‘a e Fakamaau 8:1-3.

   ‘I he‘ene hoko mai ki hono fakalelei‘i ‘a e ngaahi faikehekehe fakafo‘ituitui mo ha tokoua pe ko ha tuofefiné, ko e hā ‘e lava ke tau ako mei he founga ‘o hono fakalelei‘i ‘e Kitione ‘a e vākovi mo e kau ‘Ifalemí? (Pal. 15:1; Mt. 5:23, 24; Luke 9:48)

Talanoa 53

1. Ko hai ‘a Sēfita, pea na‘á ne mo‘ui ‘i he lolotonga ‘o e taimi fē?

2. Ko e hā ‘a e tala‘ofa na‘e fai ‘e Sēfita kia Sihová?

3. Ko e hā na‘e hoko ai ‘a Sēfita ‘o loto-mamahi ‘i he‘ene foki atu ki ‘api mei hono ikuna‘i ‘o e kau ‘Āmoní?

4. Ko e hā na‘e lea‘aki ‘e he ‘ofefine ‘o Sēfitá ‘i he‘ene ‘ilo ‘o kau ki he tala‘ofa ‘a ‘ene tamaí?

5. Ko e hā na‘e ‘ofa ai ‘a e kakaí ‘i he ‘ofefine ‘o Sēfitá?

Ngaahi fehu‘i fakalahi:

1. Lau ‘a e Fakamaau 10:6-18.

   Ko e hā ‘a e fakatokanga ‘oku totonu ke tau tokanga ki ai mei he lēkooti ‘o e ta‘eangatonu ‘a ‘Isileli kia Sihová? (Fkm. 10:6, 15, 16; Loma 15:4; Fkh. 2:10)

2. Lau ‘a e Fakamaau 11:1-11, 29-40.

   1. (a) ‘Oku anga-fēfē ‘etau ‘ilo‘i ko hono foaki ‘e Sēfita ‘a hono ‘ofefiné ko ha “feilaulau-moifua” na‘e ‘ikai ‘uhinga iá na‘e foaki ia ‘i ha afi ko ha feilaulau fakaetangata? (Fkm. 11:31; Liv. 16:24; Teu. 18:10, 12)

   2. (e) ‘I he founga fē na‘e foaki ai ‘e Sēfita ‘a hono ‘ofefiné ko ha feilaulaú?

   3. (f) Ko e hā ‘e lava ke tau ako mei he fakakaukau ‘a Sēfita ki he‘ene fuakava kia Sihová? (Fkm. 11:35, 39; Koh. 5:4, 5; Mt. 16:24)

   4. (h) ‘Oku anga-fēfē ‘a e hoko ‘a e ‘ofefine ‘o Sēfitá ko ha fa‘ifa‘itaki‘anga lelei ia ki he kau Kalisitiane kei si‘í ‘i he tuli ki ha ngāue tu‘uma‘u ‘i he ngāue taimi-kakató? (Fkm. 11:36; Mt. 6:33; Fili. 3:8)

Talanoa 54

1. Ko hai ‘a e hingoa ‘o e tangata mālohi taha ‘a ia kuo mo‘ui maí, pea ko hai na‘á ne ‘oange kiate ia ‘a hono mālohí?

2. ‘I he taimi ‘e taha, ko e hā na‘e fai ‘e Samisoni ki ha fu‘u laioné, hangē ko ia ‘oku lava ke ke sio ki ai ‘i he fakatātaá?

3. Ko e hā ‘a e fakapulipuli ‘oku tala ‘e Samisoni kia Tilila ‘i he fakatātaá, pea na‘e anga-fēfē ‘a e iku ‘a e me‘á ni ki hono puke ia ‘e he kau Filisitiá?

4. Na‘e anga-fēfē ‘a hono ‘ai ‘e Samisoni ke mate ‘a e ngaahi fili ko e kau Filisitia ‘e toko 3,000 ‘i he ‘aho na‘á ne mate aí?

Ngaahi fehu‘i fakalahi:

1. Lau ‘a e Fakamaau 13:1-14.

   ‘Oku anga-fēfē ‘a e ‘omai ‘e Mānoa mo hono uaifí ha fa‘ifa‘itaki‘anga lelei ki he ngaahi mātu‘á ‘i hono ‘ohake ‘enau fānaú? (Fkm. 13:8; Sāme 127:3; ‘Ef. 6:4)

2. Lau ‘a e Fakamaau 14:5-9 mo e 15:9-16.

   1. (a) Ko e hā ‘oku fakahaa‘i fekau‘aki mo e ngāue ‘a e laumālie mā‘oni‘oni ‘o Sihová ‘i he fakamatala fekau‘aki mo hono tāmate‘i ‘e Samisoni ‘a e laioné, motuhi ‘a e ngaahi maea fo‘ou na‘e ha‘i ‘aki iá mo hono ngāue‘aki ha hui kou‘ahe ‘o ha ‘asi tangata ke tāmate‘i ha kau tangata ‘e toko 1,000?

   2. (e) ‘Oku anga-fēfē hono tokoni‘i kitautolu he ‘ahó ni ‘e he laumālie mā‘oni‘oní? (Fkm. 14:6; 15:14; Sak. 4:6; Ng. 4:31)

3. Lau ‘a e Fakamaau 16:18-31.

   Na‘e anga-fēfē hono uesia ‘o Samisoni ‘e he feohi koví, pea ko e hā ‘e lava ke tau ako mei hení? (Fkm. 16:18, 19; 1 Kol. 15:33)

Talanoa 55

1. Ko hai ‘a e hingoa ‘o e ki‘i tamasi‘i ‘i he fakatātaá, pea ko hai ‘a e ni‘ihi kehé?

2. Ko e hā ‘a e lotu na‘e lea‘aki ‘e ‘Ana ‘i he ‘aho ‘e taha ‘i he‘ene ‘a‘ahi ki he tāpanekale ‘o Sihová, pea na‘e anga-fēfē ‘a e tali kiate ia ‘a Sihová?

3. Na‘e ta‘u fiha ‘a Sāmiuela ‘i hono ‘ave ia ke ne ngāue ‘i he tēniti ‘o Sihová, pea ko e hā na‘e fai ma‘ana ‘e he‘ene fa‘eé ‘i he ta‘u taki taha?

4. Ko hai ‘a e hingoa ‘o e ongo foha ‘o ‘Īlaí, pea ko e ongo tangata fēfē kinaua?

5. Na‘e anga-fēfē hono ui ‘e Sihova ‘a Sāmiuelá, pea ko e hā ‘a e pōpoaki na‘á Ne ‘oange kiate iá?

6. Na‘e hoko ‘a Sāmiuela ko e hā ‘i he‘ene tupu haké, pea ko e hā na‘e hoko ‘i he‘ene motu‘á?

Ngaahi fehu‘i fakalahi:

1. Lau ‘a e 1 Sāmiuela 1:1-28.

   1. (a) Ko e hā ‘a e fa‘ifa‘itaki‘anga lelei ki he ngaahi ‘ulu‘i fāmilí ‘oku ‘omai ‘e ‘Elikena ‘i he‘ene taki mu‘a ‘i he lotu mo‘oní? (1 Sām. 1:3, 21; Mt. 6:33; Fili. 1:10)

   2. (e) Ko e hā ‘a e lēsoni ‘e lava ke tau ako mei he fa‘ifa‘itaki‘anga ‘a ‘Ana ‘i he‘ene fekuki mo ha palopalema fakatupu puputu‘ú? (1 Sām. 1:10, 11; Sāme 55:22; Loma 12:12)

2. Lau ‘a e 1 Sāmiuela 2:11-36.

   Na‘e anga-fēfē hono fakalāngilangi‘i ‘e ‘Īlai ‘a hono ongo fohá ‘o lahi ange ia ‘ia Sihová, pea ‘e lava fēfē ke hoko eni ko ha fakatokanga kiate kitautolu? (1 Sām. 2:22-24, 27, 29; Teu. 21:18-21; Mt. 10:36, 37)

3. Lau ‘a e 1 Sāmiuela 4:16-18.

   Ko e hā ‘a e pōpoaki tu‘o fā ‘o e mala na‘e ha‘u mei he mala‘e taú, pea ko e hā ‘a e ola na‘e hoko kia ‘Īlaí?

4. Lau ‘a e 1 Sāmiuela 8:4-9.

   Na‘e anga-fēfē hono faka‘ita‘i lahi ‘e ‘Isileli ‘a Sihová, pea ‘e lava fēfē ke tau poupou mateaki he ‘ahó ni ki hono Pule‘angá? (1 Sām. 8:5, 7; Sione 17:16; Sēm. 4:4)

Talanoa 56

1. ‘I he fakatātaá, ko e hā ‘oku fai ‘e Sāmiuelá, pea ko e hā hono ‘uhingá?

2. Ko e hā na‘e sai‘ia ai ‘a Sihova ‘ia Saulá, pea ko e fa‘ahinga tangata fēfē ia?

3. Ko hai ‘a e hingoa ‘o e foha ‘o Saulá, pea ko e hā na‘e fai ‘e he fohá?

4. Ko e hā na‘e fai ai ‘e Saula ha feilaulau kae ‘ikai ke tatali kia Sāmiuela ke ne fai iá?

5. Ko e hā ‘a e ngaahi lēsoni ‘e lava ke tau ako mei he fakamatala fekau‘aki mo Saulá?

Ngaahi fehu‘i fakalahi:

1. Lau ‘a e 1 Sāmiuela 9:15-21 mo e 10:17-27.

   Na‘e anga-fēfē hono tokoni‘i ‘o Saula ‘e he‘ene fakakaukau fakanānaá ke ne faka‘ehi‘ehi ai mei hono fai fakavave ha me‘a ‘i he taimi na‘e talanoa ta‘efaka‘apa‘apa ai ha kau tangata ‘e ni‘ihi fekau‘aki mo iá? (1 Sām. 9:21; 10:21, 22, 27; Pal. 17:27)

2. Lau ‘a e 1 Sāmiuela 13:5-14.

   Ko e hā ‘a e angahala na‘e fakahoko ‘e Saula ‘i Kilikalí? (1 Sām. 10:8; 13:8, 9, 13)

3. Lau ‘a e 1 Sāmiuela 15:1-35.

   1. (a) Ko e hā ‘a e angahala mamafa na‘e fai ‘e Saula ‘i he fekau‘aki mo ‘Ēkaki ko e tu‘i ‘Amalekí? (1 Sām. 15:2, 3, 8, 9, 22)

   2. (e) Na‘e anga-fēfē ‘a e feinga ‘a Saula ke fakatonuhia‘i ‘a ‘ene ngaahi ngāué pea fai mo ha tukuaki‘í? (1 Sām. 15:24)

   3. (f) Ko e hā ‘a e fakatokanga ‘oku totonu ke tau tokanga ki ai he ‘ahó ni ‘i he taimi ‘oku fai mai ai ha akonakí? (1 Sām. 15:19-21; Sāme 141:5; Pal. 9:8, 9; 11:2)

Talanoa 57

1. Ko hai ‘a e hingoa ‘o e tamasi‘i ‘i he fakatātaá, pea ‘oku anga-fēfē ‘etau ‘ilo‘i ‘okú ne loto-to‘á?

2. Na‘e nofo ‘a Tēvitá ‘i fē, pea ko hai ‘a e hingoa ‘o ‘ene tamaí mo ‘ene kui-tangatá?

3. Ko e hā na‘e tala ai ‘e Sihova kia Sāmiuela ke ne ‘alu ki he fale ‘o Sesé ‘i Pētelihemá?

4. Ko e hā na‘e hoko ‘i hono ‘omai ‘e Sese ‘a e toko fitu ‘o hono ngaahi fohá kia Sāmiuelá?

5. ‘I hono ‘omai ‘o Tēvitá, ko e hā na‘e tala ‘e Sihova kia Sāmiuelá?

Ngaahi fehu‘i fakalahi:

1. Lau ‘a e 1 Sāmiuela 17:34, 35.

   ‘Oku anga-fēfē hono fakamamafa‘i ‘e he ngaahi me‘á ni ‘a e loto-to‘a ‘a Tēvita mo ‘ene falala kia Sihová? (1 Sām. 17:37)

2. Lau ‘a e 1 Sāmiuela 16:1-14.

   1. (a) ‘Oku anga-fēfē hono tokoni‘i kitautolu ‘e he ngaahi lea ‘a Sihova ‘i he 1 Sāmiuela 16:7 ke tau ta‘efilifilimānako pea ke faka‘ehi‘ehi mei he tomu‘a fehi‘a ‘i he fōtunga ‘i tu‘á? (Ng. 10:34, 35; 1 Tīm. 2:4)

   2. (e) ‘Oku anga-fēfē hono fakahaa‘i ‘i he fakatātā kia Saulá ko e taimi ‘oku to‘o ai ‘e Sihova ‘a hono laumālie mā‘oni‘oní mei ha tokotahá, ko e fo‘i ‘atā aí ‘e lava ke fakafonu ia ‘e ha laumālie kovi, pe ko ha hoholi ‘i loto ke faihala? (1 Sām. 16:14; Mt. 12:43-45; Kal. 5:16)

Talanoa 58

1. Ko e hā ‘a e pole na‘e fai ‘e Kolaiate ki he kau tau ‘Isilelí?

2. Na‘e lahi fēfē ‘a Kolaiate, pea ko e hā ‘a e pale na‘e tala‘ofa ‘e Tu‘i Saula ki he tangata te ne tāmate‘i ‘a Kolaiaté?

3. Ko e hā na‘e lea‘aki ‘e Tēvita ‘i hono tala ange ‘e Saula ‘e ‘ikai lava ke ne tau mo Kolaiate koe‘uhi ‘oku kei tamasi‘i pē ‘a Tēvitá?

4. ‘I he‘ene tali kia Kolaiaté, na‘e anga-fēfē hono fakahāhā ‘e Tēvita ‘a ‘ene falala kia Sihová?

5. Hangē ko ia ‘oku lava ke ke sio ki ai ‘i he fakatātaá, ko e hā na‘e ngāue‘aki ‘e Tēvita ke tāmate‘i ‘a Kolaiaté, pea ko e hā na‘e hoko ki he kau Filisitiá ‘i he hili ‘ení?

Ngaahi fehu‘i fakalahi:

1. Lau ‘a e 1 Sāmiuela 17:1-54.

   1. (a) Ko e hā ‘a e fakapulipuli ‘o e ta‘emanavahē ‘a Tēvitá, pea ‘e lava fēfē ke tau fa‘ifa‘itaki ki he‘ene loto-to‘á? (1 Sām. 17:37, 45; ‘Ef. 6:10, 11)

   2. (e) Ko e hā ‘oku totonu ai ki he kau Kalisitiané ke nau faka‘ehi‘ehi mei he laumālie fe‘au‘auhi hangē ko ia na‘e ‘ia Kolaiaté ‘i he kau he ngaahi va‘ingá pe fakafiefiá? (1 Sām. 17:8; Kal. 5:26; 1 Tīm. 4:8)

   3. (f) ‘Oku anga-fēfē hono fakahaa‘i ‘i he ngaahi lea ‘a Tēvitá na‘á ne ma‘u ‘a e tui ki he poupou ‘a e ‘Otuá? (1 Sām. 17:45-47; 2 Kal. 20:15)

   4. (h) ‘I he ‘ikai fakamatala‘i pē ha fe‘auhi ‘i he vaha‘a ‘o ha ongo kau tau fakafepakí, ‘oku anga-fēfē hono fakahaa‘i ‘i he fakamatala ko ení ko e taú na‘e fai mo‘oni ia ‘i he vaha‘a ‘o e ngaahi ‘otua loí pea mo e ‘Otua mo‘oni ko Sihová? (1 Sām. 17:43, 46, 47)

   5. (i) ‘Oku anga-fēfē ‘a e fa‘ifa‘itaki ‘a e toenga ‘o e kau paní ki he fa‘ifa‘itaki‘anga ‘a Tēvita ‘i he falala kia Sihová? (1 Sām. 17:37; Sel. 1:17-19; Fkh. 12:17)

Talanoa 59

1. Ko e hā na‘e meheka ai ‘a Saula kia Tēvitá, ka na‘e anga-fēfē ‘a e kehe ‘a e foha ia ‘o Saula ko Sionatané?

2. Ko e hā na‘e hoko ‘i he ‘aho ‘e taha ‘i he tā ha‘ape ‘a Tēvita kia Saulá?

3. Ko e hā na‘e pehē ‘e Saula kuo pau ke fai ‘e Tēvita ki mu‘a ke ne ‘ave ‘a e ‘ofefine ‘o Saula ko Maikalé ke hoko ko hono uaifí, pea ko e hā na‘e lea‘aki ai eni ‘e Saulá?

4. ‘I he taimi na‘e tā ai ‘e Tēvita ‘a e ha‘apé kia Saulá, ko e hā na‘e hoko ko hono tu‘o tolú iá, hangē ko ia ‘oku fakahaa‘i ‘i he fakatātaá?

5. Na‘e anga-fēfē ‘a e tokoni ‘a Maikale ke fakahaofi ‘a e mo‘ui ‘a Tēvitá, pea ko e hā leva na‘e pau ke fai ‘e Tēvita ‘o fe‘unga mo e ta‘u ‘e fitú?

Ngaahi fehu‘i fakalahi:

1. Lau ‘a e 1 Sāmiuela 18:1-30.

   1. (a) Na‘e anga-fēfē hono tomu‘a fakatātaa‘i ‘e he ‘ofa ta‘emamotu ‘a Sionatane kia Tēvitá ‘a e fe‘ofa‘aki ‘i he vaha‘a ‘o e “fanga sipi kehe” mo e “fanga sipi toko si‘i”? (1 Sām. 18:1; Sione 10:16; Luke 12:32; Sak. 8:23)

   2. (e) ‘I he vakai atu ki he mo‘oni‘i me‘a ko ia ‘o e mei hoko totonu ‘a Sionatane ko e ‘ea kia Saulá, ‘oku anga-fēfē hono fakahaa‘i ‘i he 1 Sāmiuela 18:4 ‘a e fakamo‘ulaloa ‘iloa ‘a Sionatane ki he tokotaha na‘e fili ke hoko ko e tu‘í?

