Ko e ngaahi ongoongó ʻoku fonu ʻi he ngaahi līpooti ʻo e ngaahi lea tāufehiʻa, faihia tupu mei he tāufehiʻá, fakamālohi fakamatakali pea mo e taú.

•   “Ko e ngaahi lea tāufehiʻá ʻoku hā lahi ange ia ʻi ha toe taimi ʻi he mītia fakasōsialé tupu mei he tau ʻi he vahaʻa ʻo ʻIsileli mo Gaza pea mo e kakai ʻoku nau poupouʻi ʻa e fakamālohí mo e tāufehiʻá ”​—The New York Times, Nōvema 15, 2023.

•   “Talu mei he ʻaho 7 ʻo ʻOkatopá, kuo fakautuutu ke toe lahi ange ʻi ha toe taimi ki muʻa ʻa e lea tāufehiʻá mo e fakamālohí ko e ola ia ʻo e tomuʻa fehiʻá.”​—Dennis Francis, palesiteni ʻo e Fakataha Tokoni ʻa e Ngaahi Puleʻanga Fakatahatahá, Nōvema 3, 2023.

 Ko e lea tāufehiʻá, fakamālohí mo e taú ʻoku ʻikai ko ha meʻa foʻou ia. Ko hono moʻoní, ʻoku fakamatalaʻi ʻe he Tohi Tapú ʻa e faʻahinga ko iá ʻi he kuohilí ʻa ia naʻa nau “fakahanga mai ʻenau ngaahi lea kakahá ʻo hangē ha ngaahi foʻi ngahaú” pea naʻa nau fakatupunga ʻa e taú mo e fakamālohí. (Saame 64:3; 120:7; 140:1) Neongo ia ʻoku fakamatalaʻi ʻe he Tohi Tapú ko e tāufehiʻa ʻoku tau sio ki ai ʻi he ʻaho ní ʻoku ʻi ai hono ʻuhinga mahuʻinga.

 ʻOku fakahaaʻi ʻe he Tohi Tapú ʻa e ʻuhinga ʻe ua ʻoku anga-maheni ai ʻa e tāufehiʻá ʻi he ʻahó ni.

1.  1. Naʻe tomuʻa tala ha vahaʻa taimi ʻa ia “ʻe fakaʻaʻau ʻo momoko ʻa e ʻofa ʻa e tokolahi.” (Mātiu 24:12) ʻI he ʻikai ke ʻofá, ʻoku fakahāhā ʻe he kakaí fakalūkufua ʻa e ngaahi tōʻonga ʻokú ne fakaʻaiʻai ʻa e tāufehiʻá.​—2 Tīmote 3:1-5.

2.  2. Ko e tāufehiʻa lahi ʻaupito ʻi he māmaní ʻi he ʻaho ní ko e ola ia ʻo e tākiekina fakatupu maumau mo fulikivanu ʻa Sētane ko e Tēvoló. ʻOku pehē ʻe he Tohi Tapú “ko e māmaní kotoa ʻoku tokoto ia ʻi he mafai ʻo e tokotaha fulikivanú.”​—1 Sione 5:19; Fakahā 12:9, 12.

 Kae kehe, ʻoku toe fakahaaʻi ʻe he Tohi Tapú ʻoku vavé ni ke toʻo ʻosi atu ʻe he ʻOtuá ʻa e ngaahi tupuʻanga kotoa ʻo e tāufehiʻá. Ko e toe meʻa ʻe tahá, te ne toʻo ʻosi atu ʻa e maumau kotoa kuo fakatupunga ʻe he tāufehiʻá. ʻOku talaʻofa mai ʻe he Tohi Tapú:

•   Ko e ʻOtuá “te ne holoholo ʻa e loʻimata kotoa pē mei honau matá, pea ʻe ʻikai ke toe ʻi ai ha mate, pe ha mamahi pe ha tangi pe ha langa. Kuo mole atu ʻa e ngaahi meʻa muʻá.”​—Fakahā 21:4.