ʻI he Mōnite ʻo Fepueli 6, 2023, naʻe taaʻi ʻe ha ngaahi mofuike fakatupu maumau lahi ʻa Toake mo Sīlia.

•   “Ko ha fuʻu mofuike lahi naʻá ne tāmateʻi ʻa e kakai laka hake ʻi he toko 3,700 ʻi Toake mo e tokelau-hihifo ʻo Sīliá ʻi he ʻaho Mōnité, pea ko e mokoʻīʻī ʻa e ʻeá ʻoku tānaki atu ia ki he faingataʻaʻia ʻa e laui afe naʻe lavelavea pe tukuhāusia pea fakafaingataʻaʻiaʻi ai ʻa e ngaahi feinga ke kumi ki he kau hao moʻuí.”​—Reuters, Fepueli 6, 2023.

 ʻOku mamahi hotau lotó ʻi heʻetau lau fekauʻaki mo e ngaahi fakatamaki peheé. ʻI he ngaahi taimi hangē ko ení, ʻe lava ke tau hanga kia Sihova ko e “ʻOtua ʻo e fakafiemālie kotoa pē.” (2 Kolinitō 1:3) ʻOkú ne tokonaki mai ʻa e “fakafiemālie mei he Folofolá ke tau maʻu ai ha ʻamanaki.”​—Loma 15:4.

 ʻI he Tohi Tapú, ʻoku tau ako ai:

•   Meʻa naʻe tomuʻa tala fekauʻaki mo e ngaahi mofuiké.

•   Feituʻu ʻe lava ke tau maʻu mei ai ʻa e fakafiemālié mo e ʻamanakí.

•   Founga ʻe toʻo ʻosi atu ai ʻe he ʻOtuá ʻa e ngaahi faingataʻá kotoa.

 Ke ʻiloʻi ʻa e meʻa ʻoku leaʻaki ʻe he Tohi Tapú fekauʻaki mo e ngaahi kaveinga ko ení, lau ʻa e ngaahi kupu:

•   “Ngaahi Mofuike Lalahi​—Ko e Hā Naʻe Kikiteʻi ʻe he Tohi Tapú?”

•   “Te U Maʻu mei Fē ha ʻAmanaki?”

•   “Kuo Vavé Ni ke Fakangata ʻe he ʻOtuá ʻa e Faingataʻaʻia Kotoa Pē”