   3. (f) ‘Oku anga-fēfē hono fakahaa‘i ‘i he fakatātā kia Saulá ko e meheká ‘e lava ke iku ia ki he angahala mamafa, pea ko e hā ‘a e fakatokanga ‘oku ‘omai ‘e he me‘á ni kiate kitautolú? (1 Sām. 18:7-9, 25; Sēm. 3:14-16)

2. Lau ‘a e 1 Sāmiuela 19:1-17.

   ‘I he fehangahangai mo Saulá, na‘e anga-fēfē hono tuku ‘e Sionatane ‘ene mo‘uí tonu ki he fakatu‘utāmakí? (1 Sām. 19:1, 4-6; Pal. 16:14)

Talanoa 60

1. Ko hai ‘a e hingoa ‘o e fefine ‘oku ha‘u ke fakafetaulaki kia Tēvita ‘i he fakatātaá, pea ko e tokotaha fēfē ia?

2. Ko hai ‘a Nāpale?

3. Ko e hā na‘e fekau‘i atu ai ‘e Tēvita ‘a e ni‘ihi ‘o ‘ene kau tangatá ke kole ha me‘a meia Nāpalé?

4. Ko e hā na‘e lea‘aki ‘e Nāpale ki he kau tangata ‘a Tēvitá, pea na‘e anga-fēfē ‘a e tali ki ai ‘a Tēvitá?

5. Na‘e anga-fēfē hono fakahaa‘i ‘e ‘Apikale ko ha fefine fakapotopoto iá?

Ngaahi fehu‘i fakalahi:

1. Lau ‘a e 1 Sāmiuela 22:1-4.

   Na‘e anga-fēfē ‘a e ‘omai ‘e he fāmili ‘o Tēvitá ha fa‘ifa‘itaki‘anga lelei ‘o e founga ‘oku totonu ke tau fepoupouaki ai ‘i he fetokoua‘aki faka-Kalisitiané? (Pal. 17:17; 1 Tes. 5:14)

2. Lau ‘a e 1 Sāmiuela 25:1-43.

   1. (a) Ko e hā ‘oku fakamatala‘i mātu‘aki paetaku‘i ai ‘a Nāpalé? (1 Sām. 25:2-5, 10, 14, 21, 25)

   2. (e) Ko e hā ‘oku lava ke ako ‘e he ngaahi uaifi Kalisitiane he ‘aho ní mei he fa‘ifa‘itaki‘anga ‘a ‘Apikalé? (1 Sām. 25:32, 33; Pal. 31:26; ‘Ef. 5:24)

   3. (f) Ko e hā ‘a e me‘a ‘e ua na‘e kovi na‘e ta‘ofi ‘e ‘Apikale ‘a Tēvita mei hono faí? (1 Sām. 25:31, 33; Loma 12:19; ‘Ef. 4:26)

   4. (h) ‘Oku anga-fēfē ‘a e tokoni ki he kau tangata he ‘aho ní ‘a e tali ‘a Tēvita ki he ngaahi lea ‘a ‘Apikalé ke nau ma‘u ai ‘a e vakai ‘a Sihova ki he kakai fefiné? (Ng. 21:8, 9; Loma 2:11; 1 Pita 3:7)

Talanoa 61

1. Ko e hā na‘e fai ‘e Tēvita mo ‘Apisai lolotonga ‘a e mohe ‘a Saula ‘i hono ‘apitangá?

2. Ko e hā ‘a e ngaahi fehu‘i na‘e ‘eke ‘e Tēvita kia Saulá?

3. Hili ‘ene mavahe meia Saulá, na‘e ‘alu ‘a Tēvitá ki fē?

4. Ko e hā na‘á ne ‘ai ‘a Tēvita ke ne fu‘u loto-mamahi ‘o ne fa‘u ai ha hiva faka‘ofo‘ofá?

5. Na‘e ta‘u fiha ‘a Tēvita ‘i hono fakanofo tu‘i ‘i Hepeloní, pea ko hai ‘a e hingoa ‘o e ni‘ihi ‘o hono ngaahi fohá?

6. Na‘e pule ‘a Tēvita ki mui ko e tu‘i ‘i fē?

Ngaahi fehu‘i fakalahi:

1. Lau ‘a e 1 Sāmiuela 26:1-25.

   1. (a) Ko e fakamatala ‘a Tēvita ‘oku lēkooti ‘i he 1 Sāmiuela 26:11 ko e hā ‘a e fakakaukau ‘oku fakahaa‘i ai ki he maau fakateokalatí? (Sāme 37:7; Loma 13:2)

   2. (e) ‘I he‘etau fai ha feinga tōtōivi ke fakahaa‘i ‘a e ‘alo‘ofá kae fetaulaki mo ha tali ta‘ehounga‘iá, ‘e lava fēfē ke tokoni‘i kitautolu ‘e he ngaahi lea ‘a Tēvita ‘oku ma‘u ‘i he 1 Sāmiuela 26:23 ke tau tauhi ma‘u ha vakai totonú? (1 Tu‘i 8:32; Sāme 18:20)

2. Lau ‘a e 2 Sāmiuela 1:26.

   ‘E lava fēfē ke fakatupu ‘e he kau Kalisitiane he ‘aho ní ‘a e fa‘ahinga tatau ‘o e ‘fe‘ofa‘aki tukuingata’ na‘e ma‘u ‘e Tēvita mo Sionatané? (1 Pita 4:8; Kol. 3:14; 1 Sione 4:12)

3. Lau ‘a e 2 Sāmiuela 5:1-10.

   1. (a) Na‘e ta‘u ‘e fiha ‘a e pule fakatu‘i ‘a Tēvitá, pea na‘e anga-fēfē hono vahevahe ‘a e vaha‘a taimi ko ení? (2 Sām. 5:4, 5)

   2. (e) Na‘e tupu mei he hā ‘a e tu‘unga lahi ‘o Tēvitá, pea ‘oku anga-fēfē ‘a ‘ene hoko ko ha fakamanatu ia kiate kitautolu he ‘aho ní? (2 Sām. 5:10; 1 Sām. 16:13; 1 Kol. 1:31; Fili. 4:13)

Talanoa 62

1. ‘I he tokoni ‘a Sihová, ko e hā na‘e iku ‘o hoko ki he fonua ko Kēnaní?

2. Ko e hā na‘e hoko ‘i he efiafi ‘e taha na‘e nofo ai ‘a Tēvita ‘i he funga fale ‘o hono palasí?

3. Ko e hā na‘e ‘ita ‘aupito ai ‘a Sihova kia Tēvitá?

4. ‘I he fakatātaá, ko hai na‘e fekau‘i ‘e Sihova ke ne tala kia Tēvita ‘a ‘ene ngaahi angahalá, pea ko e hā na‘e lea‘aki ‘e he tangata ko iá ‘e hoko kia Tēvitá?

5. Ko e hā ‘a e faingata‘a na‘e hoko kia Tēvitá?

6. Ko hai na‘e hoko ko e tu‘i ‘o ‘Isilelí ‘i he hili ‘a Tēvitá?

Ngaahi fehu‘i fakalahi:

1. Lau ‘a e 2 Sāmiuela 11:1-27.

   1. (a) ‘Oku anga-fēfē ‘a e hoko ko ha malu‘i kiate kitautolu ‘a e hanganaki femo‘uekina ‘i he ngāue ‘a Sihová?

   2. (e) Na‘e anga-fēfē hono tohoaki‘i ‘a Tēvita ki he angahalá, pea ko e hā ‘a e fakatokanga ‘oku ‘omai ‘e he me‘á ni ki he kau sevāniti ‘a Sihova he ‘aho ní? (2 Sām. 11:2; Mt. 5:27-29; 1 Kol. 10:12; Sēm. 1:14, 15)

2. Lau ‘a e 2 Sāmiuela 12:1-18.

   1. (a) Ko e hā ‘a e lēsoni ‘e lava ke ako ‘e he kau mātu‘á mo e ngaahi mātu‘á mei he founga ‘o e fakaofiofi ‘a Nētane kia Tēvita ke fai ha akonakí? (2 Sām. 12:1-4; Pal. 12:18; Mt. 13:34)

   2. (e) Ko e hā na‘e faimeesi ai ‘a Sihova kia Tēvitá? (2 Sām. 12:13; Sāme 32:5; 2 Kol. 7:9, 10)

Talanoa 63

1. Ko e hā na‘e ‘eke ‘e Sihova kia Solomoné, pea na‘e anga-fēfē ‘ene talí?

2. Ko e hā na‘e tala‘ofa ‘a Sihova ke ‘oange kia Solomone koe‘uhi ko ‘ene lelei‘ia ‘i he‘ene kolé?

3. Ko e hā ‘a e palopalema faingata‘a na‘e ‘omai ‘e ha ongo fefine kia Solomoné?

4. Hangē ko ia ‘oku lava ke ke sio ki ai ‘i he fakatātaá, na‘e anga-fēfē hono solova ‘e Solomone ‘a e palopalemá?

5. Na‘e fēfē ‘a e pule ‘a Solomoné, pea ko e hā hono ‘uhingá?

Ngaahi fehu‘i fakalahi:

1. Lau ‘a e 1 Tu‘i 3:3-28.

   1. (a) Ko e hā ‘e lava ke ako ‘e he kau tangata ‘oku ‘oange ki ai ‘a e ngaahi fatongia ‘i he kautaha ‘a e ‘Otuá he ‘aho ní mei he fakamatala ongo‘i loloto ‘a Solomone ‘i he 1 Tu‘i 3:7? (Sāme 119:105; Pal. 3:5, 6)

   2. (e) ‘Oku anga-fēfē ‘a e hoko ‘a e kole ‘a Solomoné ko ha fa‘ifa‘itaki‘anga lelei ia ki he ngaahi me‘a totonu ke fai ki ai ‘a e lotú? (1 Tu‘i 3:9, 11; Pal. 30:8, 9; 1 Sione 5:14)

   3. (f) Ko e hā ‘a e loto-falala ‘oku ‘omai kiate kitautolu ‘i hono fakalelei‘i ‘e Solomone ‘a e fakakikihi ‘i he vaha‘a ‘o e ongo fefiné ‘o fekau‘aki mo e tu‘unga-pule ‘a e Solomone Lahi Angé ‘i he kaha‘ú, ‘a ia ko Sīsū Kalaisí? (1 Tu‘i 3:28; ‘Ai. 9:6, 7; 11:2-4)

2. Lau ‘a e 1 Tu‘i 4:29-34.

   1. (a) Na‘e anga-fēfē hono tali ‘e Sihova ‘a e kole ‘a Solomone ki ha loto-talangofuá? (1 Tu‘i 4:29)

   2. (e) ‘I he vakai atu ki he ngaahi feinga na‘e fai ‘e he kakaí ke fanongo ki he poto ‘o Solomoné, ko e hā ‘oku totonu ke hoko ko ‘etau fakakaukaú ia ki hono ako ‘o e Folofola ‘a e ‘Otuá? (1 Tu‘i 4:29, 34; Sione 17:3; 2 Tīm. 3:16)

Talanoa 64

1. Ko e hā hono lōloa pea ‘osi ai ‘a hono langa ‘e Solomone ‘a e temipale ‘o Sihová, pea ko e hā na‘e lahi ‘aupito ai ‘a e pa‘anga na‘e fakamole ki aí?

2. Ko e ongo loki lalahi ‘e fiha na‘e ‘i he temipalé, pea ko e hā na‘e tuku ‘i he loki ‘i lotó?

3. Ko e hā na‘e lea‘aki ‘e Solomone ‘i he‘ene lotu ‘i he taimi na‘e ‘osi ai ‘a e temipalé?

4. Na‘e anga-fēfē hono fakahaa‘i ‘e Sihova na‘á ne lelei‘ia ‘i he lotu ‘a Solomoné?

5. Ko e hā na‘e ‘ai ‘e he ngaahi uaifi ‘o Solomoné ‘a ia ke ne faí, pea ko e hā na‘e hoko kia Solomoné?

6. Ko e hā na‘e ‘ita ai ‘a Sihova kia Solomoné, pea ko e hā na‘á ne tala ange kiate iá?

Ngaahi fehu‘i fakalahi:

1. Lau ‘a e 1 Kalonikali 28:9, 10.

   ‘I he vakai atu ki he ngaahi lea ‘a Tēvita na‘e lēkooti ‘i he 1 Kalonikali 28:9, 10, ko e hā ‘oku totonu ke tau feinga ke fai ‘i he‘etau mo‘ui faka‘ahó? (Sāme 19:14; Fili. 4:8, 9)

2. Lau ‘a e 2 Kalonikali 6:12-21, 32-42.

   1. (a) Na‘e anga-fēfē hono fakahaa‘i ‘e Solomone ‘e ‘ikai ha fale ‘e ngaohi ‘e he tangatá ‘e lava ke hao ai ‘a e ‘Otua Fungani Mā‘olungá? (2 Kal. 6:18; Ng. 17:24, 25)

   2. (e) Ko e hā ‘oku fakahaa‘i ‘i he ngaahi lea ‘a Solomone ‘oku ‘i he 2 Kalonikali 6:32, 33 ‘o fekau‘aki mo Sihová? (Ng. 10:34, 35; Kal. 2:6)

3. Lau ‘a e 2 Kalonikali 7:1-5.

   Hangē pē ko hono ue‘i ‘a e fānau ‘a ‘Isilelí ke nau fakahaa‘i ha fakahīkihiki kia Sihova ‘i he sio ki hono lāngilangí, ‘oku totonu ke fēfē hono ue‘i kitautolu he ‘aho ní ‘i he taimi ‘oku tau fakakaukauloto ai ki hono tāpuaki‘i ‘e Sihova ‘a hono kakaí? (2 Kal. 7:3; Sāme 22:22; 34:1; 96:2)

4. Lau ‘a e 1 Tu‘i 11:9-13.

   ‘Oku anga-fēfē hono fakahaa‘i ‘i he ‘alunga mo‘ui ‘a Solomoné ‘a e mahu‘inga ‘o e hanganaki angatonu ke a‘u ki he ngata‘angá? (1 Tu‘i 11:4, 9; Mt. 10:22; Fkh. 2:10)

Talanoa 65

1. Ko hai ‘a e hingoa ‘o e ongo tangata ‘i he fakatātaá pea ko hai kinaua?

2. Ko e hā na‘e fai ‘e ‘Ahaia ki he pulupulu na‘á ne tuí, pea ko e hā ‘a e ‘uhinga ‘o e fo‘i ngāue ko iá?

3. Ko e hā na‘e feinga ‘a Solomone ke fai kia Selopoamé?

4. Ko e hā na‘e ‘ai ai ‘e he kakaí ‘a Selopoame ke tu‘i ki he matakali ‘e hongofulú?

5. Ko e hā na‘e ngaohi ai ‘e Selopoame ‘a e ongo ki‘i pulu koulá, pea ko e hā na‘e hoko ki he fonuá ‘i he hili pē iá?

6. Ko e hā na‘e hoko ki he pule‘anga matakali ‘e uá pea mo e temipale ‘o Sihova ‘i Selusalemá?

Ngaahi fehu‘i fakalahi:

1. Lau ‘a e 1 Tu‘i 11:26-43.

   Ko e tokotaha fēfē ‘a Selopoame, pea ko e hā na‘e tala‘ofa ange ‘e Sihova kiate ia kapau te ne tauhi ‘a e ngaahi lao ‘a e ‘Otuá? (1 Tu‘i 11:28, 38)

2. Lau ‘a e 1 Tu‘i 12:1-33.

   1. (a) Mei he fa‘ifa‘itaki‘anga kovi ‘a Lehopoamé, ko e hā ‘e lava ke ako ‘e he ngaahi mātu‘á mo e kau mātu‘á fekau‘aki mo hono ngāuekovi‘aki ‘o e mafaí? (1 Tu‘i 12:13; Koh. 7:7; 1 Pita 5:2, 3)

   2. (e) Ko hai ‘oku totonu ke hanga ki ai ‘a e to‘utupu he ‘aho ní ki ha tataki alafalala‘anga ‘i hono fai ‘a e ngaahi fili mafatukituki ‘i he mo‘uí? (1 Tu‘i 12:6, 7; Pal. 1:8, 9; 2 Tīm. 3:16, 17; Hep. 13:7)

   3. (f) Ko e hā na‘á ne ue‘i ‘a Selopoame ke ne fokotu‘u ha ongo senitā ki he lotu ki he pulú, pea na‘e anga-fēfē hono fakahaa‘i ‘i he me‘á ni ha ta‘etui lahi kia Sihová? (1 Tu‘i 11:37; 12:26-28)

   4. (h) Ko hai na‘á ne tataki ‘a e kakai ‘o e pule‘anga matakali ‘e hongofulú ‘i ha angatu‘u ki he lotu mo‘oní? (1 Tu‘i 12:32, 33)

Talanoa 66

1. Ko hai ‘a Sisipeli?

2. Ko e hā na‘e loto-mamahi ai he ‘aho ‘e taha ‘a Tu‘i ‘Ēhapí?

3. Ko e hā na‘e fai ‘e Sisipeli ke ma‘u ai ‘a e ngoue vaine ‘a Nēpoté ma‘a hono husepāniti ko ‘Ēhapí?

4. Ko hai na‘e fekau‘i mai ‘e Sihova ke ne tautea‘i ‘a Sisipelí?

5. Hangē ko ia ‘oku lava ke ke sio ki ai ‘i he fakatātaá, ko e hā na‘e hoko ‘i he taimi na‘e a‘u atu ai ‘a Sehu ki he palasi ‘o Sisipelí?

