Tai. 1:5-9

Na‘e fekau‘i ‘a Taitusi ke ne “fakanofo ha kau mātu‘a ‘i he kolo ki he kolo.” Ko e fa‘ifa‘itaki‘anga Fakatohitapu ko ení ‘oku kei muimui ki ai ‘i he ‘ahó ni ‘a e kau ‘ovasia sēketí ‘i he taimi ‘oku fakanofo ai ha kau mātu‘a ‘i he fakataha‘angá.

‘I he muimui ki he founga ‘o e ‘uluaki senitulí, ‘oku fakafatongia‘aki ‘e he Kulupu Pulé ‘a e kau ‘ovasia sēketí ‘a e fatongia mafatukituki ke fakanofo ‘a e kau mātu‘á mo e kau sevānití.

‘Oku fiema‘u ki he ‘ovasia sēketi taki taha ke nau fakakaukau fakalelei pea mo fa‘a lotu ‘o fekau‘aki mo e fakaongoongolelei kuo fai ‘e he kau mātu‘á pea fakanofo leva ‘a e kau tangata ‘oku tāú.

Na‘a mo e hili hono fakanofo ‘a e kau mātu‘á, kuo pau ke nau hokohoko atu ‘enau a‘usia ‘a e ngaahi tu‘unga taau Fakatohitapú.