ʻI he Mōnite ʻo Fepueli 13, 2023, naʻe tuku mai ai ʻe he Senitā ki Hono Mapuleʻi mo Taʻotaʻofi ʻa e Mahakí (CDC) ʻi ʻAmeliká ha līpooti fekauʻaki mo e moʻui lelei fakaʻatamai ʻa e toʻutupu ʻi ʻAmeliká. Naʻe fakamatalaʻi ai ʻoku laka hake ʻi he pēseti ʻe 40 ʻo e kau ako ʻi he kolisí naʻa nau ongoʻi loto-mamahi maʻu pē mo siva ʻenau ʻamanakí.

 “Neongo kuo mau sio ʻi he tuʻunga kovi taha ʻo e palopalema fakaʻatamai ʻa e toʻutupú ʻi he taʻu ʻe 10 kuo maliu atú,” ko e fakamatala ia ʻa Toketā Kathleen Ethier, ko e talēkita ʻo e Tafaʻaki ki he Moʻui Lelei ʻa e Toʻutupú mo e Akó (DASH) ʻi he CDC, “ko e lēvolo ʻo e palopalema fakaʻatamai mo e ngaahi fakakaukau taonakita naʻe līpooti ʻe he tamaiki fefine taʻu hongofulu tupú ʻoku laka ange ia he taimí ni ʻi ha toe taimi.”

 Naʻe fakahaaʻi ʻe he līpōtí:

•   Laka hake ʻi he tamaiki fefine taʻu hongofulu tupu ʻe toko 1 mei he toko 10 (pēseti ʻe 14) kuo fakamālohiʻi ke fehokotaki fakasino ʻo ʻikai haʻanau loto ki ai. “ʻOku fakatupu hohaʻa ʻaupito eni” ko e fakamatala ia ʻa Toketā Ethier. “Mei he tamaiki fefine taʻu hongofulu tupu ʻe toko 10 ʻokú ke ʻiloʻí, ko e toko taha ʻiate kinautolu pe ngalingali ʻoku lahi ange ai, kuo tohotohoʻi.”

•   Fakafuofua ki he tamaiki fefine taʻu hongofulu tupu ʻe toko 1 mei he toko 3 (pēseti ʻe 30) naʻa nau fakakaukau fakamātoato ke taonakita.

•   Fakafuofua ki he tamaiki fefine taʻu hongofulu tupu ʻe toko 3 mei he toko 5 (pēseti ʻe 57) naʻa nau ongoʻi loto-mamahi maʻu pē pe siva ʻenau ʻamanakí.

 Ko e ngaahi fika ko ení ʻoku fakalotomamahi moʻoni ia. Ko e taimi ʻo e talavoú ʻoku totonu ko ha taimi ia ʻo e mavava mo e fiefia. Ko e hā ʻe lava ke tokoni ki he toʻutupú ke nau fekuki mo e loto-mafasiá ʻi he ʻahó ni? Ko e hā ʻa e lau ʻa e Tohi Tapú?

ʻOku ʻomai ʻe he Tohi Tapú ʻa e tokoni ʻaonga ki he toʻutupú

 ʻOku fakamatalaʻi moʻoni ʻe he Tohi Tapú ʻa e ngaahi taimi fakalotomafasia ʻoku tau lolotonga moʻui aí. ʻOku ui kinautolu ko e “ngaahi taimi fakalilifu ʻa ia ʻe faingataʻa ke fekuki mo ia.” (2 Tīmote 3:1-5) Kae kehe, ʻoku ʻomai ʻe he Tohi Tapú ʻa e faleʻi tuʻuloa ʻa ia ʻokú ne tokoniʻi ʻa e laui miliona ʻo e kau taʻu hongofulu tupu takatakai ʻi he māmaní ke nau fekuki lavameʻa mo ia neongo ʻa e ngaahi pole ʻoku nau fehangahangai mo iá. Fakakaukau ki he ngaahi kupu ko ení ʻa ia ʻoku makatuʻunga ʻi he Tohi Tapú.