Ngaahi fehu‘i fakalahi:

1. Lau ‘a e 1 Tu‘i 16:29-33 mo e 18:3, 4.

   Na‘e kovi fēfē ‘a e ngaahi tu‘unga ‘i ‘Isilelí lolotonga ‘a e taimi ‘o Tu‘i ‘Ēhapí? (1 Tu‘i 14:9)

2. Lau ‘a e 1 Tu‘i 21:1-16.

   1. (a) Na‘e anga-fēfē hono fakahaa‘i ‘e Nēpote ‘a e loto-to‘a mo e mateaki kia Sihová? (1 Tu‘i 21:1-3; Liv. 25:23-28)

   2. (e) Mei he fa‘ifa‘itaki‘anga ‘a ‘Ēhapí, ko e hā ‘e lava ke tau ako fekau‘aki mo e fekuki pea mo e siva ‘a e ‘amanakí? (1 Tu‘i 21:4; Loma 5:3-5)

3. Lau ‘a e 2 Tu‘i 9:30-37.

   Ko e hā ‘e lava ke tau ako mei he faivelenga ‘a Sehu ‘i hono fai ‘a e finangalo ‘o Sihová? (2 Tu‘i 9:4-10; 2 Kol. 9:1, 2; 2 Tīm. 4:2)

Talanoa 67

1. Ko hai ‘a Sihosafate, pea na‘á ne mo‘ui ‘i he taimi fē?

2. Ko e hā na‘e ilifia ai ‘a e kau ‘Isilelí, pea ko e hā na‘e fai ‘e he tokolahi ‘o kinautolú?

3. Ko e hā ‘a e tali na‘e ‘omai ‘e Sihova ki he lotu ‘a Sihosafaté?

4. Ko e hā na‘e ‘ai ‘e Sihova ke hoko ki mu‘a ‘i he taú?

5. Ko e hā ‘a e lēsoni ‘e lava ke tau ako meia Sihosafaté?

Ngaahi fehu‘i fakalahi:

1. Lau ‘a e 2 Kalonikali 20:1-30.

   1. (a) Na‘e anga-fēfē ‘a e fakahāhā ‘e Sihosafate ‘a e me‘a ‘oku totonu ke fai ‘e he kau sevāniti faitōnunga ‘a e ‘Otuá ‘i he‘enau fehangahangai mo e ngaahi tu‘unga fakamanamaná? (2 Kal. 20:12; Sāme 25:15; 62:1)

   2. (e) Koe‘uhi kuo ngāue‘aki ma‘u pē ‘e Sihova ha fou‘anga ‘o e fetu‘utakí ‘i he‘ene feangainga mo hono kakaí, ko e hā ‘a e fou‘anga ‘okú ne ngāue‘aki he ‘aho ní? (2 Kal. 20:14, 15; Mt. 24:45-47; Sione 15:15)

   3. (f) ‘I he taimi ‘e kamata ai ‘e he ‘Otuá ‘a e “tau ‘o e ‘aho lahi ‘o e ‘Otua Aoniu,” ‘e anga-fēfē ‘a e hoko ‘o meimei tatau ‘a hotau tu‘ungá mo e tu‘unga ko ia ‘o Sihosafaté? (2 Kal. 20:15, 17; 32:8; Fkh. 16:14, 16)

   4. (h) ‘I he fa‘ifa‘itaki ki he kau Līvaí, ko e hā ‘a e fa‘ahinga tokoni ‘oku fai ‘e he kau tāimu‘á mo e kau misinalé ki he ngāue fakamalanga ‘i māmani lahi he ‘aho ní? (2 Kal. 20:19; Loma 10:13-15; 2 Tīm. 4:2)

Talanoa 68

1. Ko hai ‘a e kakai ‘e toko tolu ‘i he fakatātaá, pea ko e hā na‘e hoko ki he tamasi‘í?

2. Ko e hā na‘e lotu ki ai ‘a ‘Ilaisiā fekau‘aki mo e tamasi‘í, pea ko e hā na‘e hoko atu aí?

3. Ko hai ‘a e hingoa ‘o e tokoni ‘o ‘Ilaisiaá?

4. Ko e hā na‘e fiema‘u ai ‘a ‘Ilaisa ki he ‘api ‘o ha fefine ‘i Sūnemí?

5. Ko e hā na‘e fai ‘e ‘Ilaisá, pea ko e hā na‘e hoko ki he tamasi‘i na‘e maté?

6. Ko e hā ‘a e mālohi ‘oku ma‘u ‘e Sihová, hangē ko ia na‘e fakahaa‘i fakafou ‘ia ‘Ilaisiā mo ‘Ilaisá?

Ngaahi fehu‘i fakalahi:

1. Lau ‘a e 1 Tu‘i 17:8-24.

   1. (a) Na‘e anga-fēfē hono ‘ahi‘ahi‘i ‘a e talangofua mo e tui ‘a ‘Ilaisiaá? (1 Tu‘i 17:9; 19:1-4, 10)

   2. (e) Ko e hā na‘e tu‘u-ki-mu‘a ai ‘a e tui ‘a e uitou ‘o Salepitá? (1 Tu‘i 17:12-16; Luke 4:25, 26)

   3. (f) ‘Oku anga-fēfē hono fakahaa‘i ‘e he me‘a na‘e hokosia ‘e he uitou ‘o Salepitá ‘a e mo‘oni ‘o e ngaahi lea ‘a Sīsū ‘oku lēkooti ‘i he Mātiu 10:41, 42? (1 Tu‘i 17:10-12, 17, 23, 24)

2. Lau ‘a e 2 Tu‘i 4:8-37.

   1. (a) Ko e hā ‘oku ako‘i mai ‘e he fefine Sūnemí kiate kitautolu ‘o fekau‘aki mo e anga-talitali kakaí? (2 Tu‘i 4:8; Luke 6:38; Loma 12:13; 1 Sione 3:17)

   2. (e) ‘I he ngaahi founga fē ‘e lava ke tau fakahaa‘i ai ‘a e ngaahi ngāue anga-lelei ki he kau sevāniti ‘a e ‘Otuá he ‘aho ní? (Ng. 20:35; 28:1, 2; Kal. 6:9, 10; Hep. 6:10)

Talanoa 69

1. ‘I he fakatātaá, ko e hā ‘oku tala ange ‘e he ki‘i ta‘ahiné ki he fefiné?

2. Ko hai ‘a e fefine ‘i he fakatātaá, pea ko e hā ‘oku fai ‘e he ki‘i ta‘ahiné ‘i he fale ‘o e fefiné?

3. Ko e hā na‘e fakahinohino ‘e ‘Ilaisa ki he‘ene sevānití ke ne tala kia Neamaní, pea ko e hā na‘e ‘ita ai ‘a Neamaní?

4. Ko e hā na‘e hoko ‘i he fanongo ‘a Neamani ki he‘ene kau sevānití?

5. Ko e hā na‘e ‘ikai ke tali ai ‘e ‘Ilaisa ‘a e me‘a‘ofa ‘a Neamaní, ka ko e hā na‘e fai ‘e Kēhesí?

6. Ko e hā na‘e hoko kia Kēhesí, pea ko e hā ‘e lava ke tau ako mei hení?

Ngaahi fehu‘i fakalahi:

1. Lau ‘a e 2 Tu‘i 5:1-27.

   1. (a) ‘E lava fēfē ke fakalototo‘a‘i ‘a e to‘utupu he ‘aho ní ‘e he fa‘ifa‘itaki‘anga na‘e fokotu‘u ‘e he ki‘i ta‘ahine ‘Isilelí? (2 Tu‘i 5:3; Sāme 8:2; 148:12, 13)

   2. (e) Ko e hā ‘oku lelei ai ke manatu‘i ‘a e fa‘ifa‘itaki‘anga ‘a Neamaní ‘i he taimi ‘oku tau ma‘u ai ha akonaki Fakatohitapú? (2 Tu‘i 5:15; Hep. 12:5, 6; Sēm. 4:6)

   3. (f) Ko e hā ‘a e ngaahi lēsoni ‘e lava ke tau ako mei hono fakahoa ‘a e faikehekehe ‘i he fa‘ifa‘itaki‘anga ‘a ‘Ilaisá pea mo e fa‘ifa‘itaki‘anga ‘a Kēhesí? (2 Tu‘i 5:9, 10, 14-16, 20; Mt. 10:8; Ng. 5:1-5; 2 Kol. 2:17)

Talanoa 70

1. Ko hai ‘a Siona, pea ko e hā na‘e tala ange ‘e Sihova ke ne faí?

2. Koe‘uhi na‘e ‘ikai te ne fie ‘alu ki he feitu‘u na‘e tala ange ‘e Sihova ke ‘alu ki aí, ko e hā na‘e fai ‘e Sioná?

3. Ko e hā na‘e tala ‘e Siona ki he kau kauvaká ke nau fai koe‘uhi ke ‘osi ai ‘a e afaá?

4. Hangē ko ia ‘oku lava ke ke sio ki ai ‘i he fakatātaá, ko e hā na‘e hoko ‘i he taimi na‘e pulia hifo ai ‘a Siona ‘i he loto tahí?

5. Ko e hā hono lōloa ‘o e nofo ‘a Siona ‘i loto he fu‘u iká, pea ko e hā na‘á ne fai aí?

6. Na‘e ‘alu ‘a Siona ki fē hili ‘ene hū ki tu‘a mei he fu‘u iká, pea ko e hā ‘oku ako‘i mai kiate kitautolu ‘e he me‘á ni?

Ngaahi fehu‘i fakalahi:

1. Lau ‘a e Siona 1:1-17.

   ‘Oku hā mahino na‘e fēfē ‘a e ongo‘i ‘a Siona fekau‘aki mo ‘ene ngāue ke malanga ki he kau Ninivé? (Siona 1:2, 3; Pal. 3:7; Koh. 8:12)

2. Lau ‘a e Siona 2:1, 2, 10.

   ‘Oku anga-fēfē hono ‘omai kiate kitautolu ‘e he me‘a na‘e hokosia ‘e Sioná ‘a e falala ‘e tali ‘e Sihova ‘etau ngaahi lotú? (Sāme 22:24; 34:6; 1 Sione 5:14)

3. Lau ‘a e Siona 3:1-10.

   1. (a) Ko e hā ‘a e fakalototo‘a ‘oku tau ma‘u mei he mo‘oni‘i me‘a ko ia ‘o e hokohoko atu ‘e Sihova hono ngāue‘aki ‘a Siona neongo ‘a ‘ene mu‘aki ta‘emalava ke fakahoko ‘a ‘ene ngāué? (Sāme 103:14; 1 Pita 5:10)

   2. (e) Ko e hā ‘oku ako‘i mai kiate kitautolu ‘e he me‘a na‘e hokosia ‘e Siona ‘i he kau Ninivé fekau‘aki mo hono tomu‘a fakamāu‘i ‘a e kakai ‘i hotau feitu‘u ngāué? (Siona 3:6-9; Koh. 11:6; Ng. 13:48)

Talanoa 71

1. Ko hai ‘a ‘Aisea, na‘á ne mo‘uí ‘anefē, pea ko e hā na‘e fakahaa‘i ‘e Sihova kiate iá?

2. Ko e hā ‘a e ‘uhinga ‘o e fo‘i lea “palataisi,” pea ko e hā ‘okú ne fakamanatu kiate koé?

3. Ko e hā na‘e tala ‘e Sihova kia ‘Aisea ke ne tohi ‘o fekau‘aki mo e Palataisi fo‘oú?

4. Ko e hā na‘e mole ai meia ‘Ātama mo ‘Ivi ‘a hona ‘api faka‘ofo‘ofá?

5. Ko e hā ‘oku tala‘ofa ‘e Sihova ki he fa‘ahinga ‘oku ‘ofa kiate iá?

Ngaahi fehu‘i fakalahi:

1. Lau ‘a e ‘Aisea 11:6-9.

   1. (a) ‘Oku anga-fēfē hono fakatātaa‘i ‘i he Folofola ‘a e ‘Otuá ‘a e melino ‘e hoko ‘i he vaha‘a ‘o e fanga manú mo e tangatá ‘i he māmani fo‘oú? (Sāme 148:10, 13; ‘Ai. 65:25; ‘Isi. 34:25)

   2. (e) Ko e hā ‘a e fakahoko fakalaumālie ‘o e ngaahi lea ‘a ‘Aiseá ‘oku hoko ‘i he lotolotonga ‘o e kakai ‘a Sihova he ‘aho ní? (Loma 12:2; ‘Ef. 4:23, 24)

   3. (f) Ko hai ‘oku tuha mo e lāngilangi ki hono liliu ‘a e ngaahi anga‘itangata fakaetangatá fakatou‘osi he taimí ni pea ‘i he māmani fo‘oú? (‘Ai. 48:17, 18; Kal. 5:22, 23; Fili. 4:7)

2. Lau ‘a e Fakahā 21:3, 4.

   1. (a) ‘Oku anga-fēfē hono fakahaa‘i ‘i he Tohitapú ko e nofo ‘a e ‘Otuá mo e fa‘ahinga ‘o e tangatá ‘oku ‘uhinga iá ‘okú ne ‘i ai fakaefakatātā, ‘o ‘ikai ‘i ai fakaesino ‘i he māmaní? (Liv. 26:11, 12; 2 Kal. 6:18; ‘Ai. 66:1; Fkh. 21:2, 3, 22-24)

   2. (e) Ko e hā ‘a e lo‘imata mo e mamahi ‘e ‘ikai ke toe ‘i aí? (Luke 8:49-52; Loma 8:21, 22; Fkh. 21:4)

Talanoa 72

1. Ko hai ‘a e tangata ‘i he fakatātaá, pea ko e hā ‘okú ne faingata‘a‘ia lahi aí?

2. Ko e hā ‘a e ngaahi tohi na‘e tuku ‘e Hesekaia ‘i he ‘ao ‘o e ‘Otuá, pea ko e hā ‘a e lotu ‘a Hesekaiá?

3. Ko e tu‘i fēfē ‘a Hesekaia, pea ko e hā ‘a e pōpoaki na‘e ‘oange kiate ia ‘e Sihova fakafou ‘i he palōfita ko ‘Aiseá?

4. Ko e hā na‘e fai ‘e he ‘āngelo ‘a Sihová ki he kau ‘Asīliá, hangē ko ia ‘oku fakahaa‘i ‘i he fakatātaá?

5. Neongo na‘e melino ‘i ha ki‘i taimi ‘a e pule‘anga matakali ‘e uá, ko e hā na‘e hoko hili ‘a e mate ‘a Hesekaiá?

Ngaahi fehu‘i fakalahi:

1. Lau ‘a e 2 Tu‘i 18:1-36.

   1. (a) Na‘e anga-fēfē ‘a e feinga ‘a e tangata-lea ‘Asīlia ko Lapisaké ke fakavaivai‘i ‘a e tui ‘a e kau ‘Isilelí? (2 Tu‘i 18:19, 21; ‘Eki. 5:2; Sāme 64:3)

   2. (e) ‘I he feangai mo e kau fakafepakí, ‘oku anga-fēfē ‘a e tokanga ‘a e Kau Fakamo‘oni ‘a Sihová ki he fa‘ifa‘itaki‘anga ‘a Hesekaiá? (2 Tu‘i 18:36; Sāme 39:1; Pal. 26:4; 2 Tīm. 2:24)

2. Lau ‘a e 2 Tu‘i 19:1-37.

   1. (a) ‘Oku anga-fēfē ‘a e fa‘ifa‘itaki ‘a e kakai ‘a Sihova he ‘aho ní kia Hesekaia ‘i he taimi ‘o e faingata‘á? (2 Tu‘i 19:1, 2; Pal. 3:5, 6; Hep. 10:24, 25; Sēm. 5:14, 15)

   2. (e) Ko e hā ‘a e fo‘i tu‘o tolu na‘e hokosia ‘e Tu‘i Senakalipé, pea ko hai ‘okú ne fakatātaa‘i fakaekikité? (2 Tu‘i 19:32, 35, 37; Fkh. 20:2, 3)

3. Lau ‘a e 2 Tu‘i 21:1-6, 16.

   Ko e hā ‘oku lava ai ke pehē ko Manase ko e taha ia ‘o e ngaahi tu‘i fulikivanu taha na‘e pule ‘i Selusalemá? (2 Kal. 33:4-6, 9)

Talanoa 73

1. Na‘e ta‘u fiha ‘a Siosaia ‘i he‘ene hoko ko e tu‘í, pea ko e hā na‘á ne kamata fai ‘i he‘ene tu‘i ‘i he ta‘u ‘e fitú?

2. Ko e hā ‘okú ke sio ‘oku fai ‘e Siosaia ‘i he ‘uluaki fakatātaá?

3. Ko e hā na‘e ma‘u ‘e he taula‘eiki lahí ‘i he taimi na‘e monomono ai ‘e he kau tangatá ‘a e temipalé?

4. Ko e hā na‘e hae ai ‘e Siosaia ‘a hono kofú?

5. Ko e hā ‘a e pōpoaki meia Sihova na‘e ‘oange ‘e he palōfita fefine ko Hūlitá kia Siosaiá?

Ngaahi fehu‘i fakalahi:

1. Lau ‘a e 2 Kalonikali 34:1-28.

   1. (a) Ko e hā ‘a e fa‘ifa‘itaki‘anga ‘oku ‘omai ‘e Siosaia ki he fa‘ahinga kuo pau nai ke nau kātekina ha tu‘unga faingata‘a ‘i he kei si‘í? (2 Kal. 33:21-25; 34:1, 2; Sāme 27:10)

   2. (e) Ko e hā ‘a e ngaahi sitepu mahu‘inga na‘e fou ai ‘a Siosaia ke laka ki mu‘a ‘a e lotu mo‘oní lolotonga ‘a e ta‘u hono 8, 12 mo hono 18 ‘o ‘ene pulé? (2 Kal. 34:3, 8)

   3. (f) Ko e hā ‘a e ngaahi lēsoni ‘i hono tauhi ma‘u hotau ngaahi feitu‘u fai‘anga lotú ‘e lava ke tau ako mei he ngaahi fa‘ifa‘itaki‘anga na‘e fokotu‘u ‘e Tu‘i Siosaia mo e Taula‘eiki Lahi ko Hilikaiá? (2 Kal. 34:9-13; Pal. 11:14; 1 Kol. 10:31)

Talanoa 74

1. Ko hai ‘a e talavou ‘i he fakatātaá?

2. Ko e hā na‘e fakakaukau ki ai ‘a Selemaia fekau‘aki mo ‘ene hoko ko ha palōfitá, ka ko e hā na‘e tala ange ‘e Sihova kiate iá?

3. Ko e hā ‘a e pōpoaki na‘e tala ma‘u pē ‘e Selemaia ki he kakaí?

4. Na‘e anga-fēfē ‘a e feinga ‘a e kau taula‘eikí ke ta‘ofi ‘a Selemaiá, ka na‘e anga-fēfē ‘ene fakahaa‘i ‘oku ‘ikai ke ne ilifiá?

5. Ko e hā na‘e hoko ‘i he ‘ikai ke liliu ‘e he kau ‘Isilelí ‘enau ngaahi founga koví?

Ngaahi fehu‘i fakalahi:

1. Lau ‘a e Selemaia 1:1-8.

   1. (a) Hangē ko ia na‘e fakahāhā ‘i he fa‘ifa‘itaki‘anga ‘a Selemaiá, ko e hā ‘okú ne ‘ai ha taha ke taau ki he ngāue ‘a Sihová? (2 Kol. 3:5, 6)

   2. (e) Ko e hā ‘a e fakalototo‘a ‘oku ‘omai ‘i he fa‘ifa‘itaki‘anga ‘a Selemaiá ki he kau talavou Kalisitiane he ‘aho ní? (Koh. 12:2 [12:1, PM]; 1 Tīm. 4:12)

2. Lau ‘a e Selemaia 10:1-5.

   Ko e hā ‘a e talanoa fakatātā mālohi na‘e ngāue‘aki ‘e Selemaia ke fakahaa‘i ‘a e ta‘e‘aonga ‘o e falala ki he ngaahi ‘aitolí? (Sel. 10:5; ‘Ai. 46:7; Hap. 2:19)

3. Lau ‘a e Selemaia 26:1-16.

   1. (a) ‘I hono fakaongo atu ‘a e pōpoaki fakatokanga he ‘aho ní, kuo anga-fēfē ‘a e tokanga ‘a e toenga ‘o e kau paní ki he fekau ‘a Sihova kia Selemaia ke ‘ ‘oua te ne li‘aki ha fo‘i leá’? (Sel. 26:2; Teu. 4:2; Ng. 20:27)

   2. (e) Ko e hā ‘a e fa‘ifa‘itaki‘anga lelei na‘e ‘omai ‘e Selemaia ki he Kau Fakamo‘oni ‘a Sihova he ‘aho ní ‘i hono talaki ‘a e fakatokanga ‘a Sihová ki he ngaahi pule‘angá? (Sel. 26:8, 12, 14, 15; 2 Tīm. 4:1-5)

4. Lau ‘a e 2 Tu‘i 24:1-17.

   Ko e hā ‘a e ngaahi nunu‘a fakamamahi na‘e hoko ‘i he ta‘eangatonu ‘a Siuta kia Sihová? (2 Tu‘i 24:2-4, 14)

Talanoa 75

1. Ko hai ‘a e tamaiki tangata ‘e toko fā ‘i he fakatātaá, pea ko e hā na‘a nau ‘i Pāpilone aí?

2. Ko e hā ‘a e ngaahi fa‘ufa‘u na‘e fai ‘e Nepukanesa ki he tamaiki tangata ‘e toko faá, pea ko e hā ‘a e ngaahi fekau na‘á ne ‘oange ki he‘ene kau sevānití?

