Kau Politiki Kākaá—Ko e Meʻa ʻE Fakahoko ʻe he Puleʻanga ʻo e ʻOtuá
Ko e kakaí ʻoku nau loto ke maʻu ha kau taki fakapuleʻanga ʻe lava ke nau falala ki ai; ʻoku nau foʻi ʻi he kau politiki kākaá. ʻI ha savea fakamāmanilahi naʻe pulusi ʻi he 2023, naʻe fakahaaʻi ai ko e kau taki fakapuleʻangá ʻa e kulupu tefito ʻoku ʻikai ke falala ki ai ʻa e kakaí. a
ʻOku fakamatalaʻi ʻi he Tohi Tapú ha founga-pule ʻa ia ko hono Takí ʻoku alafalalaʻanga fakaʻaufuli mo faitotonu, ʻo ʻikai ʻaupito ke kākā. Ko e founga-pule ko iá ko e Puleʻanga ʻo e ʻOtuá pea ko hono Takí ko Sīsū Kalaisi.—ʻAisea 9:7.
ʻOku maʻu ʻe Sīsū ha lēkooti ʻosi fakamoʻoniʻi ʻo e tokanga loto-moʻoni ki he kakaí. (Mātiu 9:35, 36) ʻI he tuʻunga ko e Tuʻi ʻo e Puleʻanga ʻo e ʻOtuá, te ne fakaaʻu ʻa e fakamaau totonú mo e melinó ki he faʻahinga kotoa pē ʻoku nau tali hono tuʻunga-takí.—Saame 72:12-14.
a Līpooti Fakamāmanilahi Edelman Trust Barometer 2023.