•   Fēfē Kapau ʻOku ʻIkai Ke U Toe Fie Moʻui?

•   ʻOku Ou Fie Mate​—ʻE Lava ke Tokoniʻi Au ʻe he Tohi Tapú ʻi Haʻaku Fakakaukau Taonakita?

•   Ko e Hā ke Hokohoko Atu Aí?

•   ʻE Lava Fēfē Ke U Fekuki mo e Loto-Mafasiá?

•   ʻE Lava Fēfē Ke U Fakaʻehiʻehi mei he Fakakaukau Taʻepaú?

•   ʻE Lava Fēfē Ke U Fekuki mo e Loto-Moʻuá?

•   ʻE Lava Fēfē Ke U Mapuleʻi ʻEku Ngaahi Ongoʻí?

•   Mei he Mamahí ki he Fiefia (talanoa tā fakatātā)

•   Fēfē Kapau ʻOku Fakamamahiʻi Au?

•   Fēfē Kapau ʻOku Fakamamahiʻi Au ʻi he ʻInitanetí?

•   Ikuʻi e Houtamakí ʻo ʻIkai Fuhu (talanoa tā fakatātā)

•   ʻE Lava Fēfē Ke U Fekuki mo e Fakahohaʻasi Fakaefehokotaki Fakasinó?

•   Ko e Hā ʻOku Totonu Ke U ʻIlo Fekauʻaki mo e Pāʻusiʻi Fakaefehokotaki Fakasinó?”​—Konga 1: Tokanga

•   Ko e Hā ʻOku Totonu Ke U ʻIlo Fekauʻaki mo e Pāʻusiʻi Fakaefehokotaki Fakasinó?”​—Konga 2: Fakaakeake

ʻOku ʻomai ʻe he Tohi Tapú ʻa e faleʻi ʻaonga ki he ngaahi mātuʻá

 ʻOku toe ʻomai ʻe he Tohi Tapú ʻa e faleʻi ʻaonga ke tokoni ki he ngaahi mātuʻá ke nau lava ʻo tokoniʻi ʻaki ʻenau kau taʻu hongofulu tupú ke fekuki mo e ngaahi pole ʻi he moʻuí. Fakakaukau ki he ngaahi kupu ko ení ʻa ia ʻoku makatuʻunga ʻi he Tohi Tapú.

•   Loto-Mafasia ʻa e Toʻutupú​—Ko e Hā Hono ʻUhingá? Ko e Hā ʻe Lava ke Tokoní?

•   ʻI he Taimi ʻOku Loto-Mafasia Lahi Ai Hoʻo Taʻahine Taʻu Hongofulu Tupú

•   Fēfē Kapau ʻOku Fakamamahiʻi ʻEku Kiʻi Tamá?

•   ʻI he Taimi ʻOku Fakalaveaʻi-Kita Ai Hoʻo Taʻu Hongofulu Tupú

•   Fānaú mo e Mītia Fakasōsialé​—Konga 1: ʻOku Totonu ke Ngāueʻaki ʻe Heʻeku Kiʻi Tamá ʻa e Mītia Fakasōsialé?

•   Fānaú mo e Mītia Fakasōsialé​—Konga 2: Akoʻi Hoʻo Taʻu Hongofulu Tupú ki he Founga ke Ngāueʻaki Fakapotopoto Ai ʻa e Mītia Fakasōsialé

•   Fānaú mo e Telefoni Toʻotoʻó​—Konga 1: ʻOku Totonu ke ʻi Ai ha Telefoni Toʻotoʻo ʻEku Kiʻi Tamá?

•   Fānaú mo e Telefoni Toʻotoʻó​—Konga 2: Akoʻi ʻa e Fānaú ke Ngāueʻaki Fakapotopoto ʻa e Telefoni Toʻotoʻó

•   Founga ke Talanoa Ai ki Hoʻo Taʻu Hongofulu Tupú Fekauʻaki mo e Feʻaveʻaki Pōpoaki Taʻetāú