3. Ko e hā ‘a e kole na‘e fai ‘e Tāniela fekau‘aki mo e me‘akai mo e vai ma‘ana mo hono kaungāme‘a ‘e toko tolú?

4. Hili ‘enau kai vesitapolo ‘i he ‘aho ‘e hongofulú, na‘e fēfē ‘a Tāniela mo hono kaungāme‘a ‘e toko tolú ‘i hono fakahoa ki he kau talavou kehé?

5. Na‘e anga-fēfē ‘a e hoko ‘a Tāniela mo hono kaungāme‘a ‘e toko tolú ‘o ‘i he palasi ‘o e tu‘í, pea ‘i he founga fē na‘a nau lelei ange ai ‘i he kau taula‘eikí mo e kau tangata potó?

Ngaahi fehu‘i fakalahi:

1. Lau ‘a e Tāniela 1:1-21.

   1. (a) Ko e hā ‘a e fa‘ahinga feinga ‘oku fiema‘ú kapau ‘oku tau ‘amanaki ke taliteke‘i ‘a e ngaahi ‘ahi‘ahí pea iku‘i ‘a e ngaahi vaivai‘angá? (Tān. 1:8; Sēn. 39:7, 10; Kal. 6:9)

   2. (e) ‘I he ngaahi founga fē ‘e ‘ahi‘ahi‘i nai ai ‘a e kau talavou he ‘aho ní pe tenge ke nau kau ‘i he me‘a ‘e vakai ki ai ‘a e ni‘ihi ko e “me‘akai ifo”? (Tān. 1:8, NW; Pal. 20:1; 2 Kol. 6:17–7:1)

   3. (f) Ko e hā ‘oku tokoni‘i kitautolu ‘e he fakamatala Tohitapu ki he kau talavou Hepelū ‘e toko faá ke tau ‘ilo‘i fekau‘aki mo hono ma‘u ‘a e ‘ilo fakaemāmaní? (Tān. 1:20; ‘Ai. 54:13; 1 Kol. 3:18-20)

Talanoa 76

1. Ko e hā na‘e hoko ki Selusalema pea ki he kau ‘Isilelí ‘oku fakahaa‘i ‘i he fakatātaá?

2. Ko hai ‘a ‘Isikeli, pea ko e hā ‘a e ngaahi me‘a fakalilifu na‘e fakahaa‘i ‘e Sihova kiate iá?

3. Koe‘uhi na‘e ‘ikai ha faka‘apa‘apa ‘a e kau ‘Isilelí kia Sihova, ko e hā na‘á ne palōmesí?

4. Ko e hā na‘e fai ‘e Tu‘i Nepukanesa hili ‘a e angatu‘u ‘a e kau ‘Isilelí kiate iá?

5. Ko e hā na‘e tuku ai ‘e Sihova ke hoko ‘a e faka‘auha fakalilifu ko ‘ení ki he kau ‘Isilelí?

6. Na‘e anga-fēfē hono li‘aki ‘a e fonua ko ‘Isilelí ‘o ‘ikai toe ‘i ai ha kakaí, pea ko e hā hono fuoloá?

Ngaahi fehu‘i fakalahi:

1. Lau ‘a e 2 Tu‘i 25:1-26.

   1. (a) Ko hai ‘a Setekaia, ko e hā na‘e hoko kiate iá, pea na‘e anga-fēfē ‘a e fakahoko ‘i he me‘á ni ‘a e kikite ‘a e Tohi Tapú? (2 Tu‘i 25:5-7; ‘Isi. 12:13-15)

   2. (e) Ko hai na‘e tukuaki‘i ‘e Sihova ki he kotoa ‘o e ta‘eangatonu na‘e fai ‘e ‘Isilelí? (2 Tu‘i 25:9, 11, 12, 18, 19; 2 Kal. 36:14, 17)

2. Lau ‘a e ‘Isikeli 8:1-18.

   Kuo anga-fēfē ‘a e fa‘ifa‘itaki ‘a e Pule‘anga-Ha‘a-Kalisitiané ki he kau ‘Isileli tafoki mei he mo‘oní ‘o lotu ki he la‘aá? (‘Isi. 8:16; ‘Ai. 5:20, 21; Sione 3:19-21; 2 Tīm. 4:3)

Talanoa 77

1. Ko e hā ‘a e fekau na‘e ‘oange ‘e Nepukanesa, ko e tu‘i Pāpiloné, ki he kakaí?

2. Ko e hā na‘e ‘ikai ke punou ai ‘a e kaungāme‘a ‘e toko tolu ‘o Tānielá ki he ‘īmisi koulá?

3. ‘I hono ‘oange ‘e Nepukanesa ki he kau Hepelū ‘e toko tolú ha toe faingamālie ke nau punou aí, na‘e anga-fēfē ‘enau fakahāhā ‘enau falala kia Sihová?

4. Ko e hā na‘e ‘ai ‘e Nepukanesa ke fai ‘e he‘ene kau tangatá kia Setaleki, Mēsake mo ‘Apitenikoó?

5. Ko e hā na‘e mamata ki ai ‘a Nepukanesa ‘i he‘ene sio atu ki he fōnisé?

6. Ko e hā na‘e fakamālō‘ia ai ‘e he tu‘í ‘a e ‘Otua ‘o Setaleki, Mēsake mo ‘Apitenikoó, pea ko e hā ‘a e fa‘ifa‘itaki‘anga ‘oku nau ‘omai kiate kitautolú?

Ongo fehu‘i fakalahi:

1. Lau ‘a e Tāniela 3:1-30.

   1. (a) Ko e hā ‘a e fakakaukau na‘e fakahāhā ‘e he kau talavou Hepulū ‘e toko tolú ‘oku totonu ke fa‘ifa‘itaki ki ai ‘a e kau sevāniti kotoa ‘a e ‘Otuá ‘i he‘enau fehangahangai mo e ngaahi ‘ahi‘ahi ‘o e angatonú? (Tān. 3:17, 18; Mt. 10:28; Loma 14:7, 8)

   2. (e) Ko e hā ‘a e lēsoni mahu‘inga na‘e ako‘i ‘e Sihova ko e ‘Otuá kia Nepukanesá? (Tān. 3:28, 29; 4:34, 35)

Talanoa 78

1. Ko e hā na‘e hoko ‘i he fu‘u kātoanga ‘a e tu‘i Pāpiloné pea ngāue‘aki ai ‘a e ngaahi ipu mo e ngaahi poulu na‘e ‘omai mei he temipale ‘o Sihova ‘i Selusalemá?

2. Ko e hā na‘e lea‘aki ‘e Pelisasa ki he‘ene kau tangata potó, ka ko e hā na‘e ‘ikai lava ke nau faí?

3. Ko e hā na‘e tala ange ‘e he fa‘ē ‘a e tu‘í kiate ia ke ne faí?

4. Fakatatau ki he me‘a na‘e tala ‘e Tāniela ki he tu‘í, ko e hā na‘e fekau mai ai ‘e he ‘Otuá ‘a e nimá ke tohi ‘i he holisí?

5. Na‘e anga-fēfē hono fakamatala‘i ‘e Tāniela ‘a e ‘uhinga ‘o e ngaahi lea ‘i he holisí?

6. Ko e hā na‘e hoko ‘i he lolotonga ‘a e kei lea ‘a Tānielá?

Ngaahi fehu‘i fakalahi:

1. Lau ‘a e Tāniela 5:1-31.

   1. (a) Fakafaikehekehe‘i ‘a e manavahē faka‘otuá mo e manavahē na‘e ongo‘i ‘e Pelisasa ‘i he‘ene sio ki he tohi ‘i he holisí. (Tān. 5:6, 7; Sāme 19:9; Loma 8:35-39)

   2. (e) Na‘e anga-fēfē hono fakahaa‘i ‘e Tāniela ‘a e loto-to‘a lahi ‘i he‘ene lea kia Pelisasa mo ‘ene kau mā‘olungá? (Tān. 5:17, 18, 22, 26-28; Ng. 4:29)

   3. (f) ‘I he founga fē ‘oku fakamamafa‘i ai ‘i he Tāniela vahe 5 ‘a e tu‘unga-hau fakaleveleva ‘o Sihová? (Tān. 4:17, 25; 5:21)

Talanoa 79

1. Ko hai ‘a Talaiasi, pea na‘e anga-fēfē ‘ene vakai kia Tānielá?

2. Ko e hā na‘e ‘ai ‘e he kau tangata meheká ke fai ‘e Talaiasí?

3. Ko e hā na‘e fai ‘e Tānielá ‘i he‘ene ‘ilo fekau‘aki mo e lao fo‘oú?

4. Ko e hā na‘e fu‘u loto-mamahi ‘aupito ai ‘a Talaiasi ‘o ‘ikai malava ke ne mohé, pea ko e hā na‘á ne fai he pongipongi hono hokó?

5. Na‘e anga-fēfē ‘a e tali ‘a Tāniela kia Talaiasí?

6. Ko e hā na‘e hoko ki he kau tangata kovi na‘a nau feinga ke tāmate‘i ‘a Tānielá, pea ko e hā na‘e tohi ‘e Talaiasi ki he kakai kotoa ‘i hono pule‘angá?

Ngaahi fehu‘i fakalahi:

1. Lau ‘a e Tāniela 6:1-28.

   1. (a) ‘Oku anga-fēfē hono fakamanatu mai kiate kitautolu ‘e he fa‘ufa‘ufono kia Tānielá ‘a e me‘a kuo fai ‘e he kau fakafepakí ‘i he feinga ke lōmia ‘a e ngāue ‘a e Kau Fakamo‘oni ‘a Sihova ‘i onopōní? (Tān. 6:7; Sāme 94:20; ‘Ai. 10:1; Loma 8:31)

   2. (e) ‘E lava fēfē ke fa‘ifa‘itaki ‘a e kau sevāniti ‘a e ‘Otuá he ‘aho ní kia Tāniela ‘i he anganofo ai pē ki he “ngaahi pule ‘oku ma‘olunga”? (Tān. 6:5, 10; Loma 13:1; Ng. 5:29)

   3. (f) ‘E lava fēfē ke tau fa‘ifa‘itaki ki he fa‘ifa‘itaki‘anga ‘a Tānielá ‘i he tauhi kia Sihova “ta‘etukua”? (Tān. 6:17, 20 [Tān. 6:16, 20, PM]; Fili. 3:16; Fkh. 7:15)

Talanoa 80

1. Hangē ko ia ‘oku fakatātaa‘i ‘i he fakatātaá, ko e hā ‘oku fai ‘e he kau ‘Isilelí?

2. Na‘e anga-fēfē hono fakahoko ‘e Kōlesi ‘a e kikite ‘a Sihova fakafou ‘ia ‘Aiseá?

3. Ko e hā na‘e tala ‘e Kōlesi ki he kau ‘Isileli ‘a ia na‘e ‘ikai lava ke nau foki ki Selusalemá?

4. Ko e hā na‘e ‘oange ‘e Kōlesi ki he kakaí ke nau foki mo ia ki Selusalemá?

5. Ko e hā ‘a e lōloa ‘o e foki ‘a e kau ‘Isilelí ki Selusalemá?

6. Ko e ta‘u ‘e fiha na‘e maliu atu talu mei hono li‘aki faka‘aufuli ‘a e fonuá ‘o ‘ikai ha kakaí?

Ngaahi fehu‘i fakalahi:

1. Lau ‘a e‘Aisea 44:28 mo e 45:1-4.

   1. (a) Na‘e anga-fēfē hono fakamamafa‘i ‘e Sihova ‘a e pau ‘o hono fakahoko ‘o e kikite fekau‘aki mo Kōlesí? (‘Ai. 55:10, 11; Loma 4:17)

   2. (e) Ko e hā ‘oku fakahaa‘i ‘i he kikite ‘a ‘Aisea fekau‘aki mo Kōlesí ‘o kau ki he malava ‘a Sihova ko e ‘Otuá ke tomu‘a tala ‘a e kaha‘ú? (‘Ai. 42:9; 45:21; 46:10, 11; 2 Pita 1:20)

2. Lau ‘a e ‘Ēsela 1:1-11.

   ‘I he muimui ki he fa‘ifa‘itaki‘anga ‘a e fa‘ahinga na‘e ‘ikai malava ke nau foki ki Selusalemá, ‘e lava fēfē ke tau ‘poupou‘i’ he ‘ahó ni ‘a e fa‘ahinga ‘oku nau malava ke kau ki he ngāue taimi-kakató? (‘Ēsela 1:4, 6; Loma 12:13; Kol. 4:12)

Talanoa 81

1. Ko e kakai ‘e toko fiha na‘a nau fononga lōloa mei Pāpilone ki Selusalemá, ka ko e hā na‘a nau ‘ilo ‘i he‘enau a‘u ki aí?

2. Ko e hā na‘e kamata ke langa ‘e he kau ‘Isilelí hili ‘enau a‘u ki aí, ka ko e hā na‘e fai ‘e honau ngaahi filí?

3. Ko hai ‘a Hākeai mo Sākalaia, pea ko e hā na‘á na tala ki he kakaí?

4. Ko e hā na‘e ‘ave ai ‘e Tatenai ha tohi ki Pāpiloné, pea ko e hā ‘a e tali na‘á ne ma‘ú?

5. Ko e hā na‘e fai ‘e ‘Ēsela ‘i he‘ene ‘ilo fekau‘aki mo e fiema‘u ke fakalelei‘i ‘a e temipale ‘o e ‘Otuá?

6. Ko e hā na‘e lotu ki ai ‘a ‘Ēsela ‘i he fakatātaá, na‘e anga-fēfē hono tali ‘a ‘ene lotú, pea ko e hā ‘oku ako‘i mai ‘e he me‘á ni kiate kitautolú?

Ngaahi fehu‘i fakalahi:

1. Lau ‘a e ‘Ēsela 3:1-13.

   Kapau ‘e faifai ange pea tau ‘i ha feitu‘u ‘oku ‘ikai ha fakataha‘anga ‘a e kakai ‘a e ‘Otuá, ko e hā ‘oku totonu ke tau hokohoko atu hono faí? (‘Ēsela 3:3, 6; Ng. 17:16, 17; Hep. 13:15)

2. Lau ‘a e ‘Ēsela 4:1-7.

   Ko e hā ‘a e fa‘ifa‘itaki‘anga na‘e fokotu‘u ‘e Seluipēpeli ki he kakai ‘a Sihová fekau‘aki mo e lotu tuifió? (‘Eki. 34:12; 1 Kol. 15:33; 2 Kol. 6:14-17)

3. Lau ‘a e‘Ēsela 5:1-5, 17 mo e 6:1-22.

   1. (a) Ko e hā na‘e ‘ikai malava ai ‘a e kau fakafepakí ke ta‘ofi ‘a e ngāue langa ‘o e temipalé? (‘Ēsela 5:5; ‘Ai. 54:17)

   2. (e) ‘Oku anga-fēfē hono fakalototo‘a‘i ‘e he tō‘onga ‘a e kau tangata ta‘umotu‘a Siú ‘a e kau mātu‘a Kalisitiané ke nau kumi ki he tataki ‘a Sihová ‘i he fehangahangai mo e kau fakafepakí? (‘Ēsela 6:14; Sāme 32:8; Loma 8:31; Sēm. 1:5)

4. Lau ‘a e ‘Ēsela 8:21-23, 28-36.

   Ki mu‘a ke tau kamata ‘i ha ‘alunga pau ‘o ha ngāué, ko e hā ‘a e fa‘ifa‘itaki‘anga ‘a ‘Ēsela ‘e lelei ke tau fa‘ifa‘itaki ki aí? (‘Ēsela 8:23; Sāme 127:1; Pal. 10:22; Sēm. 4:13-15)

Talanoa 82

1. Ko hai ‘a Motekiai mo ‘Ēseta?

2. Ko e hā na‘e fiema‘u ai ‘e Tu‘i ‘Ahasivelo ha uaifi fo‘oú, pea ko hai na‘á ne filí?

3. Ko hai ‘a Hāmani, pea ko e hā na‘á ne ‘ai ia ke ne ‘ita lahi ‘aupitó?

4. Ko e hā ‘a e lao na‘e fa‘ú, pea ko e hā na‘e fai ‘e ‘Ēseta hili ‘ene ma‘u ‘a e pōpoaki meia Motekiaí?

5. Ko e hā na‘e hoko kia Hāmaní, pea ko e hā na‘e hoko kia Motekiaí?

6. Na‘e anga-fēfē hono fakahaofi ‘a e kau ‘Isilelí mei honau ngaahi filí?

Ngaahi fehu‘i fakalahi:

1. Lau ‘a e ‘Ēseta 2:12-18.

   Na‘e anga-fēfē hono fakahāhā ‘e ‘Ēseta ‘a e mahu‘inga ‘o hono fakatupulekina ha “angava[i]vai mo e angamalū”? (‘Ēseta 2:15; 1 Pita 3:1-5)

2. Lau ‘a e ‘Ēseta 4:1-17.

   Hangē pē ko hono ‘oange kia ‘Ēseta ‘a e faingamālie ke ngāue ai ma‘á e lotu mo‘oní, ko e hā ‘a e faingamālie ‘oku ‘omai kiate kitautolu he ‘ahó ni ke fakahāhā ai ‘etau lī‘oa mo e mateaki kia Sihová? (‘Ēseta 4:13, 14; Mt. 5:14-16; 24:14)

3. Lau ‘a e ‘Ēseta 7:1-6.

   Kuo anga-fēfē ‘a e tuku meimei tatau ‘e he tokolahi ‘o e kakai ‘a e ‘Otuá he ‘aho ní ke nau ‘i ha tu‘unga fakatu‘utāmaki ‘o e fakatangá, ‘o hangē ko ia na‘e fai ‘e ‘Ēsetá? (‘Ēseta 7:4; Mt. 10:16-22; 1 Pita 2:12)

Talanoa 83

1. Na‘e anga-fēfē ‘a e ongo‘i ‘a e kau ‘Isilelí fekau‘aki mo e ‘ikai ha ngaahi ‘ā takatakai ‘i honau kolo ko Selusalemá?

2. Ko hai ‘a Nehemaia?

3. Ko e hā ‘a e ngāue ‘a Nehemaiá, pea ko e hā na‘e mahu‘inga aí?

4. Ko e hā ‘a e ongoongo na‘á ne ‘ai ‘a Nehemaia ke loto-mamahí, pea ko e hā na‘á ne faí?

5. Na‘e anga-fēfē hono fakahāhā ‘e Tu‘i ‘Atasease ‘a e anga-lelei kia Nehemaiá?

6. Na‘e anga-fēfē hono fokotu‘utu‘u ‘e Nehemaia ‘a e ngāue langá ‘o ‘ikai lava ai ke ta‘ofi ia ‘e he ngaahi fili ‘o ‘Isilelí?

Ngaahi fehu‘i fakalahi:

1. Lau ‘a e Nehemaia 1:4-6 mo e 2:1-20.

   Na‘e anga-fēfē ‘a e kumi ‘a Nehemaia ki he tataki ‘a Sihová? (Nehe. 2:4, 5; Loma 12:12; 1 Pita 4:7)

2. Lau ‘a e Nehemaia 3:3-5.

   Ko e hā ‘e lava ke ako ‘e he kau mātu‘á mo e kau sevāniti fakafaifekaú mei he faikehekehe ‘i he vaha‘a ‘o e kau Tēkoá mo ‘enau kau “hou‘eiki”? (Nehe. 3:5, 27; 2 Tes. 3:7-10; 1 Pita 5:5)

3. Lau ‘a e Nehemaia 4:1-23.

   1. (a) Ko e hā na‘á ne ue‘i ‘a e kau ‘Isilelí ke nau hokohoko atu ‘a e langá neongo ‘a e fakafepaki kakahá? (Nehe. 4:6, 8, 9; Sāme 50:15; ‘Ai. 65:13, 14)

   2. (e) ‘I he founga fē ‘oku fakalototo‘a‘i ai ‘e he fa‘ifa‘itaki‘anga ‘a e kau ‘Isilelí ‘a kitautolu he ‘aho ní?

4. Lau ‘a e Nehemaia 6:15.

   Ko e hā ‘oku fakahāhā fekau‘aki mo e mālohi ‘o e tuí ‘e he mo‘oni‘i me‘a ko ia ‘o e ‘osi ‘a e ngaahi ‘ā ‘o Selusalemá ‘i he māhina pē ‘e uá? (Sāme 56:3, 4; Mt. 17:20; 19:26)

Talanoa 84

1. Ko hai ‘a e fefine ‘i he fakatātaá?

2. Ko e hā na‘e tala ‘e Kepaleli kia Melé?

3. Na‘e anga-fēfē ‘a e fakamatala ‘a Kepaleli kia Mele te ne ma‘u ha pēpē neongo na‘e ‘ikai te ne nofo mo ha tangatá?

4. Ko e hā na‘e hoko ‘i he ‘a‘ahi ‘a Mele ki hono kāinga ko ‘Ilisapesí?

5. Ko e hā na‘e fakakaukau ki ai ‘a Siosefa ‘i he‘ene ‘ilo‘i ‘e ma‘u ‘e Mele ha pēpeé, ka ko e hā na‘e liliu ai ‘ene fakakaukaú?

Ngaahi fehu‘i fakalahi:

1. Lau ‘a e Luke 1:26-56.

   1. (a) Ko e hā ‘oku fakahaa‘i ‘i he Luke 1:35 fekau‘aki mo ha ta‘ehaohaoa pē tupu meia ‘Ātama ‘i he manava ‘o Melé ‘i he taimi na‘e hiki hifo ai ‘a e mo‘ui ‘a e ‘Alo ‘o e ‘Otuá mei he nofo‘anga laumālié? (Hak. 2:11-13; Sione 6:69; Hep. 7:26; 10:5)

   2. (e) Na‘e anga-fēfē hono ma‘u ‘e Sīsū ‘a e lāngilangi na‘a mo e ki mu‘a ‘i hono fā‘ele‘í? (Luke 1:41-43)

   3. (f) Ko e hā ‘a e fa‘ifa‘itaki‘anga lelei na‘e ‘omai ‘e Mele ki he kau Kalisitiane he ‘ahó ni ‘a ia ‘oku nau ma‘u ‘a e ngaahi monū makehe ‘o e ngāué? (Luke 1:38, 46-49; 17:10; Pal. 11:2)

2. Lau ‘a e Mātiu 1:18-25.

   Neongo na‘e ‘ikai ke ‘oange kia Sīsū ‘a e hingoa fakafo‘ituitui ko e ‘Imanuelá, na‘e anga-fēfē hono fakahoko ‘e hono ngafa ko ha tangatá ‘a hono ‘uhingá? (Mt. 1:22, 23; Sione 14:8-10; Hep. 1:1-3)

Talanoa 85

1. Ko hai ‘a e ki‘i pēpē ‘i he fakatātaá, pea ‘oku fakatokoto ia ‘e Mele ‘i he hā?

2. Ko e hā na‘e fā‘ele‘i ai ‘a Sīsū ‘i ha fale ki he fanga manú fakataha mo e fanga manú?

3. ‘I he fakatātaá, ko hai ‘a e kau tangata ‘oku nau hū ki he fale ‘o e fanga manú, pea ko e hā na‘e tala ange ‘e ha ‘āngelo kiate kinautolú?

4. Ko e hā na‘e makehe ai ‘a Sīsuú?

5. Ko e hā na‘e lava ai ke ui ‘a Sīsū ko e ‘Alo ‘o e ‘Otuá?

Ngaahi fehu‘i fakalahi:

1. Lau ‘a e Luke 2:1-20.

   1. (a) Ko e hā ‘a e tafa‘aki na‘e fakahoko ‘e Sisa ‘Akosito ‘i hono fakahoko ‘o e kikite fekau‘aki mo e fā‘ele‘i ‘o Sīsuú? (Luke 2:1-4; Mai. 5:2)

   2. (e) ‘E anga-fēfē ‘a e hoko ha tokotaha ‘o fakakau ‘i he ha‘oha‘onga ‘o e fa‘ahinga na‘e lave ki ai ko e “kakai kuo hoifua ki ai”? (Luke 2:14; Mt. 16:24; Sione 17:3; Ng. 3:19; Hep. 11:6)

   3. (f) Kapau na‘e ma‘u ‘e he kau tauhi-sipi mā‘ulalo Siutea ko iá ha ‘uhinga ke nau fiefia ai ‘i hono fā‘ele‘i ‘a e Fakamo‘uí, ko e hā ‘a e ‘uhinga lahi ange ki he fiefiá ‘oku ma‘u ‘e he kau sevāniti ‘a e ‘Otuá he ‘aho ní? (Luke 2:10, 11; ‘Ef. 3:8, 9; Fkh. 11:15; 14:6)

Talanoa 86

1. Ko hai ‘a e kau tangata ‘i he fakatātaá, pea ko e hā ‘oku tuhu ai ‘a e tokotaha ‘o kinautolu ki ha fetu‘u ngingilá?

2. Ko e hā na‘e hoko ai ‘o loto-mamahi ‘a Tu‘i Hēlotá, pea ko e hā na‘á ne faí?

3. Ko fē na‘e taki ki ai ‘e he fetu‘u ngingilá ‘a e kau tangatá, ka ko e hā na‘a nau foki ai ki honau fonuá ‘i ha hala kehé?

4. Ko e hā ‘a e tu‘utu‘uni na‘e fai ‘e Hēlotá pea ko e hā hono ‘uhingá?

5. Ko e hā na‘e tala ‘e Sihova kia Siosefa ke ne faí?

6. Ko hai na‘á ne ‘ai ‘a e fetu‘u fo‘oú ke ngingilá, pea ko e hā hono ‘uhingá?

Fehu‘i fakalahi:

1. Lau ‘a e Mātiu 2:1-23.

   Na‘e ta‘u fiha ‘a Sīsū pea na‘á ne nofo ‘i fē ‘i he ‘a‘ahi kiate ia ‘a e kau makí? (Mt. 2:1, 11, 16)

Talanoa 87

1. Na‘e ta‘u fiha ‘a Sīsū ‘i he fakatātaá, pea na‘á ne ‘i fē?

2. Ko e hā na‘e fai ‘e Siosefa mo hono fāmilí ‘i he ta‘u taki taha?

3. Hili ‘a e ‘aho ‘e taha ‘i he fononga ‘o foki ki ‘apí, ko e hā na‘e toe foki ai ‘a Siosefa mo Mele ki Selusalemá?

4. Ko fē na‘e ‘ilo‘i ai ‘e Siosefa mo Mele ‘a Sīsuú, pea ko e hā na‘e ofo ai ‘a e kakai ‘i aí?

5. Ko e hā na‘e tala ange ‘e Sīsū ki he‘ene fa‘ē ko Melé?

6. ‘E lava fēfē ke tau hangē ko Sīsuú ‘i he ako fekau‘aki mo e ‘Otuá?

Ngaahi fehu‘i fakalahi:

1. Lau ‘a e Luke 2:41-52.

   1. (a) Neongo na‘e fiema‘u ‘i he Laó ko e kakai tangatá pē ke nau ma‘u ‘a e ngaahi kātoanga fakata‘ú, ko e hā ‘a e fa‘ifa‘itaki‘anga lelei na‘e ‘omai ‘e Siosefa mo Mele ki he ngaahi mātu‘a he ‘aho ní? (Luke 2:41; Teu. 16:16; 31:12; Pal. 22:6)

   2. (e) Na‘e anga-fēfē hono fokotu‘u ‘e Sīsū ha fa‘ifa‘itaki‘anga lelei ki he fānau he ‘aho ní ke nau fakamo‘ulaloa ki he‘enau ngaahi mātu‘á? (Luke 2:51; Teu. 5:16; Pal. 23:22; Kol. 3:20)

2. Lau ‘a e Mātiu 13:53-56.

   Ko hai ‘a e ngaahi tokoua fakakakano ‘e toko fā ‘o Sīsū ‘oku ‘omai honau hingoá he Tohitapú, pea na‘e anga-fēfē hono ngāue‘aki ‘a e toko ua ‘o kinautolu ki mui ange ‘i he fakataha‘anga Kalisitiané? (Mt. 13:55; Ng. 12:17; 15:6, 13; 21:18; Kal. 1:19; Sēm. 1:1; Siu. 1)

Talanoa 88

1. Ko hai ‘a e ongo tangata ‘i he fakatātaá?

2. ‘Oku anga-fēfē hono papitaiso ‘o ha tokotaha?

3. Ko hai na‘e papitaiso anga-maheni ‘e Sioné?

4. Ko e hā ‘a e ‘uhinga makehe na‘e kole ai ‘e Sīsū kia Sione ke ne papitaiso iá?

5. Na‘e anga-fēfē hono fakahāhā ‘e he ‘Otuá na‘á Ne hōifua ‘i he papitaiso ‘o Sīsuú?

6. Ko e hā na‘e hoko ‘i he ‘alu ‘a Sīsū ki ha feitu‘u na‘e ‘ikai ke ‘i ai ha kakai ‘i he ‘aho ‘e 40?

7. Ko hai ‘a e ni‘ihi ‘o e ‘uluaki kau muimui, pe kau ākonga ‘a Sīsuú, pea ko e hā ‘a ‘ene ‘uluaki maná?

Ngaahi fehu‘i fakalahi:

1. Lau ‘a e Mātiu 3:13-17.

   Ko e hā ‘a e sīpinga na‘e fokotu‘u ‘e Sīsū ki he papitaiso ‘o ‘ene kau ākongá? (Sāme 40:7, 8; Mt. 28:19, 20; Luke 3:21, 22)

2. Lau ‘a e Mātiu 4:1-11.

   ‘Oku anga-fēfē hono fakalototo‘a‘i kitautolu ‘e he ngāue pōto‘i ‘aki ‘e Sīsū ‘a e Tohi Tapú ke tau ako tu‘uma‘u ai ‘a e Tohi Tapú? (Mt. 4:5-7; 2 Pita 3:17, 18; 1 Sione 4:1)

3. Lau ‘a e Sione 1:29-51.

   Ko hai na‘e tataki ki ai ‘e Sione Papitaiso ‘a ‘ene kau ākongá, pea ‘e lava fēfē ke tau fa‘ifa‘itaki kiate ia he ‘ahó ni? (Sione 1:29, 35, 36; 3:30; Mt. 23:10)

4. Lau ‘a e Sione 2:1-12.

   Na‘e anga-fēfē hono fakahaa‘i ‘i he ‘uluaki mana ‘a Sīsuú ‘oku ‘ikai ke ta‘ofi ‘e Sihova ha me‘a lelei mei He‘ene kau sevānití? (Sione 2:9, 10; Sāme 84:11; Sēm. 1:17)

Talanoa 89

1. Ko e hā na‘e fakatau atu ai ‘a e fanga manú ‘i he temipalé?

2. Ko e hā na‘á ne ‘ai ke ‘ita ‘a Sīsuú?

3. Hangē ko ia ‘oku lava ke ke sio ki ai ‘i he fakatātaá, ko e hā ‘oku fai ‘e Sīsuú, pea ko e hā ‘a e tu‘utu‘uni na‘á ne fai ki he kau tangata fakatau lupé?

4. ‘I he taimi na‘e sio ai ‘a e kau muimui ‘o Sīsuú ki he me‘a na‘á ne faí, ko e hā na‘e fakamanatu ai kiate kinautolú?

5. Ko fē ‘a e vahefonua na‘e fononga atu ai ‘a Sīsū ‘i he‘ene foki ki Kālelí?

Fehu‘i fakalahi:

1. Lau ‘a e Sione 2:13-25.

   ‘I he fakakaukau atu ki he ‘ita ‘a Sīsū ki he kau fetongi pa‘anga ‘i he temipalé, ko e hā ‘a e vakai totonu ki he ngaahi ngāue fakakomēsiale ‘i he Fale Fakataha‘anga? (Sione 2:15, 16; 1 Kol. 10:24, 31-33)

Talanoa 90

1. Ko e hā na‘e nofo hifo ai ‘a Sīsū ‘i ha ve‘e vaikeli ‘i Samēliá, pea ko e hā na‘á ne lea‘aki ai ki ha fefine?

2. Ko e hā na‘e ‘ohovale ai ‘a e fefiné, ko e hā na‘e lea‘aki ‘e Sīsū kiate iá, pea ko e hā hono ‘uhingá?

3. Ko e fa‘ahinga vai fēfē na‘e fakakaukau ‘a e fefiné ko e talanoa ‘a Sīsū ki aí, ka ko e hā ‘a e vai na‘á ne ‘uhinga mo‘oni ki aí?

4. Ko e hā na‘e ofo ai ‘a e fefiné ‘i he me‘a na‘e ‘ilo ‘e Sīsū fekau‘aki mo iá, pea na‘e anga-fēfē ‘ene ma‘u ‘a e fakamatalá ni?

5. Ko e hā ‘a e ngaahi lēsoni ‘e lava ke tau ako mei he talanoa ki he fefine ‘i he ve‘e vaikelí?

Ngaahi fehu‘i fakalahi:

1. Lau ‘a e Sione 4:5-43.

   1. (a) ‘I he muimui ki he fa‘ifa‘itaki‘anga ‘a Sīsuú, ko e hā ‘a e fakakaukau ‘oku totonu ke tau fakahāhā ki he kakai ‘o ha matakali pe ‘ātakai fakasōsiale kehe? (Sione 4:9; 1 Kol. 9:22; 1 Tīm. 2:3, 4; Tai. 2:11)

   2. (e) Ko e hā ‘a e ngaahi ‘aonga fakalaumālie ‘oku hoko mai ki ha tokotaha ‘oku hoko ko ha ākonga ‘a Sīsū? (Sione 4:14; ‘Ai. 58:11; 2 Kol. 4:16)

   3. (f) ‘E lava fēfē ke tau fakahaa‘i ‘a e hounga‘ia hangē ko ia ko e fefine Samēliá, ‘a ia na‘á ne vēkeveke ke vahevahe atu ‘a e me‘a na‘á ne ‘iló? (Sione 4:7, 28; Mt. 6:33; Luke 10:40-42)

Talanoa 91

1. ‘I he fakatātaá, ko fē ‘oku faiako ai ‘a Sīsuú pea ko hai ‘a e fa‘ahinga ‘oku tangutu ofi kiate iá?

2. Ko hai ‘a e hingoa ‘o e kau ‘apositolo ‘e toko 12?

3. Ko e hā ‘a e Pule‘anga ‘oku malanga ‘a Sīsū fekau‘aki mo iá?

4. Ko e hā na‘e ako‘i ‘e Sīsū ‘a e kakaí ke nau lotu ki aí?

5. Ko e hā na‘e lea‘aki ‘e Sīsū fekau‘aki mo e anga ‘oku totonu ke fefai‘aki ‘e he kakaí?

Ngaahi fehu‘i fakalahi:

1. Lau ‘a e Mātiu 5:1-12.

   ‘I he ngaahi founga fē ‘e lava ke tau fakahaa‘i ai ‘oku tau lāu‘ilo ki he‘etau fiema‘u fakalaumālié? (Mt. 5:3; Loma 10:13-15; 1 Tīm. 4:13, 15, 16)

2. Lau ‘a e Mātiu 5:21-26.

   ‘Oku anga-fēfē hono fakamamafa‘i ‘i he Mātiu 5:23, 24 ko hotau vaha‘angatae mo hotau ngaahi tokouá ‘oku kaunga ia ki hotau vaha‘angatae mo Sihová? (Mt. 6:14, 15; Sāme 133:1; Kol. 3:13; 1 Sione 4:20)

3. Lau ‘a e Mātiu 6:1-8.

   Ko e hā ‘a e fa‘ahinga founga ‘o e mā‘oni‘oni fakaekitá ‘oku totonu ke faka‘ehi‘ehi mei ai ‘a e kau Kalisitiané? (Luke 18:11, 12; 1 Kol. 4:6, 7; 2 Kol. 9:7)

4. Lau ‘a e Mātiu 6:25-34.

   Ko e hā na‘e ako‘i ‘e Sīsū fekau‘aki mo e fiema‘u ke falala kia Sihova ki he‘etau ngaahi tokonaki fakamatelié? (‘Eki. 16:4; Sāme 37:25; Fili. 4:6)

5. Lau ‘a e Mātiu 7:1-11.

   Ko e hā ‘oku ako‘i mai kiate kitautolu ‘e he fakatātā mahino ‘oku ma‘u ‘i he Mātiu 7:5? (Pal. 26:12; Loma 2:1; 14:10; Sēm. 4:11, 12)

Talanoa 92

1. Ko hai ‘a e tamai ‘a e ta‘ahine ‘i he fakatātaá, pea ko e hā na‘á ne hoha‘a ‘aupito ai mo hono uaifí?

2. Ko e hā na‘e fai ‘e Siailosi ‘i he‘ene ‘ilo ‘a Sīsuú?

3. Ko e hā na‘e hoko ‘i he ‘alu ‘a Sīsū ki he ‘api ‘o Siailosí, pea ko e hā ‘a e pōpoaki na‘e ma‘u ‘e Siailosi ‘i he‘ene fonongá?

4. Ko e hā na‘e kata‘i ai ‘a Sīsū ‘e he kakai ‘i he fale ‘o Siailosí?

5. Hili hono ‘ave ‘a e toko tolu ‘o e kau ‘apositoló mo e tamai pea mo e fa‘ē ‘a e ta‘ahiné ki he loki ‘o e ta‘ahiné, ko e hā na‘e fai ‘e Sīsuú?

6. Ko hai na‘e toe fokotu‘u ‘e Sīsū mei he maté, pea ko e hā ‘oku fakahaa‘i ‘e he me‘á ni?

Ngaahi fehu‘i fakalahi:

1. Lau ‘a e Luke 8:40-56.

   Na‘e anga-fēfē hono fakahāhā ‘e Sīsū ‘a e manava‘ofa mo e faka‘atu‘i ki he fefine na‘e ‘au totó, pea ko e hā ‘e lava ke ako ‘e he kau mātu‘a Kalisitiane he ‘aho ní mei he me‘á ni? (Luke 8:43, 44, 47, 48; Liv. 15:25-27; Mt. 9:12, 13; Kol. 3:12-14)

2. Lau ‘a e Luke 7:11-17.

   Ko e hā ‘e lava ai ‘e he fa‘ahinga kuo mole ‘a e fa‘ahinga na‘a nau ‘ofa aí ‘i he maté ke nau ma‘u ‘a e fiemālie lahi ‘i he anga ‘o e tali ‘a Sīsū ki he uitou mei Neiní? (Luke 7:13; 2 Kol. 1:3, 4; Hep. 4:15)

3. Lau ‘a e Sione 11:17-44.

   Na‘e anga-fēfē ‘a e fakahāhā ‘e Sīsū ‘oku fakanatula pē ke mamahi ‘i he mate ‘a ha taha ‘ofeiná? (Sione 11:33-36, 38; 2 Sām. 18:33; 19:1-4)

Talanoa 93

1. Ko e hā ‘a e me‘a fakalilifu na‘e hoko kia Sione Papitaisó, pea na‘e ‘ai ai ‘a Sīsū ke ne ongo‘i fēfē?

2. Na‘e anga-fēfē hono fafanga ‘e Sīsū ‘a e fu‘u kakai na‘e muimui kiate iá, pea ko e hā ‘a e lahi ‘o e me‘akai na‘e toé?

3. Ko e hā na‘e ilifia ai ‘a e kau ākongá lolotonga ‘a e poó pea ko e hā na‘e hoko kia Pitá?

4. Na‘e anga-fēfē hono fafanga tu‘o ua ‘e Sīsū ‘a e kakai ‘e laui afé?

5. Ko e hā ‘e fakaofo ai ‘a e taimi ‘e pule ai ‘a Sīsū ‘i he māmaní he tu‘unga ko e Tu‘i ‘a e ‘Otuá?

Ngaahi fehu‘i fakalahi:

1. Lau ‘a e Mātiu 14:1-32.

   1. (a) Ko e fakamatala ‘i he Mātiu 14:23-32 ‘oku ‘omai ai ‘a e fakamaama ko e hā ki he anga‘itangata ‘o Pitá?

   2. (e) ‘Oku anga-fēfē hono fakahaa‘i ‘e he lēkooti Fakatohitapú na‘e matu‘otu‘a ‘a Pita peá ne iku‘i ‘a ‘ene tō‘onga loto-‘ohó? (Mt. 14:27-30; Sione 18:10; 21:7; Ng. 2:14, 37-40; 1 Pita 5:6, 10)

2. Lau ‘a e Mātiu 15:29-38.

   Na‘e anga-fēfē hono fakahaa‘i ‘e Sīsū ‘a e tokanga ki he ngaahi tokonaki fakamatelie mei he‘ene Tamaí? (Mt. 15:37; Sione 6:12; Kol. 3:15)

3. Lau ‘a e Sione 6:1-21.

   ‘E lava fēfē ke muimui ‘a e kau Kalisitiane he ‘aho ní ‘i he fa‘ifa‘itaki‘anga ‘a Sīsū ‘i he fekau‘aki mo e founga-pulé? (Sione 6:15; Mt. 22:21; Loma 12:2; 13:1-4)

Talanoa 94

1. Ko e hā na‘e fekīhiaki ‘a e kau ‘apositoló ‘o kau ki ai ‘i he‘enau foki mei ha fononga mama‘ó?

2. Ko e hā na‘e ui ai ‘e Sīsū ha ki‘i tamasi‘i ‘o ne fokotu‘u ‘i he ha‘oha‘onga ‘o e kau ‘apositoló?

3. ‘I he founga fē na‘e totonu ke ako ai ‘a e kau ‘apositoló ke hangē ko e fānaú?

4. ‘I he ngaahi māhina si‘i ki mui aí, na‘e anga-fēfē hono fakahaa‘i ‘e Sīsū ‘a ‘ene ‘ofa‘i ‘a e fānaú?

Ngaahi fehu‘i fakalahi:

1. Lau ‘a e Mātiu 18:1-4.

   Ko e hā na‘e ngāue‘aki ai ‘e Sīsū ‘a e ngaahi talanoa fakatātaá ‘i he‘ene faiakó? (Mt. 13:34, 36; Mk. 4:33, 34)

2. Lau ‘a e Mātiu 19:13-15.

   Ko e hā ‘a e ngaahi ‘ulungāanga ‘o e fānau iikí kuo pau ke tau fa‘ifa‘itaki ki ai kapau ‘oku tau loto ke kau ‘i he ngaahi tāpuaki ‘o e Pule‘angá? (Sāme 25:9; 138:6; 1 Kol. 14:20)

3. Lau ‘a e Ma‘ake 9:33-37.

   Ko e hā na‘e ako‘i ‘e Sīsū ki he‘ene kau ākongá fekau‘aki mo e fiema‘u ‘o e ngaahi tu‘unga tu‘u-ki-mu‘á? (Mk. 9:35; Mt. 20:25, 26; Kal. 6:3; Fili. 2:5-8)

4. Lau ‘a e Ma‘ake 10:13-16.

   Na‘e fotungofua fēfē ‘a Sīsū, pea ko e hā ‘e lava ke ako ‘e he kau mātu‘a Kalisitiané mei he‘ene fa‘ifa‘itaki‘angá? (Mk. 6:30-34; Fili. 2:1-4; 1 Tīm. 4:12)

Talanoa 95

1. Ko e hā ‘a e fehu‘i na‘e ‘eke ‘e ha tangata kia Sīsuú, pea ko e hā hono ‘uhingá?

2. Ko e hā na‘e ngāue‘aki ‘e Sīsū ‘i he taimi ‘e ni‘ihi ‘i he faiakó, pea ko e hā kuo tau ‘osi ‘ilo‘i fekau‘aki mo e kau Siú pea mo e kau Samēliá?

3. ‘I he talanoa na‘e fai ‘e Sīsuú, ko e hā na‘e hoko ki ha tangata Siu na‘e fononga atu ‘i he hala ki Sielikoó?

4. Ko e hā na‘e hoko ‘i he taimi na‘e ha‘u ai ‘i he halá ‘a e taula‘eiki Siu mo ha Līvaí?

5. ‘I he fakatātaá, ko hai ‘okú ne tokoni‘i ‘a e tangata Siu na‘e laveá?

6. Hili hono faka‘osi ‘e Sīsū ‘a e talanoá, ko e hā ‘a e fehu‘i na‘á ne ‘eké, pea na‘e anga-fēfē ‘a e tali ‘a e tangatá?

Ongo fehu‘i fakalahi:

1. Lau ‘a e Luke 10:25-37.

   1. (a) ‘I he ‘ikai fai ha tali hangatonú, na‘e anga-fēfē hono tokoni‘i ‘e Sīsū ha tangata pōto‘i ‘i he Laó ke ne fai ha faka‘uhingá? (Luke 10:26; Mt. 16:13-16)

   2. (e) Na‘e anga-fēfē hono ngāue‘aki ‘e Sīsū ‘a e ngaahi talanoa fakatātaá ke iku‘i ‘aki ‘a e tomu‘a fehi‘a ‘i he tafa‘aki ‘a ‘ene kau fanongó? (Luke 10:36, 37; 18:9-14; Tai. 1:9)

Talanoa 96

1. Ko e hā na‘e fai ‘e Sīsū ‘i he‘ene fononga atu he fonuá?

2. ‘I he ta‘u nai ‘e tolu hili ‘a e papitaiso ‘a Sīsuú, ko e hā na‘á ne tala ki he‘ene kau ‘apositoló?

3. Ko hai ‘a e kakai ‘i he fakatātaá, pea ko e hā na‘e fai ‘e Sīsū ki he fefiné?

4. Ko e hā na‘e ‘ai ai ‘e he tali ‘a Sīsū ki he ngaahi fakafepaki ‘a e kau taki lotú ke nau maá?

5. ‘I he taimi na‘e ofi ai ‘a Sīsū mo ‘ene kau ‘apositoló ki Sielikoó, ko e hā na‘e fai ‘e Sīsū ki he ongo tangata kui kolekolé?

6. Ko e hā na‘e fai ai ‘e Sīsū ‘a e ngaahi maná?

Ngaahi fehu‘i fakalahi:

1. Lau ‘a e Mātiu 15:30, 31.

   Ko e hā ‘a e fakahāhā fakaofo ‘o e mālohi ‘o Sihová ‘oku fakahaa‘i fakafou ‘ia Sīsuú, pea ‘oku totonu ke fēfē ‘ene kaunga ki he‘etau mahino‘i ‘a e me‘a na‘e tala‘ofa ‘e Sihova ki he māmani fo‘oú? (Sāme 37:29; ‘Ai. 33:24)

2. Lau ‘a e Luke 13:10-17.

   ‘Oku anga-fēfē hono fakahaa‘i ‘e he mo‘oni‘i me‘a ‘o hono fakahoko ‘e Sīsū ‘a e ni‘ihi ‘o ‘ene ngaahi mana tu‘u-ki-mu‘a taha ‘i he Sāpaté ‘a e fa‘ahinga fakafiemālie te ne ‘omai ki he fa‘ahinga ‘o e tangatá lolotonga ‘a ‘ene Pule Ta‘u ‘e Taha Afé? (Luke 13:10-13; Sāme 46:9; Mt. 12:8; Kol. 2:16, 17; Fkh. 21:1-4)

3. Lau ‘a e Mātiu 20:29-34.

   ‘Oku anga-fēfē hono fakahaa‘i ‘i he fakamatala ko ení na‘e ‘ikai ‘aupito fu‘u femo‘uekina ‘a Sīsū ke tokoni‘i ‘a e kakaí, pea ko e hā ‘e lava ke tau ako mei he me‘á ni? (Teu. 15:7; Sēm. 2:15, 16; 1 Sione 3:17)

Talanoa 97

1. ‘I he taimi na‘e a‘u mai ai ‘a Sīsū ki ha ki‘i kolo ofi ki Selusalemá, ko e hā na‘á ne tala ki he‘ene kau ākongá ke nau faí?

2. ‘I he fakatātaá, ko e hā na‘e hoko ‘i he taimi na‘e hoko ai ‘a Sīsū ‘o ofi ki he kolo ko Selusalemá?

3. Ko e hā na‘e fai ‘e he fānau iikí ‘i he‘enau sio ki hono fakamo‘ui ‘e Sīsū ‘a e kakai na‘e kui mo heké?

4. Ko e hā na‘e lea‘aki ‘e Sīsū ki he kau taula‘eiki na‘e ‘itá?

5. ‘E lava fēfē ke tau hangē ko e fānau na‘a nau fakahīkihiki‘i ‘a Sīsuú?

6. Ko e hā na‘e fie‘ilo ki ai ‘a e kau ākongá?

Ngaahi fehu‘i fakalahi:

1. Lau ‘a e Mātiu 21:1-17.

   1. (a) Na‘e anga-fēfē ‘a e kehekehe ‘a e hū ‘a Sīsū ki Selusalema ‘i he tu‘unga ko e Tu‘í pea mo e kau seniale ikuna ‘i he taimi ‘o Lomá? (Mt. 21:4, 5; Sak. 9:9; Fili. 2:5-8; Kol. 2:15)

   2. (e) Ko e hā ‘a e lēsoni ‘e lava ke ako ‘e he fānaú mei he tamaiki tangata ‘Isileli na‘e lave ki ai ‘i he Sāme 118 ‘i he hū ‘a Sīsū ki he temipalé? (Mt. 21:9, 15; Sāme 118:25, 26; 2 Tīm. 3:15; 2 Pita 3:18)

2. Lau ‘a e Sione 12:12-16.

   Ko e hā ‘oku fakatātaa‘i ‘e hono ngāue‘aki ‘a e ngaahi va‘a paame ‘e he kakai na‘a nau fakahīkihiki‘i ‘a Sīsuú? (Sione 12:13; Fili. 2:10; Fkh. 7:9, 10)

Talanoa 98

1. ‘I he fakatātaá, ko fē ‘a e tangata ko Sīsuú, pea ko hai mo ia?

2. Ko e hā na‘e feinga ‘a e kau taula‘eikí ke fai kia Sīsū ‘i he temipalé, pea ko e hā na‘á ne lea‘aki kiate kinautolú?

3. Ko e hā na‘e ‘eke ‘e he kau ‘apositoló kia Sīsuú?

4. Ko e hā na‘e tala ai ‘e Sīsū ki he‘ene kau ‘apositoló ‘a e ni‘ihi ‘o e ngaahi me‘a ‘e hoko ‘i he māmaní ‘i he taimi te ne pule ai ko e Tu‘i ‘i hēvaní?

5. Ko e hā na‘e pehē ‘e Sīsū ‘e hoko ki mu‘a ke ne fakangata ‘a e kovi kotoa ‘i he māmaní?

Ngaahi fehu‘i fakalahi:

1. Lau ‘a e Mātiu 23:1-39.

   1. (a) Neongo na‘e fakahaa‘i ‘e he Tohi Tapú ‘e fe‘ungamālie nai ‘a hono ngāue‘aki ‘o e ngaahi hingoa fakalakanga fakamāmaní, ko e hā ‘oku fakahaa‘i ‘i he ngaahi lea ‘a Sīsū ‘i he Mātiu 23:8-11 fekau‘aki mo hono ngāue‘aki ‘a e ngaahi hingoa fakalakanga fakahekeheke ‘i he fakataha‘anga Kalisitiané? (Ng. 26:25; Loma 13:7; 1 Pita 2:13, 14)

   2. (e) Ko e hā na‘e ngāue‘aki ‘e he kau Fālesí ‘i he feinga ke ta‘ofi ‘a e kakaí mei he hoko ko e kau Kalisitiané, pea kuo anga-fēfē hono ngāue‘aki ‘e he kau taki lotú ‘a e ngaahi founga meimei tatau ‘i onopōní? (Mt. 23:13; Luke 11:52; Sione 9:22; 12:42; 1 Tes. 2:16)

2. Lau ‘a e Mātiu 24:1-14.

   1. (a) ‘Oku anga-fēfē hono fakamamafa‘i ‘a e mahu‘inga ‘o e kātakí ‘i he Mātiu 24:13?

   2. (e) Ko e hā ‘a e ‘uhinga ‘o e fo‘i lea “ngata‘anga” ‘i he Mātiu 24:13? (Mt. 16:27; Loma 14:10-12; 2 Kol. 5:10)

3. Lau ‘a e Ma‘ake 13:3-10.

   Ko e hā ‘a e kupu‘i lea ‘i he Ma‘ake 13:10 ‘oku fakahaa‘i ai ‘a e fakavavevave ‘i hono malanga‘i ‘a e ongoongo leleí, pea ‘oku totonu ke fēfē ‘a e kaunga kiate kitautolu ‘a e ngaahi lea ‘a Sīsuú? (Loma 13:11, 12; 1 Kol. 7:29-31; 2 Tīm. 4:2)

Talanoa 99

1. Hangē ko ia ‘oku fakahaa‘i ‘i he fakatātaá, ko e hā ‘oku ‘i ha fu‘u loki ai ‘i ‘olunga ‘a Sīsū mo ‘ene kau kau ‘apositolo ‘e toko 12?

2. Ko hai ‘a e tangata ‘oku ‘alu atú, pea ko e hā na‘á ne teu ke faí?

3. Ko e hā ‘a e kai makehe na‘e kamata ‘e Sīsū ‘i he ‘osi ‘a e kai ‘o e Lakaatú?

4. Ko e hā ‘a e me‘a na‘e fakamanatu ‘e he Lakaatú ki he kau ‘Isilelí, pea ko e hā na‘e fakamanatu ‘e he kai makehe ko ení ki he kau muimui ‘o Sīsuú?

5. Hili ‘a e Houa Kai Efiafi ‘a e ‘Eikí, ko e hā na‘e tala ‘e Sīsū ki hono kau muimuí, pea ko e hā na‘a nau faí?

Ngaahi fehu‘i fakalahi:

1. Lau ‘a e Mātiu 26:14-30.

   1. (a) ‘Oku anga-fēfē hono fakahaa‘i ‘i he Mātiu 26:15 ko e lavaki‘i ‘e Siutasi ‘a Sīsuú ko ha ngāue na‘e ‘osi fakakaukau‘i?

   2. (e) Ko e hā ‘a e taumu‘a lōua ‘oku fakahoko ‘e he toto ‘o Sīsū na‘e lilingí? (Mt. 26:27, 28; Sel. 31:31-33; ‘Ef. 1:7; Hep. 9:19, 20)

2. Lau ‘a e Luke 22:1-39.

   ‘I he ‘uhinga fē na‘e hū ai ‘a Sētane ‘ia Siutasí? (Luke 22:3; Sione 13:2; Ng. 1:24, 25)

3. Lau ‘a e Sione 13:1-20.

   1. (a) ‘I he fakakaukau ki he fakamatala ‘i he Sione 13:2, ‘e lava ke tukuaki‘i ‘a Siutasi ki he me‘a na‘á ne faí, pea ko e hā ‘a e lēsoni ‘e lava ke ako mei he me‘á ni ‘e he kau sevāniti ‘a e ‘Otuá? (Sēn. 4:7; 2 Kol. 2:11; Kal. 6:1; Sēm. 1:13, 14)

   2. (e) Ko e hā ‘a e lēsoni tefito mālohi na‘e ‘omai ‘e Sīsuú? (Sione 13:15; Mt. 23:11; 1 Pita 2:21)

4. Lau ‘a e Sione 17:1-26.

   ‘I he ‘uhinga fē na‘e lotu ai ‘a Sīsū ma‘a hono kau muimuí ke nau “taha”? (Sione 17:11, 21-23; Loma 13:8; 14:19; Kol. 3:14)

Talanoa 100

1. Na‘e ‘alu ‘a Sīsū mo ‘ene kau ‘apositoló ki fē ‘i he hili ‘enau mavahe mei he loki ‘i ‘olungá, pea ko e hā na‘á ne tala ange ke nau faí?

2. Ko e hā na‘e ‘ilo‘i ‘e Sīsū ‘i he‘ene foki mai ki he feitu‘u na‘e ‘i ai ‘a e kau ‘apositoló, pea na‘e hoko tu‘o fiha ‘a e me‘á ni?

3. Ko hai na‘e ha‘u ki he ngoué, pea ko e hā na‘e fai ‘e Siutasi ‘Isikalioté, hangē ko ia ‘oku fakahaa‘i ‘i he fakatātaá?

4. Ko e hā na‘e ‘uma ai ‘a Siutasi kia Sīsuú, pea ko e hā na‘e fai ‘e Pitá?

5. Ko e hā na‘e lea‘aki ‘e Sīsū kia Pitá, ka ko e hā na‘e ‘ikai kole ai ‘a Sīsū ki he ‘Otuá ke fekau mai ha kau ‘āngeló?

Ngaahi fehu‘i fakalahi:

1. Lau ‘a e Mātiu 26:36-56.

   1. (a) ‘Oku anga-fēfē ‘a e hoko ‘a e founga ‘o hono akonaki‘i ‘e Sīsū ‘a ‘ene kau ākongá ko ha fa‘ifa‘itaki‘anga lelei ia ki he kau mātu‘a Kalisitiane he ‘aho ní? (Mt. 20:25-28; 26:40, 41; Kal. 5:17; ‘Ef. 4:29, 31, 32)

   2. (e) Na‘e anga-fēfē ‘a e vakai ‘a Sīsū ki hono ngāue‘aki ‘a e ngaahi me‘atau mo‘oní ki hoto kaungā fa‘ahinga ‘o e tangatá? (Mt. 26:52; Luke 6:27, 28; Sione 18:36)

2. Lau ‘a e Luke 22:39-53.

   ‘I he taimi na‘e hā ai ha ‘āngelo kia Sīsū ‘i he ngoue ko Ketisemaní ke fakaivimālohi‘i iá, na‘e fakahaa‘i ‘e he me‘á ni na‘e ‘ikai tu‘uma‘u ‘a Sīsū ‘i he‘ene tuí? Fakamatala‘i. (Luke 22:41-43; ‘Ai. 49:8; Mt. 4:10, 11; Hep. 5:7)

3. Lau ‘a e Sione 18:1-12.

   Na‘e anga-fēfē hono malu‘i ‘e Sīsū ‘a ‘ene kau ākongá mei hono kau fakafepakí, pea ko e hā ‘e lava ke tau ako mei he fa‘ifa‘itaki‘anga ko ení? (Sione 10:11, 12; 18:1, 6-9; Hep. 13:6; Sēm. 2:25)

Talanoa 101

1. Ko hai na‘e tupu tefito mei ai ‘a e mate ‘a Sīsuú?

2. Ko e hā na‘e fai ‘e he kau ‘apositoló ‘i hono ‘ave ‘a Sīsū ‘e he kau taki lotú?

3. Ko e hā na‘e hoko ‘i he fale ‘o Kaiafasi ko e taula‘eiki lahí

4. Ko e hā na‘e ‘alu ai ‘a Pita ‘o tangí?

5. Hili hono fakafoki ‘o Sīsū kia Pailató, ko e hā ‘a e kaila ‘a e hou‘eiki taula‘eikí?

6. Ko e hā na‘e hoko kia Sīsū ‘i he ho‘atā efiafi Falaité, pea ko e hā ‘a e tala‘ofa na‘á ne fai ki ha faihia ‘a ia na‘e tautau ‘i ha ‘akau ‘i hono tafa‘akí?

7. ‘E tu‘u ‘i fē ‘a e Palataisi na‘e lea ‘a Sīsū ‘o fekau‘aki mo iá?

Ngaahi fehu‘i fakalahi:

1. Lau ‘a e Mātiu 26:57-75.

   ‘I he founga fē na‘e fakahaa‘i ai ‘e he kau mēmipa ‘o e fakamaau‘anga mā‘olunga faka-Siú na‘e fulikivanu ‘a honau lotó? (Mt. 26:59, 67, 68)

2. Lau ‘a e Mātiu 27:1-50.

   Ko e hā ‘e lava ai ke tau pehē ko e fakatomala na‘e ongo‘i ‘e Siutasí na‘e ‘ikai ke mo‘oni? (Mt. 27:3, 4; Mk. 3:29; 14:21; 2 Kol. 7:10, 11)

3. Lau ‘a e Luke 22:54-71.

   Ko e hā ‘a e lēsoni ‘e lava ke tau ako mei hono fakafisinga‘i ‘e Pita ‘a Sīsū ‘i he pō ‘o hono lavaki‘í mo hono puké? (Luke 22:60-62; Mt. 26:31-35; 1 Kol. 10:12)

4. Lau ‘a e Luke 23:1-49.

   Na‘e fēfē ‘a e tali ‘a Sīsū ki he fakamaau ta‘etotonu na‘e fai kiate iá, pea ko e hā ‘a e lēsoni ‘e lava ke tau ako mei he me‘á ni? (Luke 23:33, 34; Loma 12:17-19; 1 Pita 2:23)

5. Lau ‘a e Sione 18:12-40.

   Ko e hā ‘oku fakahaa‘i ‘e he mo‘oni‘i me‘a ko ia neongo na‘e fakavaivai‘i fakataimi ‘a Pita ‘e he manavahē tangatá, na‘á ne toe foki ‘o hoko ko ha ‘apositolo tu‘u-ki-mu‘a? (Sione 18:25-27; 1 Kol. 4:2; 1 Pita 3:14, 15; 5:8, 9)

6. Lau ‘a e Sione 19:1-30.

   1. (a) Ko e hā ‘a e vakai mafamafatatau ki he ngaahi me‘a fakamatelié na‘e ma‘u ‘e Sīsuú? (Sione 2:1, 2, 9, 10; 19:23, 24; Mt. 6:31, 32; 8:20)

   2. (e) Na‘e anga-fēfē ‘a e hoko ‘a e ngaahi lea tuku ‘a Sīsuú ko ha talaki fiefia ia na‘á ne pouaki ‘a e tu‘unga-hau ‘o Sihová? (Sione 16:33; 19:30; 2 Pita 3:14; 1 Sione 5:4)

Talanoa 102

1. Ko hai ‘a e fefine ‘i he fakatātaá, ko hai ‘a e ongo tangatá, pea na‘a nau ‘i fē?

2. Ko e hā na‘e tala ai ‘e Pailato ki he kau taula‘eikí ke fekau ha kau sōtia ke nau le‘ohi ‘a e fonualoto ‘o Sīsuú?

3. Ko e hā na‘e fai pongipongia ‘e ha ‘āngelo ‘i he ‘aho hono tolu hili ‘a e mate ‘a Sīsuú, ka ko e hā na‘e fai ‘e he kau taula‘eikí?

4. Ko e hā na‘e ofo ai ha kau fefine ‘i he‘enau ‘a‘ahi ki he fonualoto ‘o Sīsuú?

5. Ko e hā na‘e lele ai ‘a Pita mo Sione ki he fonualoto ‘o Sīsuú, pea ko e hā na‘á na ‘ilo aí?

6. Ko e hā na‘e hoko ki he sino ‘o Sīsuú, ka ko e hā na‘á ne fai ke fakahaa‘i ki he kau ākongá kuó ne toe mo‘uí?

Ngaahi fehu‘i fakalahi:

1. Lau ‘a e Mātiu 27:62-66 mo e 28:1-15.

   ‘I he taimi ‘o e toetu‘u ‘a Sīsuú, na‘e anga-fēfē ‘a e angahala ki he laumālie mā‘oni‘oní ‘a e kau hou‘eiki taula‘eikí, kau Fālesí pea mo e kau mātu‘á? (Mt. 12:24, 31, 32; 28:11-15)

2. Lau ‘a e Luke 24:1-12.

   ‘Oku anga-fēfē hono fakahaa‘i ‘i he fakamatala ki he toetu‘u ‘a Sīsuú ‘oku vakai mai ‘a Sihova ki he kakai fefiné ko ha kau fakamo‘oni alafalala‘angá? (Luke 24:4, 9, 10; Mt. 28:1-7)

3. Lau ‘a e Sione 20:1-12.

   ‘Oku anga-fēfē hono tokoni‘i kitautolu ‘e he Sione 20:8, 9 ke sio ki he fiema‘u ke kātaki kapau ‘oku ‘ikai ke tau mahino‘i kakato ‘a e fakahoko ‘o ha kikite Fakatohitapu? (Pal. 4:18; Mt. 17:22, 23; Luke 24:5-8; Sione 16:12)

Talanoa 103

1. Ko e hā na‘e lea‘aki ‘e Mele ki ha tangata na‘á ne fakakaukau ko e tauhi-ngoué, ka ko e hā na‘á ne ‘ai ia ke ne ‘ilo ko Sīsū mo‘oni iá?

2. Ko e hā na‘e hoko ki he ongo ākonga ‘a ia na‘á na fononga ki he kolo ko ‘Emeasí?

3. Ko e hā ‘a e me‘a fakaofo na‘e hoko ‘i he tala ange ‘e he ongo ākongá ki he kau ‘apositoló na‘á na sio kia Sīsuú?

4. Na‘e hā tu‘o fiha ‘a Sīsū ki hono kau muimuí?

5. Ko e hā na‘e lea‘aki ‘e Tōmasi ‘i he‘ene fanongo kuo mamata ‘a e kau ākongá ki he ‘Eikí, ka ko e hā na‘e hoko ‘i he ‘aho ‘e valu ki mui aí?

Ongo fehu‘i fakalahi:

1. Lau ‘a e Sione 20:11-29.

   Na‘e pehē ‘e Sīsū ‘i he Sione 20:23 ‘oku fakamafai‘i ‘a e tangatá ke nau fakamolemole‘i ‘a e angahalá? Fakamatala‘i. (Sāme 49:2, 7; ‘Ai. 55:7; 1 Tīm. 2:5, 6; 1 Sione 2:1, 2)

2. Lau ‘a e Luke 24:13-43.

   ‘E lava fēfē ke tau teu‘i hotau lotó koe‘uhi ke ongongofua ki he ngaahi mo‘oni Fakatohitapú? (Luke 24:32, 33; ‘Ēsela 7:10; Mt. 5:3; Ng. 16:14; Hep. 5:11-14)

Talanoa 104

1. Ko e kau ākonga ‘e toko fiha na‘a nau mamata kia Sīsū ‘i he taimi ‘e taha, pea ko e hā na‘á ne fakamatala kiate kinautolú?

2. Ko e hā ‘a e Pule‘anga ‘o e ‘Otuá, pea ‘e fēfē ‘a e mo‘ui ‘i he māmaní ‘i he taimi ‘e pule ai ‘a Sīsū ko e Tu‘i ‘i he ta‘u ‘e taha afé?

3. Na‘e ‘aho ‘e fiha ‘a e hā ‘a Sīsū ki he‘ene kau ākongá, ka ko e hā na‘e taimi kiate ia ke ne faí?

4. Ki mu‘a pē ‘i he‘ene mavahe mei he‘ene kau ākongá, ko e hā na‘e tala ange ‘e Sīsū ke nau faí?

5. Ko e hā na‘e hoko ‘i he fakatātaá, pea na‘e anga-fēfē ‘a e pulia ‘a Sīsuú?

Ongo fehu‘i fakalahi:

1. Lau ‘a e 1 Kolinitō 15:3-8.

   Ko e hā na‘e lava ai ke lea mātu‘aki tuipau ‘a e ‘apositolo ko Paulá fekau‘aki mo e toetu‘u ‘a Sīsuú, pea ko e hā ‘a e ngaahi me‘a ‘e lava ke lea ‘aki ‘i he tuipau ‘e he kau Kalisitiane ‘i he ‘aho ní? (1 Kol. 15:4, 7, 8; ‘Ai. 2:2, 3; Mt. 24:14; 2 Tīm. 3:1-5)

2. Lau ‘a e Ngāue 1:1-11.

   Na‘e mafolalahia fēfē ‘a e ngāue fakamalangá, hangē ko ia na‘e tomu‘a tala ‘i he Ngāue 1:8? (Ng. 6:7; 9:31; 11:19-21; Kol. 1:23)

Talanoa 105

1. Hangē ko ia ‘oku fakahaa‘i ‘i he fakatātaá, ko e hā na‘e hoko ki he kau muimui ‘o Sīsū ‘a ia na‘a nau tatali ‘i Selusalemá?

2. Ko e hā ‘a e me‘a faka‘ohovale na‘e hoko ki he kau ‘a‘ahi ki Selusalemá?

3. Ko e hā na‘e fakamatala‘i ‘e Pita ki he kakaí?

4. Na‘e ongo‘i fēfē ‘a e kakaí hili ‘enau fanongo kia Pitá, pea ko e hā na‘á ne tala ange ke nau faí?

5. Ko e kakai ‘e toko fiha na‘e papitaiso ‘i he ‘aho ‘o e Penitekosi, 33 T.S.?

Ngaahi fehu‘i fakalahi:

1. Lau ‘a e Ngāue 2:1-47.

   1. (a) Na‘e anga-fēfē hono fakahaa‘i ‘e he lea ‘a Pita ‘oku ma‘u ‘i he Ngāue 2:23, 36 na‘e kau ‘a e pule‘anga Siú kotoa ‘i he fakatupunga ‘o e mate ‘a Sīsuú? (1 Tes. 2:14, 15)

   2. (e) Na‘e anga-fēfē hono fokotu‘u ‘e Pita ha fa‘ifa‘itaki‘anga lelei ‘i he faka‘uhinga mei he Tohi Tapú? (Ng. 2:16, 17, 29, 31, 36, 39; Kol. 4:6)

   3. (f) Na‘e anga-fēfē hono ngāue‘aki ‘e Pita ‘a e ‘uluaki “kī ‘o e Pule‘anga ‘o Hevani,” ‘a ia na‘e tala‘ofa ‘e Sīsū ‘e ‘oange kiate iá? (Ng. 2:14, 22-24, 37, 38; Mt. 16:19)

Talanoa 106

1. Ko e hā na‘e hoko kia Pita mo Sione ‘i he efiafi ‘e taha ‘i he‘ena ‘alu ki he temipalé?

2. Ko e hā na‘e lea‘aki ‘e Pita ki ha tangata heké, pea ko e hā na‘e ‘oange ‘e Pita kiate ia ‘a ia na‘e mahu‘inga ange ia ‘i he pa‘angá?

3. Ko e hā na‘e ‘ita ai ‘a e kau taki lotú, pea ko e hā na‘a nau fai kia Pita mo Sioné?

4. Ko e hā na‘e lea‘aki ‘e Pita ki he kau taki lotú, pea ko e hā ‘a e fakatokanga na‘e ma‘u ‘e he ongo ‘apositoló?

5. Ko e hā na‘e meheka ai ‘a e kau taki lotú, ka ko e hā na‘e hoko ‘i he taimi na‘e tuku pilīsone tu‘o ua ai ‘a e kau ‘apositoló?

6. Na‘e anga-fēfē ‘a e tali ‘a e kau ‘apositoló ‘i hono ‘ave kinautolu ki he fale fakataha ko e Sanitalimí?

Ngaahi fehu‘i fakalahi:

1. Lau ‘a e Ngāue 3:1-10.

   Neongo ‘oku ‘ikai fakamafeia kitautolu ke fakahoko ha ngaahi mana he ‘ahó ni, ‘oku anga-fēfē hono tokoni‘i kitautolu ‘e he ngaahi lea ‘a Pita ‘oku lēkooti ‘i he Ngāue 3:6 ke ‘ilo‘i ‘a e mahu‘inga ‘o e pōpoaki ‘o e Pule‘angá? (Sione 17:3; 2 Kol. 5:18-20; Fili. 3:8)

2. Lau ‘a e Ngāue 4:1-31.

   ‘I he‘etau fehangahangai mo e fakafepaki ‘i he ngāue fakafaifekaú, ‘i he founga fē ‘oku totonu ai ke tau fa‘ifa‘itaki ki hotau ngaahi tokoua Kalisitiane he ‘uluaki senitulí? (Ng. 4:29, 31; ‘Ef. 6:18-20; 1 Tes. 2:2)

3. Lau ‘a e Ngāue 5:17-42.

   Kuo anga-fēfē hono fakahaa‘i ‘e he fa‘ahinga ‘ikai ko e Kau Fakamo‘oni ‘i he kuohilí mo e lolotongá fakatou‘osi, ‘a e faka‘atu‘i fekau‘aki mo e ngāue fakamalangá? (Ng. 5:34-39)

Talanoa 107

1. Ko hai ‘a Sitīveni, pea ko e hā na‘e tokoni‘i ia ‘e he ‘Otuá ke ne faí?

2. Ko e hā na‘e lea‘aki ‘e Sitīveni na‘á ne ‘ai ‘a e kau taki lotú ke nau ‘ita lahí?

3. ‘I hono toho ‘e he kau tangatá ‘a Sitīveni ki he tu‘a koló, ko e hā na‘a nau fai kiate iá?

4. ‘I he fakatātaá, ko hai ‘a e tangata kei talavou ‘oku tu‘u ‘i he ve‘e koté?

5. Ki mu‘a ke ne maté, ko e hā ‘a e lotu ‘a Sitīveni kia Sihová?

6. ‘I he fa‘ifa‘itaki kia Sitīvení, ko e hā ‘oku totonu ke tau fai ‘i he taimi ‘oku fai mai ai ‘e ha taha ha me‘a ‘oku kovi kiate kitautolú?

Ngaahi fehu‘i fakalahi:

1. Lau ‘a e Ngāue 6:8-15.

   Ko e hā ‘a e ngaahi tō‘onga kākā kuo ngāue‘aki ‘e he kau taki lotú ‘i he feinga ke ta‘ofi ‘a e ngāue fakamalanga ‘a e Kau Fakamo‘oni ‘a Sihová? (Ng. 6:9, 11, 13)

2. Lau ‘a e Ngāue 7:1-60.

   1. (a) Ko e hā na‘á ne tokoni‘i ‘a Sitīveni ke hoko ai ‘o ola lelei ‘i hono taukapo‘i ‘a e ongoongo leleí ‘i he ‘ao ‘o e Sanitalimí, pea ko e hā ‘e lava ke tau ako mei he‘ene fa‘ifa‘itaki‘angá? (Ng. 7:51-53; Loma 15:4; 2 Tīm. 3:14-17; 1 Pita 3:15)

   2. (e) Ko e hā ‘a e fakakaukau ‘oku totonu ke tau fakatupulekina ki he kau fakafepaki ki he‘etau ngāué? (Ng. 7:58-60; Mt. 5:44; Luke 23:33, 34)

Talanoa 108

1. Ko e hā na‘e fai ‘e Saula ‘i he ‘osi hono tāmate‘i ‘o Sitīvení?

2. ‘I he fononga ‘a Saula ki Tāmasikusí, ko e hā ‘a e me‘a fakaofo na‘e hoko aí?

3. Ko e hā na‘e tala ‘e Sīsū kia Saula ke ne faí?

4. Ko e hā ‘a e ngaahi fakahinohino na‘e fai ‘e Sīsū kia ‘Ānanaiá, pea na‘e malava fēfē ke toe sio ‘a Saulá?

5. Ko e hā ‘a e hingoa na‘e hoko ‘o ‘iloa ‘aki ‘a Saulá, pea na‘e anga-fēfē ‘ene ngāue‘aki iá?

Ngaahi fehu‘i fakalahi:

1. Lau ‘a e Ngāue 8:1-4.

   Na‘e anga-fēfē ‘a e hoko ‘a e lahi ‘o e fakatanga na‘á ne taa‘i ‘a e fakataha‘anga Kalisitiane toki fokotu‘u fo‘oú ‘o ne fakamafola ‘a e tui faka-Kalisitiané, pea ko e hā ‘a e me‘a meimei tatau kuo hoko ‘i onopōní? (Ng. 8:4; ‘Ai. 54:17)

2. Lau ‘a e Ngāue 9:1-20.

   Ko e hā ‘a e fekau ‘e tolu na‘e fakahaa‘i ‘e Sīsū na‘á ne fakakaukau‘i kia Saulá? (Ng. 9:15; 13:5; 26:1; 27:24; Loma 11:13)

3. Lau ‘a e Ngāue 22:6-16.

   ‘E lava fēfē ke tau hangē ko ‘Ānanaiá, pea ko e hā ‘oku mahu‘inga ai iá? (Ng. 22:12; 1 Tīm. 3:7; 1 Pita 1:14-16; 2:12)

4. Lau ‘a e Ngāue 26:8-20.

   ‘Oku anga-fēfē ‘a e hoko ‘a e tafoki ‘a Saula ki he lotu faka-Kalisitiané ko ha fakalototo‘a ia ki he fa‘ahinga ‘oku ‘i ai honau hoa ta‘etui he ‘aho ní? (Ng. 26:11; 1 Tīm. 1:14-16; 2 Tīm. 4:2; 1 Pita 3:1-3)

Talanoa 109

1. Ko hai ‘a e tangata ‘oku punou ‘i he fakatātaá?

2. Ko e hā na‘e lea‘aki ‘e ha ‘āngelo kia Koliniusí?

3. Ko e hā na‘e ‘ai ‘e he ‘Otuá ke sio ki ai ‘a Pita ‘i he‘ene ‘i he ‘ato ‘o e fale ‘o Saimone ‘i Siopá?

4. Ko e hā na‘e tala ai ‘e Pita kia Koliniusi ‘oku ‘ikai totonu ke ne punou ‘o lotu ange kiate iá?

5. Ko e hā na‘e ofo ai ‘a e kau ākonga Siu na‘e omi mo Pitá?

6. Ko e hā ‘a e lēsoni mahu‘inga ‘oku totonu ke tau ako mei he ‘a‘ahi ‘a Pita kia Koliniusí?

Ongo fehu‘i fakalahi:

1. Lau ‘a e Ngāue 10:1-48.

   Ko e hā ‘oku fakahaa‘i ‘i he ngaahi lea ‘a Paula ‘oku ma‘u ‘i he Ngāue 10:42 fekau‘aki mo e ngāue ko hono malanga‘i ‘o e ongoongo lelei ‘o e Pule‘angá? (Mt. 28:19; Mk. 13:10; Ng. 1:8)

2. Lau ‘a e Ngāue 11:1-18.

   Ko e hā ‘a e fakakaukau na‘e fakahāhā ‘e Pita ‘i he taimi na‘e hoko ai ‘o hā mahino ‘a e tataki ‘a Sihova fekau‘aki mo e kau Senitailé, pea ‘e lava fēfē ke tau fa‘ifa‘itaki ki he‘ene fa‘ifa‘itaki‘angá? (Ng. 11:17, 18; 2 Kol. 10:5; ‘Ef. 5:17)

Talanoa 110

1. Ko hai ‘a e tangata talavou ‘i he fakatātaá, na‘á ne nofó ‘i fē, pea ko hai ‘a e hingoa ‘o ‘ene fa‘eé mo ‘ene kui fefiné?

2. Ko e hā ‘a e lea ‘a Tīmoté ‘i hono ‘eke ange ‘e Paula pe ‘e fie kau fakataha mo Sailosi mo ia ‘i he malanga ki he kakai ‘i he ngaahi feitu‘u mama‘ó?

3. Ko fē na‘e ‘uluaki ui ai ‘a e kau muimui ‘o Sīsuú ko e kau Kalisitiané?

4. Ko fē ‘a e ngaahi kolo ‘e ni‘ihi na‘e ‘a‘ahi ki ai ‘a Paula, Sailosi mo Tīmote hili pē ‘enau mavahe mei Līsitá?

5. Na‘e anga-fēfē ‘a e tokoni ‘a Tīmote kia Paulá, pea ko e hā ‘a e fehu‘i ‘oku totonu ke ‘eke hifo ‘e he fānaú kiate kinautolú?

Ngaahi fehu‘i fakalahi:

1. Lau ‘a e Ngāue 9:19-30.

   Na‘e anga-fēfē hono fakahaa‘i ‘e he ‘apositolo ko Paulá ‘a e fakapotopoto ‘i he‘ene fehangahangai mo e fakafepaki ki he ongoongo leleí? (Ng. 9:22-25, 29, 30; Mt. 10:16)

2. Lau ‘a e Ngāue 11:19-26.

   ‘Oku anga-fēfē hono fakahaa‘i ‘e he fakamatala ‘oku lēkooti ‘i he Ngāue 11:19-21, 26 ‘oku tataki mo fakahinohino ‘e he laumālie ‘o Sihová ‘a e ngāue fakamalangá?

3. Lau ‘a e Ngāue 13:13-16, 42-52.

   ‘Oku anga-fēfē hono fakahaa‘i ‘e he Ngāue 13:51, 52 na‘e ‘ikai ke faka‘atā ‘e he kau ākongá ‘a e fakafepakí ke ne ‘ai ke nau loto-si‘i? (Mt. 10:14; Ng. 18:6; 1 Pita 4:14)

4. Lau ‘a e Ngāue 14:1-6, 19-28.

   ‘Oku anga-fēfē ‘a e tokoni ‘a e kupu‘i lea “ ‘o na toki tuku kinautolu ki he ‘Eiki” ke fakafiemālie‘i kitautolu mei ha loto-mo‘ua ta‘etotonu pē ‘i he‘etau tokoni‘i ‘a e fa‘ahinga fo‘oú? (Ng. 14:21-23; 20:32; Sione 6:44)

5. Lau ‘a e Ngāue 16:1-5.

   ‘Oku anga-fēfē hono fakamamafa‘i ‘e he loto-lelei ‘a Tīmote ke fakamo‘ulaloa ki he kamú ‘a e mahu‘inga ‘o hono fai “[‘a e me‘a kotoa pē] koe‘uhi ko e Kosipeli”? (Ng. 16:3; 1 Kol. 9:23; 1 Tes. 2:8)

6. Lau ‘a e Ngāue 18:1-11, 18-22.

   Ko e hā ‘oku fakahaa‘i ‘e he Ngāue 18:9, 10 fekau‘aki mo e kau fakafo‘ituitui ‘a Sīsū ‘i hono tataki ‘a e ngāue fakamalangá, pea ko e hā ‘a e tuipau ‘oku ‘omai ‘e he me‘a ko iá kiate kitautolu he ‘aho ní? (Mt. 28:20)

Talanoa 111

1. ‘I he fakatātaá, ko hai ‘a e tamasi‘i ‘oku tokoto ‘i he kelekelé, pea ko e hā na‘e hoko kiate iá?

2. Ko e hā na‘e fai ‘e Paula ‘i he‘ene sio ‘oku mate ‘a e tamasi‘í?

3. Na‘e ‘alu ki fē ‘a Paula, Tīmote mo e fa‘ahinga na‘e fononga mo kinauá, pea ko e hā na‘e hoko ‘i he‘enau afe ‘i Miletó?

4. Ko e hā ‘a e fakatokanga na‘e fai ‘e he palōfita ko ‘Akapusí kia Paulá, pea na‘e anga-fēfē ‘a e hoko ‘o hangē tofu pē ko e me‘a na‘e lea‘aki ‘e he palōfitá?

Ngaahi fehu‘i fakalahi:

1. Lau ‘a e Ngāue 20:7-38.

   1. (a) ‘E lava fēfē ke tau hanganaki ‘maa mei he toto oe kakai kotoabe,’ fakatatau ki he ngaahi lea ‘a Paula ‘oku lēkooti ‘i he Ngāue 20:26, 27 (PM)? (‘Isi. 33:8; Ng. 18:6, 7)

   2. (e) Ko e hā ‘oku totonu ai ki he kau mātu‘á ke nau “buke ke mau ae lea mooni” ‘i he taimi faiakó? (Ng. 20:17, 29, 30; Tai. 1:7-9, PM; 2 Tīm. 1:13)

2. Lau ‘a e Ngāue 26:24-32.

   Na‘e anga-fēfē hono ngāue‘aki ‘e Paula ‘a ‘ene tangata‘ifonua Lomá ‘i hono fakahoko ‘a e ngāue fakamalanga na‘á ne ma‘u meia Sīsuú? (Ng. 9:15; 16:37, 38; 25:11, 12; 26:32; Luke 21:12, 13)

Talanoa 112

1. Ko e hā na‘e hoko ki he vaka na‘e ‘i ai ‘a Paulá ‘i he‘ene ‘alu atu ‘o ofi ki he motu ko Kelití?

2. Ko e hā na‘e lea‘aki ‘e Paula ki he fa‘ahinga ‘i he vaká?

3. Na‘e anga-fēfē ‘a e hoko ‘o movete kongokonga ‘a e vaká?

4. Ko e hā ‘a e ngaahi fakahinohino na‘e fai ‘e he ‘ōfisa pule fakakautaú, pea ko e kakai ‘e toko fiha na‘e hao ki ‘utá?

5. Ko e hā ‘a e hingoa ‘o e motu na‘a nau tū‘uta ki aí, pea ko e hā na‘e hoko kia Paula ‘i he lelei ange ‘a e ‘eá?

Ongo fehu‘i fakalahi:

1. Lau ‘a e Ngāue 27:1-44.

   ‘Oku anga-fēfe hono fakaivimālohi‘i ‘etau tuipau ki he tonu matematē ‘a e lēkooti Fakatohitapú ‘i he‘etau lau ‘a e fakamatala ki he folau ‘a Paula ki Lomá? (Ng. 27:16-19, 27-32; Luke 1:3; 2 Tīm. 3:16, 17)

2. Lau ‘a e Ngāue 28:1-14.

   Kapau na‘e ue‘i ‘a e kau nofo pangani ‘i Melitá ke nau tō‘ongafai ki he ‘apositolo ko Paulá mo hono kaungā tūkia ‘i he vaká ‘aki ‘a e ‘ anga-lelei kehe atu,’ ‘oku totonu ke ue‘i ‘a e kau Kalisitiané ke nau fakahaa‘i ‘a e hā pea tautefito ‘i he founga fē? (Ng. 28:1, 2; Hep. 13:1, 2; 1 Pita 4:9)

Talanoa 113

1. Ko hai na‘e malanga ki ai ‘a Paula lolotonga ‘ene hoko ko ha pōpula ‘i Lomá?

2. ‘I he fakatātaá, ko hai ‘a e tokotaha ‘a‘ahi ‘i he tēpilé, pea ko e hā na‘á ne fai ma‘a Paulá?

3. Ko hai ‘a ‘Epafalotaito, pea ko e hā na‘á ne ‘alu mo ia ‘i he‘ene foki ki Filipaí?

4. Ko e hā na‘e faitohi ai ‘a Paula ki hono kaungāme‘a ofi ko Filimoné?

5. Ko e hā na‘e fai ‘e Paula ‘i hono tuku ange iá, pea ko e hā na‘e hoko kiate ia ki mui aí?

6. Ko hai na‘e ngāue‘aki ‘e Sihova ke ne tohi ‘a e ngaahi tohi faka‘osi ‘i he Tohi Tapú, pea ko e hā ‘oku fakamatala ‘a e tohi Fakahaá ‘o fekau‘aki mo iá?

Ngaahi fehu‘i fakalahi:

1. Lau ‘a e Ngāue 28:16-31 mo e Filipai 1:13.

   Na‘e anga-fēfē hono ngāue‘aki ‘e Paula ‘a hono taimí lolotonga hono tuku pōpula ‘i Lomá, pea ko e hā ‘a e ola ‘o ‘ene tui ta‘engaué ki he fakataha‘anga Kalisitiané? (Ng. 28:23, 30; Fili. 1:14)

2. Lau ‘a e Filipai 2:19-30.

   Ko e hā ‘a e ngaahi fakamatala ‘o e hounga‘ia na‘e fai ‘e Paula fekau‘aki mo Tīmote pea mo ‘Epafalotaitó, pea ‘e lava fēfē ke tau fa‘ifa‘itaki ki he fa‘ifa‘itaki‘anga ‘a Paulá?(Fili. 2:20, 22, 25, 29, 30; 1 Kol. 16:18; 1 Tes. 5:12, 13)

3. Lau ‘a e Filimone 1-25.

   1. (a) Ko e hā ‘a e makatu‘unga na‘e faka‘ai‘ai ai ‘e Paula ‘a Filimone ke ne fai ‘a e me‘a na‘e totonú, pea ‘oku anga-fēfē ‘a e hoko eni ko ha tataki ki he kau mātu‘a he ‘aho ní? (Filim. 9; 2 Kol. 8:8; Kal. 5:13)

   2. (e) ‘Oku anga-fēfē hono fakahaa‘i ‘i he fakamatala ‘a Paula ‘oku ma‘u ‘i he Filimone 13, 14 na‘á ne toka‘i ‘a e konisēnisi ‘o e ni‘ihi kehe ‘i he fakataha‘angá? (1 Kol. 8:7, 13; 10:31-33)

4. Lau ‘a e 2 Tīmote 4:7-9.

   ‘I he hangē ko e ‘apositolo ko Paulá, ‘e lava fēfē ke tau ma‘u ‘a e tuipau ‘e fakapale‘i kitautolu ‘e Sihova kapau te tau hanganaki anga-tonu ke a‘u ki he ngata‘angá? (Mt. 24:13; Hep. 6:10)

Talanoa 114

1. Ko e hā ‘oku lāulea ai ‘a e Tohi Tapú ki ha fanga hoosi ‘i hēvaní?

2. Ko e hā ‘a e hingoa ‘o e tau ‘a e ‘Otuá mo e kakai kovi ‘i he māmaní, pea ko e hā ‘a e taumu‘a ‘o e tau ko ‘ení?

3. Mei he fakatātaá, ko hai ‘a e Tokotaha ‘a ia ‘e taki ‘i he taú, ko e hā ‘okú ne ‘ai ai ha kalauní, pea ko e hā ‘a e ‘uhinga ‘o ‘ene heletaá?

4. ‘I he toe sio ki he Talanoa 10, 15 mo e 33, ko e hā ‘oku totonu ai ke ‘oua te tau ‘ohovale ‘i hano faka‘auha ‘e he ‘Otuá ‘a e kakai koví?

5. ‘Oku anga-fēfē hono fakahaa‘i kiate kitautolu ‘e he Talanoa 33 mo e 76 ‘e faka‘auha ‘e he ‘Otuá ‘a e kakai koví neongo ai pē kapau ‘oku nau taukave‘i ‘oku nau lotu kiate ia?

Ngaahi fehu‘i fakalahi:

1. Lau ‘a e Fakahā 19:11-16.

   1. (a) ‘Oku anga-fēfē hono ‘ai ‘e he Tohi Tapú ke mahino ko Sīsū Kalaisi ‘a e tokotaha heka ‘i he hoosi hinehiná? (Fkh. 1:5; 3:14; 19:11; ‘Ai. 11:4)

   2. (e) ‘Oku anga-fēfē hono fakapapau‘i ‘e he pani toto ‘a e kofu tu‘a ‘o Sīsuú ko ‘ene ikuná ‘oku fakapapau‘i pea ‘e kakato? (Fkh. 14:18-20; 19:13)

   3. (f) Ko hai ‘oku ngalingali ‘e fakakau ‘i he kau tau ‘oku muimui ‘ia Sīsū ‘i he‘ene hoosi hinehiná? (Fkh. 12:7; 19:14; Mt. 25:31, 32)

Talanoa 115

1. Ko e hā ‘a e ngaahi tu‘unga ‘oku fakahaa‘i ‘i he Tohi Tapú te tau ma‘u ‘i he Palataisi fakamāmaní?

2. Ko e hā ‘a e tala‘ofa ‘a e Tohi Tapú ki he fa‘ahinga ‘oku nofo ‘i he Palataisí?

3. Ko fē ‘a e taimi ‘e fakapapau‘i ai ‘e Sīsū ke hoko ‘a e liliu faka‘ofo‘ofa ko ení?

4. ‘I he taimi na‘e ‘i māmani ai ‘a Sīsuú, ko e hā na‘á ne fai ke fakahaa‘i ‘a e me‘a te ne fai ‘i he tu‘unga ko e Tu‘i ‘o e Pule‘anga ‘o e ‘Otuá?

5. Ko e hā ‘e fakapapau‘i ‘e Sīsū mo hono kaungāpule ‘i hēvaní ‘i he taimi te nau pule mai ai ki he māmaní mei hēvaní?

Ongo fehu‘i fakalahi:

1. Lau ‘a e Fakahā 5:9, 10.

   Ko e hā ‘e lava ai ke tau tuipau ko e fa‘ahinga ‘e pule mai ki he māmaní he lolotonga ‘a e Pule Ta‘u ‘e Taha Afé te nau hoko ko e ngaahi tu‘i mo e kau taula‘eiki kaungāongo‘i mo faimēsí? (‘Ef. 4:20-24; 1 Pita 1:7; 3:8; 5:6-10)

2. Lau ‘a e Fakahā 14:1-3.

   Ko e hā ‘oku faka‘ilonga‘i ‘e he mo‘oni‘i me‘a ko ia ko e hingoa ‘o e Tamaí mo e hingoa ‘o e Lamí ‘oku tohi ‘i he fo‘i la‘e ‘o e toko 144,000? (1 Kol. 3:23; 2 Tīm. 2:19; Fkh. 3:12)

Talanoa 116

1. Ko e hā ‘oku fiema‘u ke tau ‘ilo‘i kae malava ke tau mo‘ui ta‘engatá?

2. ‘E lava fēfē ke tau ako fekau‘aki mo Sihova ko e ‘Otuá pea mo Sīsū, hangē ko ia ‘oku fakahaa‘i ‘e he ki‘i ta‘ahiné mo hono ongo kaungāme‘a ‘i he fakatātaá?

3. Ko e hā ‘a e tohi ‘e taha ‘okú ke sio ki ai ‘i he fakatātaá, pea ko e hā ‘oku totonu ai ke tau lau ma‘u pē iá?

4. Tuku kehe ‘a e ako fekau‘aki mo Sihova mo Sīsuú, ko e hā ‘a e me‘a kehe ‘oku fiema‘u ke ma‘u ai ‘a e mo‘ui ta‘engatá?

5. Ko e hā ‘a e lēsoni ‘oku tau ako mei he Talanoa 69?

6. Ko e hā ‘oku fakahaa‘i ‘e he fa‘ifa‘itaki‘anga lelei ‘a ki‘i Sāmiuela ‘i he Talanoa 55?

7. ‘E lava fēfē ke tau muimui ‘i he fa‘ifa‘itaki‘anga ‘a Sīsū Kalaisí, pea kapau te tau fai ia, ko e hā te tau malava ke fai ‘i he kaha‘ú?

Ngaahi fehu‘i fakalahi:

1. Lau ‘a e Sione 17:3.

   ‘Oku anga-fēfē hono fakahaa‘i ‘e he Tohi Tapú ko hono ma‘u ‘a e ‘ilo kia Sihova ko e ‘Otuá mo Sīsū Kalaisí ‘oku ‘uhinga ia ki he me‘a lahi ange ‘i hono ako ma‘uloto pē ‘a e ngaahi fo‘i mo‘oní? (Mt. 7:21; Sēm. 2:18-20; 1 Sione 2:17)

2. Lau ‘a e Sāme 145:1-21.

   1. (a) Ko e hā ‘a e ni‘ihi ‘o e ngaahi ‘uhinga lahi ‘oku tau ma‘u ki hono fakahīkihiki‘i ‘o Sihová? (Sāme 145:8-11; Fkh. 4:11)

   2. (e) ‘Oku anga-fēfē ‘a e hoko ‘a Sihova ‘o ‘lelei ki he me‘a kotoa pe,’ pea ‘oku totonu ke fēfē hono tohoaki‘i kitautolu ‘e he me‘á ni ke tau ofi ange ai pē kiate iá? (Sāme 145:9; Mt. 5:43-45)

   3. (f) Kapau ‘oku mahu‘inga ‘a Sihova ki hotau lotó, ‘e ue‘i ai kitautolu ke tau fai ‘a e hā? (Sāme 119:171, 172, 175; 145:11, 12, 21)